1 Пришолъ есми къ огороду своему, сестро моя невесто, и збиралъ есми мскусъ мой съ зельи моими и елъ есми тростку мою съ медомъ моим, и пилъ есми вино мое съ молокомъ моим. Ежьте, друзи, и пиите, и упиитеся, милостникы.
2 Я сонна, а сердце мое чуеть, а голосъ милостника моего толчеть: Отвори мне, сестро моя, подруго моя, голубице моя, полнице моя, иже голова моя наполнилася росы, а кудри мои краплями ночными.
3 Зволокла есми сорочку мою. Какъ оболоку ее, умыла есми ноги мои, какъ скаляю ихъ.
4 Милостникъ мои простерлъ руку свою дирею и чрева мои възгучали на него.
5 Въстала я отворити милостнику моему, и рукы мои покапали мскусомъ и палци мои мскусъ прошолъна краи защепкы.
6 Отворила есми милостнику своему, а милостникъ мои мелкнувъ, прошолъ. Душа моя вышла въ говореньи его. Искала есми его и не наидох его, възывала есми его, и не отвечал мне.
7 Знашли мене сторожове, што ходят въ городе, били мя и ранили мя, отняли тонкую мою от мене сторожове муровыи.
8 Заприсягаю васъ, дочки Иерусолимовы, наидете ль милостника моего, велми повежьте ему, иже болю про любовь я.
9 Каковъ милостникъ твои з милостниковъ, наикраштшая в женахъ, што такъ заклинаеши насъ?
10 Милостникъ мои белъ и румянъ, ухоругвенъ надъ тмами.
11 Голова его арабьского золота, а космы его кудрявы, чернь яко воронъ.
12 Очи его якожь голубячіи, на силнах водах умываются молоком, седяче на полности.
13 Челюсти его якоже гряды зелеиныи, ростители зелеиныи, уста его рожаныи, каплють мскусомъ проминуючимъ.
14 Рукы его круглы златы, полны яхонту чрева его, сядра зубъ слоновых завивано шафиромъ.
15 Голени его столпы маръмора, основаны на пенкохъ чистого золота. Обличье его якоже Ливанонъ, молодець яко цедръ.
16 Небце его сладости, а весь онъ въжеланости. Се милостныи мои, се другъ мои, дочкы Иерусолимскыи.
Знайшлі памылку ў тэксце? Вылучыце яе і націсніце:
Ctrl + Enter
Песьня Песьняў, 5 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.