Біблія

Псалтыр 96 псалом

Псалтыр
Пераклад Сабілы і Малахава → Пераклад Л. Гарошка

« 95 псалом 97 псалом »

Пераклад Сабілы і Малахава

Пераклад Л. Гарошка

Сьпявайце Ягове новую песьню, сьпявайце Ягове, уся зямля!

Сьпявайце Ягове. Багаслаўляйце Імя Ягонае. Абвяшчайце з дня ў дзень выратаваньне Ягонае.

Апавядайце між паганамі Славу Ягоную, сярод усіх народаў Ягоныя Цудоўныя Дзеі;

бо вялікі ёсьць Ягова і варты вялікага праслаўленьня; і варты багавейнасьці да страху больш за ўсіх багоў;

бо ўсе богі народаў ёсьць нішто, але Ягова стварыў нябёсы.

Веліч і Прыгажосьць перад Абліччам Ягоным, Магутнасьць і Раскоша ў Сьвятыні Ягонай.

Прыносьце ахвяры Ягове, (вы) плямёны народаў, прыносьце ў ахвяру Ягове славу і сілу.

Прыносьце ў ахвяру Ягове Славу Ягонага Імені. Прыносьце дар і ўваходзьце ў двары Ягоныя.

Пакланіцеся Ягове ў сьвятой урачыстасьці. Дрыжы перад Абліччам Ягоным уся зямля!

Кажыце сярод паганаў: «Ягова валадарыць, як Кароль!» Сапраўды, сусьвет цьвёрда ўгрунтаваны, ён ня пахісьнецца. Ён (Ягова) будзе судзіць народы па Праўдзе.

Хай весяляцца Нябёсы, і хай урачыста радуецца зямля. Хай моцна скажа мора і ўсё, што напаўняе яго.

Хай цешыцца поле і ўсё, што на ім. Тады хай узрадуюцца ўсе дрэвы ў лесе

перад Абліччам Яговы, бо Ён ідзе судзіць зямлю. Ён будзе судзіць сьвет у Справядлівасьці і народы паводля Сваёй Праўды.

« 95 псалом 97 псалом »

Біблія

Псалтыр 96 псалом

Біблія

Раздзелы сайта

Дадатак

Кантакты