1 летапісаў 24 разьдзел

 

 

І вось разьмеркаваньні сыноў Ааронавых: сыны Аарона: Надаў, Авіюд, Элеазар і Ітамар.

 

Што да сыноў Аарона — такі іх падзел. Сыны Аарона: Надаб, і Абігу, і Элеязэр, і Ітамар.

Надаў і Авіуд памерлі раней за бацьку свайго, а сыноў ня было ў іх, і таму сьвятарылі Элеазар і Ітамар.

 

А Надаб і Абігу памерлі перад сваім бацькам ды не мелі сыноў; святарства спаўнялі Элеязэр і Ітамар.

І разьмеркаваў іх Давід — Садока з сыноў Элеазара, і Ахімэлэха з сыноў Ітамара, па чарзе на службу іх.

 

І падзяліў іх Давід: сыноў Элеязэра — з Садокам і сыноў Ітамара — з Ахімелехам адпаведна іх чарзе і службе.

І знайшлося, што паміж сынамі Элеазара ўзначальцаў пакаленьняў больш, чым паміж сынамі Ітамара. І ён разьмеркаваў іх так: з сыноў Элеазара шаснаццаць узначальцаў сямействаў, а з сыноў Ітамара восем.

 

І выявілася, што сыноў Элеязэра было намнога больш, чым сыноў Ітамара, дык ён выбраў з іх, гэта значыць з сыноў Элеязэра, шаснаццаць кіраўнікоў родаў, і па родах сыноў Ітамара і сем’ях іх — восем кіраўнікоў родаў.

А разьмяркоўваць іх па жэрабях, бо галоўнымі ў сьвятыні і галоўнымі прад Богам былі з сыноў Элеазара і з сыноў Ітамара,

 

Затым ён падзяліў абодва роды між сабою жэрабем; таму што было пароўну адных і другіх; і каб кіраўнікі святыні і кіраўнікі Божыя былі як з сыноў Элеязэра, так і з сыноў Ітамара.

і запісваў іх Шэмая, сын Натанаіла, пісец зь лявітаў, перад абліччам цара і князёў і перад сьвятаром Садокам і Ахімэлэхам, сынам Авіятара, і перад узначальцамі сямействаў сьвятарскіх і лявіцкіх: бралі пры кіданьні жэрабя адно сямейства з роду Элеазаравага, потым бралі з роду Ітамаравага.

 

І Сямэя, сын Натанаэля, пісар паміж левітаў, перапісаў іх перад царом, і кіраўнікоў, і святара Садока, і Ахімэлеха, сына Абіятара, кіраўнікоў родаў святарскіх і левітаў: адзін род за Элеязэра, і другі — за Ітамара.

І выйшла першае жэрабя Егаярыву, другое Едаі,

 

А першае жэрабя выпала на Ёярыба, другое — на Ядаю,

трэцяе Харыму, чацьвёртае Сэарыму,

 

трэцяе — на Гарыма, чацвёртае — на Сэарыма,

пятае Малхію, шостае Міяміну,

 

пятае — на Мэльхію, шостае — на Міяміна,

сёмае Гакоцу, восьмае Авію,

 

сёмае — на Акоса, восьмае — на Абію,

дзявятае Ешую, дзясятае Шэханію,

 

дзевятае — на Ешуа, дзесятае — на Сахэнію,

адзінаццатае Эліяшыву, дванаццатае Якіму,

 

адзінаццатае — на Эліясіба, дванаццатае — на Якіма,

трынаццатае Хушаю, чатырнаццатае Ешававу,

 

трынаццатае — на Гопфу, чатырнаццатае — на Ісбааба,

пятнаццатае Вілгу, шаснаццатае Імэру,

 

пятнаццатае — на Бэльгу, шаснаццатае — на Эмэра,

сямнаццатае Хэзіру, васямнаццатае Гапіцэцу,

 

семнаццатае — на Гэзіра, васемнаццатае — на Апсу,

дзевятнаццатае Пэтахіі, дваццатае Езэкіілю,

 

дзевятнаццатае — на Пэтагію, дваццатае — на Гэзэхіэля,

дваццаць першае Яхіну, дваццаць другое Гамулу,

 

дваццаць першае — на Яхіна, дваццаць другое — на Гамула,

дваццаць трэцяе Дэлаю, дваццаць чацьвёртае Маазію.

 

дваццаць трэцяе — на Далаява, дваццаць чацвёртае — на Маазіява.

Вось парадак іх пры служэньні іх, як ім прыходзіць у дом Гасподні, па статуце іх праз Аарона бацьку іхняга, як наказваў яму Гасподзь Бог Ізраілеў.

 

Такая была іх чарга, калі прыходзілі ў дом Госпадаў на сваю службу, і па рытуале сваім, і па распараджэнню Аарона, бацькі іх, і па загадзе Госпада, Бога Ізраэля.

У астатніх сыноў Лявія — разьмеркаваньне: з сыноў Амрама: Шуваіл; з сыноў Шуваіла: Едыя;

 

Затым той, хто застаўся з сыноў Леві: з сыноў Амрама: Субаэль, і з сыноў Субаэля — Ягэдэя.

ад Рэхавіі: з сыноў Рэхавіі Ішыя быў першы;

 

Таксама з сыноў Рагобіі — кіраўнік Ясія.

ад Іцгара: Шэламот; з сыноў Шэламота: Яхаў;

 

А з Ісаарытаў — Саламот; з сыноў Саламота— Ягат.

з сыноў Хэўрона: першы Ерыя, другі Амарыя, трэці Яхазііл, чацьвёрты Екамам.

 

З Гэбранітаў: Ерыяў, Амарыя — другі, Яхазіэль — трэці, Екмаам — чацвёрты.

З сыноў Азііла: Міха; з сыноў Міхі: Шамір.

 

Сын Азіэля — Міха; з сыноў Міхі — Самір;

Брат Міхі Ішыя; з сыноў Ішыі: Захарыя.

 

брат Міхі — Ясія; з сыноў Ясіі — Захарыя.

Сыны Мэрары: Махлі і Мушы; з сыноў Яазіі: Бэна.

 

Сыны Мэрары: Махалі і Мусі. Сыны яго: Язіяў і Бані.

З сыноў Мэрары ў Яазіі: Бэна і Шаагам, і Закур і Іўры.

 

Сын Мэрары: з яго сына Язіява: Саам, і Закхур, і Гебры.

У Махлія — Элеазар; у яго сыноў ня было.

 

Затым з Махалі: сын Элеязэр, які не меў дзяцей.

У Кіса: з сыноў Кіса: Ерахмііл;

 

А сын Кіса — Ерамээль;

сыны Мушыя: Махлі, Эдэр і Ерымот. Вось сыны лявітаў па пакаленьнях іх.

 

сыны Мусі: Махалі, Эдэр і Ярмут. Гэта сыны Леві паводле іх родаў.

Кідалі і яны жэрабя, нароўні з братамі сваімі, сынамі Ааронавымі, перад абліччам цара Давіда і Садока і Ахімэлэха, і ўзначальцаў сямействаў сьвятарскіх і лявіцкіх: галава сямейства нароўні зь меншым братам сваім.

 

Таксама і яны кідалі жэрабя, як і браты яго, сыны Аарона, перад абліччам цара Давіда і Садока ды Ахімэлеха, і кіраўнікоў родаў святарскіх і левіцкіх, як большыя, так і меншыя: жэрабя ўсіх роўна дзяліла.