1 летапісаў 24 разьдзел

 

 

І вось чэргі сыноў Аарона. Сыны Аарона: Надаў, Абігу, Элеазар і Ітамар.

 

Што да сыноў Аарона — такі іх падзел. Сыны Аарона: Надаб, і Абігу, і Элеязэр, і Ітамар.

І памерлі Надаў і Абігу перад абліччам бацькі свайго, а сыноў не было ў іх; і былі сьвятарамі Элеазар і Ітамар.

 

А Надаб і Абігу памерлі перад сваім бацькам ды не мелі сыноў; святарства спаўнялі Элеязэр і Ітамар.

І падзяліў іх Давід і Цадок з сыноў Элеазара, і Ахімэлех з сыноў Ітамара, на чэргі іхнія паводле служэньня іхняга.

 

І падзяліў іх Давід: сыноў Элеязэра — з Садокам і сыноў Ітамара — з Ахімелехам адпаведна іх чарзе і службе.

І больш знайшлося галоўных мужоў з сыноў Элеазара, чым з сыноў Ітамара. І былі яны падзелены: з сыноў Элеазара — шаснаццаць галоваў дамоў бацькоў іхніх, з сыноў Ітамара — восем, паводле дамоў бацькоў іхніх.

 

І выявілася, што сыноў Элеязэра было намнога больш, чым сыноў Ітамара, дык ён выбраў з іх, гэта значыць з сыноў Элеязэра, шаснаццаць кіраўнікоў родаў, і па родах сыноў Ітамара і сем’ях іх — восем кіраўнікоў родаў.

І падзялілі іх жэрабем, адных і другіх, каб былі князі сьвятыні і князі Божыя з сыноў Элеазара і з сыноў Ітамара.

 

Затым ён падзяліў абодва роды між сабою жэрабем; таму што было пароўну адных і другіх; і каб кіраўнікі святыні і кіраўнікі Божыя былі як з сыноў Элеязэра, так і з сыноў Ітамара.

І запісаў іх Шэмая, сын Нэтаніэля, пісар з лявітаў, перад абліччам валадара і князёў, і перад Цадокам сьвятаром і Ахімэлехам, сынам Абіятара, і перад галовамі [дамоў] бацькоў сьвятароў і лявітаў. Адзін дом бацькоў узяты ад Элеазара, і адзін — ад Ітамара.

 

І Сямэя, сын Натанаэля, пісар паміж левітаў, перапісаў іх перад царом, і кіраўнікоў, і святара Садока, і Ахімэлеха, сына Абіятара, кіраўнікоў родаў святарскіх і левітаў: адзін род за Элеязэра, і другі — за Ітамара.

І выпала першае жэрабя на Егаярыва, другое — на Едаю.

 

А першае жэрабя выпала на Ёярыба, другое — на Ядаю,

на Харыма трэцяе, на Сэарыма чацьвёртае,

 

трэцяе — на Гарыма, чацвёртае — на Сэарыма,

на Малхію пятае, на Міяміна шостае,

 

пятае — на Мэльхію, шостае — на Міяміна,

на Гаккоца сёмае, на Абію восьмае,

 

сёмае — на Акоса, восьмае — на Абію,

на Ешуа дзявятае, на Шэханію дзясятае,

 

дзевятае — на Ешуа, дзесятае — на Сахэнію,

на Эляшыва адзінаццатае, на Якіма дванаццатае,

 

адзінаццатае — на Эліясіба, дванаццатае — на Якіма,

на Хуппу трынаццатае, на Ешэвава чатырнаццатае,

 

трынаццатае — на Гопфу, чатырнаццатае — на Ісбааба,

на Більгу пятнаццатае, на Імэра шаснаццатае,

 

пятнаццатае — на Бэльгу, шаснаццатае — на Эмэра,

на Хэзіра сямнаццатае, на Гапіцэца васямнаццатае,

 

семнаццатае — на Гэзіра, васемнаццатае — на Апсу,

на Пэтахію дзевятнаццатае, на Ехэзкэля дваццатае,

 

дзевятнаццатае — на Пэтагію, дваццатае — на Гэзэхіэля,

на Яхіна дваццаць першае, на Гамуля дваццаць другое,

 

дваццаць першае — на Яхіна, дваццаць другое — на Гамула,

на Дэлаю дваццаць трэцяе, на Маазію дваццаць чацьвёртае.

 

дваццаць трэцяе — на Далаява, дваццаць чацвёртае — на Маазіява.

Гэта чэргі іхнія для служэньня іхняга, каб яны прыходзілі ў Дом ГОСПАДА паводле пастановы сваёй, [дадзенай] праз Аарона, бацьку іхняга, як загадаў яму ГОСПАД, Бог Ізраіля.

 

Такая была іх чарга, калі прыходзілі ў дом Госпадаў на сваю службу, і па рытуале сваім, і па распараджэнню Аарона, бацькі іх, і па загадзе Госпада, Бога Ізраэля.

А пазасталыя з сыноў Левія: з сыноў Амрама — Шуваэль; з сыноў Шуваэля — Ехдэя;

 

Затым той, хто застаўся з сыноў Леві: з сыноў Амрама: Субаэль, і з сыноў Субаэля — Ягэдэя.

Ад Рэхаўі з сыноў Рэхаўі галоўны Ішыя.

 

Таксама з сыноў Рагобіі — кіраўнік Ясія.

Ад Іцгара — Шэлямот; з сыноў Шэлямота — Яхат.

 

А з Ісаарытаў — Саламот; з сыноў Саламота— Ягат.

Сыны [Хеўрона]: Ерыя, Амарыя другі, Яхазіэль трэці, Екамэам чацьвёрты.

 

З Гэбранітаў: Ерыяў, Амарыя — другі, Яхазіэль — трэці, Екмаам — чацвёрты.

Сыны Узіэля: Міха; з сыноў Міхі — Шамір.

 

Сын Азіэля — Міха; з сыноў Міхі — Самір;

Брат Міхі — Ішыя; з сыноў Ішыі — Захарыя.

 

брат Міхі — Ясія; з сыноў Ясіі — Захарыя.

Сыны Мэрары: Махлі і Мушы. Сыны Яазіі: Бэно.

 

Сыны Мэрары: Махалі і Мусі. Сыны яго: Язіяў і Бані.

Сыны Мэрары з Яазіі: Бэно, Шагам, Заккур і Іўры.

 

Сын Мэрары: з яго сына Язіява: Саам, і Закхур, і Гебры.

Ад Махлі — Элеазар; і не было ў яго сыноў.

 

Затым з Махалі: сын Элеязэр, які не меў дзяцей.

Ад Кіша сыны Кіша: Ерахмээль.

 

А сын Кіса — Ерамээль;

Сыны Мушы: Махлі, Эдэр і Ерымот. Гэта сыны лявітаў паводле дамоў бацькоў іхніх.

 

сыны Мусі: Махалі, Эдэр і Ярмут. Гэта сыны Леві паводле іх родаў.

І кідалі яны таксама жэрабя, як і браты іхнія, сыны Аарона, перад абліччам валадара Давіда, і Цадока, і Ахімэлеха, і перад галовамі [дамоў] бацькоў сьвятарскіх і лявіцкіх, галовы [дамоў] бацькоў аднолькава з меншым братам сваім.

 

Таксама і яны кідалі жэрабя, як і браты яго, сыны Аарона, перад абліччам цара Давіда і Садока ды Ахімэлеха, і кіраўнікоў родаў святарскіх і левіцкіх, як большыя, так і меншыя: жэрабя ўсіх роўна дзяліла.