1 да Цімафея 2 разьдзел
Першае пасланьне да Цімафея
Пераклад П. Татарыновіча → Пераклад Антонія Бокуна
Перш за ўсё вось-жа прашу маліцца благальна, падзячна, за ўсіх людзей,
Дык перш за ўсё прашу ўзносіць просьбы, малітвы, умольваньні і падзякі за ўсіх людзей,
за каралёў ды ўсеўладу, каб вясьці нам супакойнае й ціхое жыцьцё ў шчырай богабоязі ды чыстасьці,
за валадароў і за ўсіх, хто пры ўладзе, каб весьці нам жыцьцё ціхае і спакойнае ў-ва ўсякай пабожнасьці і сумленнасьці,
гэта бо добрае й мілае Богу Збавіцелю нашаму,
бо гэта добра і прыемна перад Збаўцам нашым Богам,
Які хоча, каб усе дайшлі да пазнаньня праўды і былі збаўлёныя.
Які хоча, каб усе людзі былі збаўленыя і прыйшлі да пазнаньня праўды.
Адзін бо ёсьць Бог, адзін і Пасярэднік між Богам і людзьмі — Чалавек Хрыстус Езус,
Бо адзін Бог і адзін Пасярэднік паміж Богам і людзьмі — Чалавек Хрыстос Ісус,
што аддаў сябе самога на водкуп усіх, на сьвядоцтва сваім часам,
Які аддаў Сябе на адкупленьне за ўсіх, як сьведчаньне ў свой час,
для якога вестуном і Апосталам Я пастаўлены (кажу праўду ў Хрыстусе, нялгу), вучыцелем паганаў у веры І праўдзе.
дзеля Якога я пастаўлены весьнікам і апосталам, праўду кажу ў Хрысьце, не хлушу, настаўнікам паганаў у веры і праўдзе.
Жадаю вось-жа, каб мужчыны маліліся на кажным месцы, узьнімаючы рукі чыстыя бяз гневу й сумніваў,
Дык хачу, каб на ўсякім месцы маліліся мужы, узьнімаючы сьвятыя рукі бяз гневу і хістаньняў;
гэтаксама і жанчыны: ў прыстойным адзеньні, скромна і ўстыдліва, а ня з вымудраванымі заплётамі валасоў, у золаце й пэрлах, ці пышных строях,
каб таксама і жанчыны, у сьціплай вопратцы, з сарамлівасьцю і здаровым розумам аздаблялі сябе не пляценьнем валасоў, ані золатам, ані пэрламі, ані шатамі дарагімі,
але — як прыстоіць жанчынах, пасьвяціўшымся пабожнасьці, (хай моляцца) спаўняючы добрые ўчынкі.
але добрымі ўчынкамі, як належыць жанчынам, якія абяцалі багабойнасьць.
Жанчына маўчкі хай вучыцца ўсякае пакоры.
Жанчына ў маўчаньні няхай вучыцца з усякай паслухмянасьцю.
І жанчыне, каб навучала, не дазваляю, ані каб над мужам верхаводзіла, але трымалася маўчаньня.
А жанчыне, каб навучала, не дазваляю, ані каб мужам кіравала, але каб у маўчаньні была.
Перш бо створаны Адам, а потым Ева.
Бо першым быў зьлеплены Адам, а пасьля — Ева;
Ды не Адам быў спакушаны, але жонка спанаджаная была ў праступку;
і не Адам быў падмануты, а жанчына, падманутая, учыніла парушэньне,
збавіцца, аднак, родзячы, калі будзе трываць у веры й любасьці ды сьвятасьці зы скромнасьцяй.
але будзе збаўленая праз нараджэньне дзяцей, калі застанецца ў веры, і любові, і сьвятасьці са здаровым розумам.
