Біблія

Псалтыр 12 псалом

Псалтыр
Пераклад Чарняўскага 2017 → Пераклад а. Сяргея Сурыновіча

Кіраўніку хору. На актаву. Псальм Давідаў.

Выратуй мяне, Госпадзе, бо святы знямогся, бо мала стала верных сярод сыноў чалавечых.

Хлусліва прамаўляе кожны да блізкага свайго; падступнымі вуснамі з крывадушным сэрцам гавораць.

Вынішчыць Госпад усе вусны падступныя і язык напышлівы [тых],

якія кажуць: «Языком сваім сябе ўзвялічым, вусны нашыя — пры нас; хто гаспадар над намі?»

«Дзеля ўціскання гаротных ды ўздыхання ўбогіх паўстану цяпер, — кажа Госпад: — выратую таго, кім пагарджаюць».

Словы Госпада — словы чыстыя, срэбра, што выпрабавана агнём, ад зямлі ачышчанае, сямікратна ачышчанае.

Ты, Госпадзе, абароніш нас і ад гэтага роду навек захаваеш.

Бязбожнікі ходзяць навокал, калі нягоднікі ўзвышаюцца сярод сыноў чалавечых.