1 Пятра 1 разьдзел

 

 

Пётр, апостал Езуса Хрыста, прыхадням дыяспары Понта, Галатыі, Кападоцыі, Азіі і Бітыніі, выбраным

 

Пётра, апостал Ісуса Хрыста,  перасяленцам, рассеяным у Понце, у Галатыі, у Кападоцыі, у Азіі і ў Бітыніі,

паводле прадбачання Бога Айца і асвячаныму Духу дзеля паслухмянасці і акраплення крывёю Езуса Хрыста. Няхай памножыцца ў вас ласка і спакой.

 

выбраным наканаваннем Бога Айца пры асвячэнні Духам, дзеля паслухмянасці і пакраплення крывёй Ісуса Хрыста: хай ласка і супакой будуць вам шчодра памножаны.

Благаслаўлёны Бог і Айцец нашага Пана Езуса Хрыста, які праз вялікую сваю міласэрнасць адрадзіў нас да жывой надзеі праз уваскрасенне Езуса Хрыста,

 

Бласлаўлёны Бог і Айцец Госпада нашага Ісуса Хрыста, Які ў вялікай міласэрнасці Сваёй праз уваскрэсенне з памёршых Ісуса Хрыста адрадзіў нас да жывой надзеі;

да спадчыны незнішчальнай, беззаганнай і неўвядальнай, якая захавана на нябёсах для вас,

 

да спадчыны незнішчальнай, і беззаганнай, і неўвядальнай, што захавана на нябёсах для вас,

умацаваных сілаю Божай праз веру дзеля збаўлення, гатовага аб’явіцца ў апошні час.

 

якія магутнасцю Божай праз веру захоўваецеся дзеля збаўлення, прыгатаванага аб’явіцца ў апошні час.

Гэтаму радуйцеся, нават калі цяпер і давядзецца трохі пасумаваць падчас розных выпрабаванняў,

 

З гэтага радуйцеся, хоць цяпер мусіце пасмуткаваць крыху дзеля шматлікіх выпрабаванняў,

каб правераная вашая вера аказалася нашмат каштоўнейшай за тленнае золата, якое выпрабоўваюць агнём, на славу, і хвалу, і пашану падчас аб’яўлення Езуса Хрыста.

 

каб выпрабаваная вашая вера выявілася шмат даражэйшай за золата —  яно, хоць і выпрабавана ў агні, ды ідзе на загубу, — на славу, пахвалу і гонар пры з’яўленні Ісуса Хрыста.

Хоць вы не бачылі, любіце Яго і, хоць цяпер не бачыце Яго, верыце ў Яго. Весяліцеся радасцю невыказнаю і найслаўнейшаю,

 

Яго, хоць не бачылі, вы любіце і хоць цяпер не бачыце Яго, але верыце і цешыцеся радасцю невымоўнаю і найслаўнейшаю,

дасягаючы мэты веры вашай — збаўлення душ.

 

дасягаючы ў выніку веры вашай збаўлення душ.

Гэтага збаўлення шукалі і дапытваліся прарокі, якія прадказвалі прызначаную вам ласку.

 

Гэтага збаўлення шукалі і выглядалі прарокі, якія прадказвалі будучую для вас ласку,

Яны даследавалі, на калі і на які час указваў Дух Хрыста, які быў у іх і прадказваў цярпенні Хрыста і славу пасля гэтага.

 

даследуючы, калі і на якую пару паказваў Дух Хрыстовы, Які ў іх прабываў і Які прадказваў пакуты Хрыста і пазнейшую славу.

Для іх было адкрыта, што не ім, а вам служыла тое, што цяпер абвешчана тымі, хто прапаведаваў Евангелле ў спасланым з неба Духу Святым, у што хочуць зазірнуць нават анёлы.

 

Ім было адкрыта, што не ім самім, а вам служыла тое, што вам было абвешчана праз іх, якія неслі добрую вестку для вас праз Духа Святога, спасланага з неба, у што заглянуць прагнуць і анёлы.

Таму, падперазаўшы сцёгны розуму вашага, чувайце і моцна спадзявайцеся на ласку, якая будзе прынесена вам у аб’яўленні Езуса Хрыста.

 

Таму, падперазаўшы сцёгны вашага розуму, цвярозыя, майце моцную надзею на ласку, прызначаную вам у аб’яўленні Ісуса Хрыста.

Як паслухмяныя дзеці, не дастасоўвайцеся да пажадлівасцяў, якія вы мелі раней, у час вашага няведання,

 

Як паслухмяныя дзеці, не кіруйцеся вашымі ранейшымі жаданнямі, калі вы былі яшчэ несвядомымі,

але на ўзор Святога, які паклікаў вас, самі станьце святымі ва ўсіх паводзінах вашых.

 

але ва ўсіх паводзінах будзьце вы таксама святымі на ўзор Таго Святога, Які вас паклікаў,

Бо напісана: «Будзьце святымі, таму што Я святы».

 

бо напісана: «Будзьце святымі, бо Я — Святы».

Калі вы называеце Айцом таго, хто непрадузята судзіць кожнага паводле ягоных учынкаў, то са страхам праводзьце час вашага зямнога вандравання,

 

І калі Айцом завеце Таго, Хто, без аглядкі на асобы, судзіць кожнага паводле яго ўчынкаў, дык у страху праводзьце час пражывання вашага,

ведаючы, што не тленным серабром ці золатам адкуплены вы ад марнага жыцця, дадзенага вам айцамі,

 

ведаючы, што адкуплены вы ад марнага жыцця вашага, перададзенага вам бацькамі, не знішчаемым срэбрам або золатам,

але каштоўнаю крывёю Хрыста як беззаганнага і чыстага Баранка.

 

але найкаштоўнейшай крывёй Хрыста, як Ягняці беззаганнага і без спракуды,

Ён быў прызначаны яшчэ да стварэння свету, але з’явіўся ў апошнія часы дзеля вас,

 

Які быў прызначаны перад стварэннем свету, але аб’явіўся ў апошнія часы дзеля вас,

што паверылі праз Яго ў Бога, які ўваскрасіў Яго і адарыў хвалою, каб вы мелі веру і надзею на Бога.

 

якія праз Яго ўверылі ў Бога, Які ўваскрасіў Яго з мёртвых і даў Яму славу, каб вера вашая і надзея былі скіраваны да Бога.

Ачысціўшы паслухмянасцю праўдзе душы вашыя для некрывадушнай братняй любові, чыстым сэрцам шчыра любіце адзін аднаго,

 

Ачысціўшы душы вашыя паслухмянасцю праўдзе дзеля здабыцця шчырай братняй любові, ад чыстага сэрца адны другіх любіце,

бо вы народжаны зноў не з тленнага насення, але з нятленнага, праз Божае слова, якое жыве і трывае.

 

як адроджаныя не са знішчальнага семя, але з незнішчальнага праз Слова Божае, жывое і трывалае, бо

Таму што ўсякае цела — быццам трава, а ўся слава яго — быццам цвет травы: трава завяла — і апаўцвет.

 

кожнае цела — як трава, і ўсякая слава яго — як краска травы. Засохла трава, і краска апала.

А слова Пана трывае навекі. І гэтым словам ёсць Добрая Навіна, абвешчаная вам.

 

Але слова Госпада трывае вечна. Гэта вось слова прынесена вам як добрая вестка.