Да Галятаў 5 разьдзел
Пасланьне да Галятаў
Пераклад Яна Станкевіча → Пераклад Л. Дзекуць-Малея
Хрыстос вывальніў нас да волі; дык стойце цьверда і не паддавайцеся ізноў пад іго няволі.
Дык стойце ў волі, якою вы́зваліў нас Хрыстос, і не падпадайце ізноў пад ярмо рабства.
Вось, я Паўла кажу вам: калі вы абразаецеся, ня будзе вам ніякае карысьці ад Хрыста.
Вось я, Паўла, кажу вам, што, калі абрэзываецеся, дык Хрыстос вас нічым не ўспаможа.
Яшчэ сьветчу кажнаму чалавеку, каторы абразаецца, што ён мае споўніць увесь Закон.
Яшчэ сьве́дчу ўсякаму чалаве́ку, які абрэзываецца, што ён павінен выпаўніць уве́сь закон.
Вы, што правіцеся Законам, спабыліся Хрыста, адпалі ад ласкі,
Вы далёкія ад Хрыста; вы, што апраўдываецеся законам, адпалі ад ласкі;
Бо мы Духам зь веры жджэм справядлівасьці;
мы-ж духам ад ве́ры чакаем надзе́і пра́веднасьці;
Бо ў Хрысту Ісусу ня мае сілы ані абразаньне, ані неабразаньне, але вера, што дзее міласьцяй.
бо ў Хрысьце́ Ісусе ня ма́е сілы ні абрэзаньне, ні неабрэзаньне, але ве́ра, што дзе́ець праз любоў.
Вы беглі добра; хто пераказіў вам, каб вы ня слухалі праўды?
Вы бе́глі добра: хто ўбіў вам не карыцца праўдзе?
Гэтае перакананьне не ад Гукаючага вас.
Гэткае перакананьне не ад Таго, Хто вас закліка́е.
Ад малое закісі кісьне ўсе цеста.
Крошка кісьлі ўсё це́ста квасіць.
Я спадзяюся ўзглядам вас у Спадару, што вы ня будзеце думаць накш; а хто вас парушае, будзе мець рассудак свой, хто б ён ня быў.
Я пэўны ў вас у Госпадзе, што нічога ня будзеце думаць інакш; хто-ж вас баламуціць, той, хто-б ён ні быў, панясе́ на сабе́ асуджэньне.
Чаму, браты, мяне яшчэ перасьлядуюць, калі я яшчэ абяшчаю абразаньне? Тады спатыкненьне крыжа было б аддалена.
Калі-ж я, браты, і цяпе́р абвяшчаю абрэзаньне, дык завошта-ж яшчэ мяне́ перасьле́дуюць? Тагды спакуса крыжа зьніштожылася-бы.
О каб былі нават адрэзаны тыя, што вас парушаюць!
О, каб былі адсе́чаны тыя, што вас бунтуюць!
Бо вы, браты, пагуканыя да свабоды, адно каб пад прыклепам свабоды не гадзіць целу; але міласьцяй слугуйце адзін аднаму.
Бо вы к волі пакліканы, браты; каб толькі воля ваша ня была сродкам для це́ла, але праз любоў служы́це адзін аднаму.
Бо ўвесь Закон у вадным слове замыкаецца: «Любі бліжняга свайго, як самога сябе».
Бо ўве́сь закон у адным слове поўніцца: любі бліжняга твайго, як самога сябе́ (Лявіт 19:18).
Калі ж вы адны адных грызіце а ясьце, глядзіце, каб ня выгубілі адны адных.
Калі-ж адзін аднаго грызецё і заяда́еце, сьцеражы́цеся, каб ня былі загублены адзін адным.
Я кажу: хадзіце Духам, і вы ніяк ня будзеце чыніць досыць жадлівасьцям цела;
Я-ж кажу: хадзе́це духам і пажаданьняў це́ла не спаўняйце.
Бо цела жадае напярэк Духа, і Дух —напярэк цела: яны праціўныя адно аднаму, каб вы не рабілі таго, чаго хочаце.
Бо це́ла хоча супраць духу, а дух — супраць це́лу: яны адно аднаму працівяцца, каб вы ня тое рабілі, чаго хаце́лі-б.
Калі ж вы воджаныя Духам, дык вы не пад Законам.
Калі-ж вы ве́дзены духам, дык вы не пад законам.
Учынкі цела яўныя, яны ё: чужалоства, бязулства, нечысьціня, аблуд,
Учынкі-ж це́ла ве́дамыя; яны ёсьць: блуд, распуста, нячыстасьць, сваволя,
Балвахвалства, чары, ненавіднасьць, сьпярэчкі, завіднасьць, гнеў, нязгода, падманы, падзелы, гэрасі,
паклане́ньне ідалам, чарадзе́йства, варожасьць, спрэчкі, гарачнасьць, гне́ў, сварлівасьць, нязгода, гарэзіі,
Завісьць, забіўствы, п’яцства, буянства і да гэтых падобныя. Кажу наперад, як і ўперад казаў, што гэта чынячым не спадзець гаспадарства Божае.
не́навісьць, забойствы, п’янства, няпрыстойнасьць і падобнае; гэтае кажу вам напе́рад, як і казаў, што тыя, хто гэтак робіць, Царства Божага не ўнасьле́дуюць.
Плод жа Духа: міласьць, радасьць, супакой, цярплівосьць, зычлівасьць, дабрыня, вернасьць,
Плод жа духа: любоў, радасьць, мір, доўгацярплівасьць, добрасьць, міласэрдзе, ве́ра,
Лагоднасьць, валоданьне сабою. На гэткіх няма Закону.
ціхасьць, паўзьдзе́ржлівасьць. На гэтакіх няма закону.
Але тыя, што Хрыстовы, укрыжавалі цела із жадобамі й жадамі.
А Хрыстовыя раскрыжавалі це́ла з мукамі і пажаданьнямі.
Калі мы жывем Духам, хадзіма таксама Духам.
Калі мы жыве́м духам, дык і паступаем духам.
Ня гальмася на пустую славу, квелячы адзін аднаго, завідуючы адзін аднаму.
Ня будзем задавацца, адзін аднаго дражнячы, адзін аднаму завідуючы.
