Марка 1 Паводле Марка 1 разьдзел

Іаан Хрыстітель выйшаў на казанне

¹ Пачатак Дабравесця Ісуса Хрыста, [Сына Божага].

² Як напісана ў прарокі Ісаі: «Вось пасылаю перад Твім абліччам Свайго пасланца, які падрыхтуе Тваю дарогу;

³ Бо быў голас, што гучаў на бязлюдзі; Падрыхтуйце дарогу Гасподу, прамымі зрабіце сцежкі Яго!»

⁴ З’явіўся Іаан, хрысцячы на бязлюдзі і абвяшчаючы пакутнае хрышчэнне дзеля адпушчэння грахоў.

⁵ І выходзілі да яго ўся Іудзейская краіна і ўсе ерусалімцы, і хрысціліся ад яго ў рацэ Іардане, спавядаючы грахі свае.

⁶ І быў Іаан апрануты у вопратку з вярблюджай воуны і са скураным поясам на паясніцы сваёй, і жывіўся саранчою ды дзікім мёдам.

⁷ І багавяшчаў, кажучы: «Ідзе за мною Мацнейшы за мяне, у Якога я няварты, нахіліўшыся, развязаць рамень Яго сандаляў.

⁸ Я хрысціў вас вадою, а Ён будзе хрысціць вас Духам Святым».

Хрышчэнне Ісуса

⁹ І было ў тыя дні: прыйшоў Ісус з Назарэта Галілейскага і хрысціўся ў Іардане ад Іаана.

¹⁰ І адразу, выходзячы з вады, убачыў Ён, што раскрываюцца нябёсы, і Духа, як голуба, што схадзіў на Яго;

¹¹ І голас пачуўся з нябёсаў: «Ты Мой Сын улюбёны, на Табе Мая прыхільнасць».

¹² І адразу Дух накіраваў Яго на бязлюдзе, каб выпрабаваць.

¹³ І быў Ён на бязлюдзе сорак дзён і спакушаў Яго сатана; і быў са звярамі, і анёлы служылі Яму.

Пакліканне першых апосталаў

¹⁴ А пасля таго, як Іаана выдалі, прыйшоў Ісус у Галілею, багавяшчаючы Дабравесце

¹⁵ і казаў ім: «Збыліся часы і наблізілася Царства Божае; пакайцеся і веруйце ў Дабравесце».

¹⁶ І калі Ён праходзіў паўз Галілейскае мора, убачыў Сімана і Андрэя, Сіманавага брата, калі яны закідавалі сетку ў мора: бо яны былі рыбаловы.

¹⁷ І сказаў ім Ісус: «Ідзіце за Мною, і Я зраблю вас лаўцамі людзей».

¹⁸ І адразу пакінуўшы сеткі, яны пайшлі ўслед за Ім.

¹⁹ А прайшоўшы крыху, убачыў Ён Якава Завядзеевага і яго брата Іаана, як яны, таксама ў чоўне, папраўлялі сеткі,

²⁰ і адразу паклікаў іх. І яны, пакінуўшы свайго бацьку Завядзея ў чоўне з наймітамі, пайшлі за Ім.

²¹ І ўваходзяць яны ў Капернаум; і Ён адразу ў суботу, увайшоўшы ў сінагогу, вучыў.

²² І ўсе здзіўляліся ад Яго навучання: бо вучыў іх як маючы ўладу, а не як кніжнікі.

²³ І адразу чалавек з нячыстым духам, што быў у сінагозе, закрычаў,

²⁴ кажучы: «Што Табе да нас, Ісусе Назаранін? Ты прыйшоў загубіць нас? Я ведаю Цябе, хто Ты, Святы Божы».

²⁵ Ісус забараніў яму, кажучы: «Змоўкні і выйдзі з яго!»

²⁶ І нячысты дух, устрасянуўшы яго на сярэдзяні і ўскрыкнуўшы моцным голасам, выйшаў з яго.

²⁷ І ўстрашыліся ўсе, і пыталіся адзін аднаго, гаворачы: «Што гэта такое? Новая навука з уладаю над нячыстымі духамі? Ім Ён загадвае і тыя слухаюцца Яго.»

²⁸ І адразу чутка пра Яго разышлася скрозь па ўсіх ваколіцах Галілеі.

²⁹ І адразу, выйшаўшы з сінагогі, яны з Якавам і Іаанам пайшлі ў дом Сімана і Андрэя.

³⁰ А Сіманава цешча ляжала у гарачцы, і адразу сказалі Яму пра яе.

³¹ І падышоўшы, Ён падняў яе, узяўшы за руку; і гарачка адпусціла яе, і яна прыслужывала ім.

³² І як надышоў вечар, і зайшло сонца, прыносілі да Яго ўсіх нядужных і звар’ятелых;

³³ І сабраўся ўвесь горад да двярэй.

³⁴ І Ён вылечыў многіх заняпалых на розныя хваробы, і шмат дэманаў выгнаў, і не дазволіў дэманам гаварыць, бо тыя ведалі Яго.

³⁵ І вельмі рана, яшчэ ў прытямках, выйшаў Ён і накіраваўся ў бязлюднае месца, і маліўся там.

³⁶ І паспяшаліся за Ім Сіман і тыя, хто былі з Ім.

³⁷ І знайшоўшы Яго, кажуць: «Усе чакаюць Цябе».

³⁸ А Ён кажа: «Ісці трэба і ў іншыя месцы, і там багавяшчаць: бо і на тое Я і пасланы».

³⁹ І пайшоў Ён, багавяшчаючы па ўсіх сінагогах, па ўсёй Галілеі, і выганяючы дэманаў.

Вылечванне пракажонага

⁴⁰ І прыходзіць да Яго пракажоны і просіць, упаўшы на калені: «Калі Ты жадаешь, Госпаді, можаш ачысціць мяне».

⁴¹ І літавасцява, Ён працягнуў руку, дакрануўся і кажа яму: «Жадаю — ачысціся».

⁴² І адразу зышла з яго праказа, і ён ачысціўся.

⁴³ І строга наказаўшы яму, Ён адразу адаслаў яго;

⁴⁴ Казаўшы: глядзі, нікому нічога не расказвай, але ідзі, і пакажыся святару, і прынясі ахвераванне за ачышчэнне тваё, як наказваў Майсей, у сведчанне ім.

⁴⁵ А той, выйшаўшы, пачаў шмат распавядаць, аб тым, што адбылося, і Ён па гэтай прычыне не мог адкрыта ўваходзіць ў горад, а быў у адзіноце, найбольш у бяздюдных месцах. І прыходзілі да Яго адусюль.