1 летапісаў 2 разьдзел
Першая кніга летапісаў
Пераклад Антонія Бокуна → Пераклад Чарняўскага 2017
Гэта сыны Ізраіля: Рубэн, Сымон, Левій, Юда, Ісахар, Завулён,
А сыны Ізраэля: Рубэн, Сімяон, Леві, Юда, Ісахар, Забулон,
Дан, Язэп, Бэн’ямін, Нэфталі, Гад і Асэр.
Дан, Язэп, Бэньямін, Нэфталі, Гад, Асэр.
Сыны Юды: Ер, Анан і Шэля — тры нарадзіліся ў яго ад дачкі Шуа, Ханаанянкі. І быў Ер, першародны Юды, ліхі ў вачах ГОСПАДА, і Ён усьмерціў яго.
Сыны Юды: Гэр, Анан і Шэла: гэтыя тры нарадзіліся ў яго ад дачкі Шуа, хананейкі. Гэр жа быў першародным Юды, ліхі перад Госпадам, і Ён забіў яго.
А Тамар, нявестка ягоная, нарадзіла яму Пэрэса і Зараха. Усіх сыноў у Юды было пяць.
А Тамар, нявестка яго, нарадзіла яму Пэрэса і Зару; дык усіх сыноў Юды пяцёра.
Сыны Пэрэса: Хецрон і Хамуль.
А сынамі Пэрэса былі Эсром і Гамул.
Сыны Зараха: Зімры, Этан, Гэман, Хальколь і Дара; усіх іх пяцёра.
Таксама сыны Зары: Замбры, і Этан, і Геман, Халхол і таксама Дарда; разам — пяць.
Сыны Хармі: Ахар, які прынёс засмучэньне Ізраілю, бо быў няверны ў заклятым.
Сыны Хармі: Ахар, які ўстрывожыў Ізраэль і зграшыў крадзяжом заклятага.
Сыны Этана: Азарыя.
Сын Этана: Азарыя.
Сыны Хецрона, якія нарадзіліся ў яго: Ерахмээль, Рам і Хелувай.
Сыны ж Эсрома, што нарадзіліся ў яго: Ерамээль, і Арам, і Калеб.
Рам нарадзіў Амінадава; Амінадаў нарадзіў Нахшона, князя сыноў Юды;
А Арам быў бацькам Амінадаба, Амінадаб жа быў бацькам Наасона, кіраўніка сыноў Юды.
Нахшон нарадзіў Сальму; Сальма нарадзіў Боаза;
Наасон таксама быў бацькам Салмона, з якога нарадзіўся Баоз.
Боаз нарадзіў Абэда; Абэд нарадзіў Есэя;
Баоз жа быў бацькам Абэда, які і сам меў сына Ясэя.
Есэй нарадзіў першароднага свайго Эліява, другога — Амінадава, трэцяга — Шыму,
А Ясэй быў бацькам першароднага Эліяба, другога Абінадаба, трэцяга Самы,
чацьвёртага — Нэтанэля, пятага — Раддая,
чацвёртага Натанаэля, пятага Радая,
шостага — Оцэма, сёмага — Давіда.
шостага Асома, сёмага Давіда.
І былі сёстры іхнія: Цэруя і Абігайль. Сыны Цэруі: Абішай, Ёаў і Асаэль, тры.
Іх сёстрамі былі: Сэруя, і Абігайль; сыны Сэруі: Абісай, Ёаб і Асаэль — трое.
Абігайль нарадзіла Амасу; а бацька Амасы — Этэр Ізмаэлец.
А Абігайль нарадзіла Амасу, бацькам якога быў Етэр, ізмаэлец.
А Халеў, сын Хецрона, нарадзіў ад Азувы, жонкі сваёй, і ад Ероты. І гэта сыны ягоныя: Ешэр, Шаваў і Ардон.
Калеб жа, сын Эсрома, ад жонкі сваёй на імя Азуба меў сыноў Ерыёта, Ясэра, і Сабаба, і Ардона.
І памерла Азува; і ўзяў сабе Халеў Эфрату, і яна нарадзіла яму Хура.
Калі памерла Азуба, Калеб узяў сабе за жонку Эфрату, якая нарадзіла яму Гура.
Хур нарадзіў Урыю; Урыя нарадзіў Бэцалеэля.
А Гур быў бацькам Ура, а Ур быў бацькам Бесэлеэля.
Потым Хецрон прыйшоў да дачкі Махіра, бацькі Гілеада, і ўзяў яе, а ён меў шэсьцьдзясят гадоў, і яна нарадзіла яму Сэгува.
Потым Эсром пайшоў да дачкі Махіра, бацькі Галаада, і ўзяў яе за жонку, калі сам ён меў шэсцьдзесят гадоў; яна нарадзіла яму Сэгуба.
Сэгуў нарадзіў Яіра, і было ў яго дваццаць тры гарады ў зямлі Гілеад.
Але і Сэгуб меў сына Яіра, які меў у зямлі Галаад дваццаць тры гарады.
І забраў Гешур і Арам у іх паселішчы Яіра, Кенат з вёскамі ягонымі, шэсьцьдзясят гарадоў. Гэтыя ўсе — сыны Махіра, бацькі Гілеада.
І забралі Гэсур і Арам у іх гарады Яіра, і Канат, і пасяленні яго — шэсцьдзесят гарадоў. Усе яны належалі сынам Махіра, бацькі Галаада.
І памёр Хецрон у Халеў-Эфраце, і была жонка Хецрона, Ава, і яна нарадзіла яму Ашхура, бацьку Тэкоа.
А калі памёр Эсром, то Калеб пайшоў да Эфраты, жонкі Эсрома, бацькі свайго. Эсром меў таксама жонку Абію, якая нарадзіла яму Асура, бацьку Тэкуа.
І былі сыны Ерахмээля, першароднага Хецрона: першародны Рам, Буна, Орэн, Оцэм, Ахія.
Сынамі Ерамээля, першароднага Эсрома, былі: Рам — яго першародны, і Буна, і Аран, і Асом, і Ахія.
І была ў Ерахмээля іншая жонка, імя ейнае — Атара; яна — маці Онама.
Ерамээль меў таксама другую жонку на імя Атара, якая была маці Анама.
І былі сыны Рама, першароднага Ерахмээля: Маац, Ямін і Экер.
Але і сынамі Рама, першароднага Ерамээля, былі: Маас, і Ямін, і Акар.
І былі сыны Онама: Шаммай і Яда. Сыны Шаммая: Надаў і Абішур.
А сынамі Анама былі: Самай і Яда. Сынамі ж Самая — Надаб і Абісур.
А імя жонкі Абішура — Абігайль; і яна нарадзіла яму Ахбана і Маліда.
Імя ж жонкі Абісура — Абіайл, якая нарадзіла яму Агабана і Маліда.
Сыны Надава: Сэлед і Аппаім. І памёр Сэлед бязьдзетным.
А Надаб меў сыноў: Саледа і Апайма; Салед жа памёр, не маючы дзяцей.
Сыны Аппаіма: Іш. Сын Іша: Шэшан. Сын Шэшана: Ахлай.
А сын Апайма Есі, які быў бацькам Сэсана; Сэсан жа быў бацькам Агалая.
Сыны Яды, брата Шаммая: Етэр і Ёнатан. І памёр Етэр бязьдзетным.
Сынамі ж Яды, брата Сэмэя, былі Етэр, і Ёнатан; але і Ятэр памёр бяздзетны.
Сыны Ёнатана: Пэлет і Заза. Гэта былі сыны Ерахмээля.
А Ёнатан меў сыноў Палета і Зізу. Яны былі сынамі Ерамээля.
І не было ў Шэшана сыноў, адно дочкі. У Шэшана быў слуга Эгіпцянін, імя ягонае — Ярха.
Сэсан жа не меў сыноў, але меў дачок і паслугача егіпцяніна на імя Ераа;
І даў Шэшан дачку сваю Ярху, слузе свайму, за жонку, і яна нарадзіла яму Аттая.
і яму аддаў ён дачку сваю за жонку, якая нарадзіла яму Этэя.
Аттай нарадзіў Натана; Натан нарадзіў Завада;
А Этэй меў сына Натана, і Натан быў бацькам Забада;
Завад нарадзіў Ефлала; Ефлал нарадзіў Абэда;
таксама Забад меў сына Афлала, і Афлал быў бацькам Абэда.
Абэд нарадзіў Егу; Егу нарадзіў Азарыю;
Абэд меў сына Егу, і Егу быў бацькам Азарыі.
Азарыя нарадзіў Халеца; Халец нарадзіў Элясу;
Азарыя меў Гэлеса, і Гэлес быў бацькам Эласы.
Эляса нарадзіў Сісмая; Сісмай нарадзіў Шальлюма;
Эласа быў бацькам Сісамоя, а Сісамой быў бацькам Сэлума;
Шальлюм нарадзіў Екамію; Екамія нарадзіў Элішаму.
Сэлум меў сына Яцэмія, і Яцэмій быў бацькам Элісамы.
Сыны Халева, брата Ерахмээля: Мэша, першародны ягоны, ён — бацька Зіфа; і сыны Марэшы, бацькі Хеўрона.
А сыны Калеба, брата Ерамээля: Мэса, яго першародны, а ён быў бацькам Зіфа; і сын яго Марэса — бацькам Геброна.
Сыны Хеўрона: Карах, Тапуах, Рэкем і Шэма.
А сыны Геброна: Корэ, і Тафуа, і Рэкем, і Сама.
Шэма нарадзіў Рахама, бацьку Яркаама; а Рэкем нарадзіў Шаммая.
Сама меў Рагама, бацьку Еркаама, і Рэкем быў бацькам Самы.
Сын Шаммая: Маон, а Маон — бацька Бэт-Цура.
Сынам Самы быў Маон, і Маон быў бацькам Бэтсура.
І Эфа, наложніца Халева, нарадзіла Харана, Моцу і Газэза. А Харан нарадзіў Газэза.
Эфа ж, наложніца Калеба, нарадзіла: Харана, і Мосу, і Гезэза; Харан жа меў Гезэза.
Сыны Ягдая: Рэгем, Ётам, Гешан, Пэлет, Эфа і Шааф.
Сыны Ягадая: Рэгэм, і Ётам, і Гэзан, і Палет, і Эфа, і Сааф.
Наложніца Халева, Мааха, нарадзіла Шэвэра і Тырхану.
Наложніца Калеба Мааха нарадзіла Сабэра і Тарану.
І нарадзіла яна Шаафа, бацьку Мадманны, Шэву, бацьку Махбэны і бацьку Гівы. А дачка Халева — Ахса.
Нарадзіла яна таксама Саафа, бацьку Мадмены, Суэ, бацьку Махбены і бацьку Габы. Акса ж была дачкой Калеба.
Гэта былі сыны Халева, сына Хура, першароднага Эфраты: Шаваль, бацька Кірыят-Ярыма,
Гэта былі сыны Калеба. Сыны Гура, першароднага Эфраты: Сабал, бацька Карыят-Ярыма,
Сальма, бацька Бэтлеема, Харэф, бацька Бэт-Гадэра.
Салмон, бацька Бэтлехэма, Гарыф, бацька Бэтгадэра.
І былі сыны ў Шаваля, бацькі Кірыят-Ярыма: Гароэ, Хацы, Мэнухот.
Сабал, бацька Карыят-Ярыма, меў сыноў: Раая, палову Манагатаў.
І [вось] сем’і Кірыят-Ярыма: Ітрычы, Путычы, Шуматычы і Мішраічы. Ад іх паходзяць Царацяне і Эштааляне.
І плямёны Карыят-Ярыма: ятрэі, і путэі, і суматэі, і масэрэі. З іх выйшлі: сараіты і эстааліты.
Сыны Сальмы: Бэтлеем і Нэтафацяне, Атрот, Бэт-Ёваў і палова Мэнахцічаў, і Царане.
Сыны Салмона: Бэтлехэм, і Нэтафатыты, Атарот-Бэт-Ёаб, і палова Манагатаў з Сараа,
Сем’і кніжнікаў, якія жылі ў Ябэцы: Тырацічы, Шымацічы, Сухацічы. Гэта Кіняне, якія паходзяць ад Хамата, бацькі дому Рэхава.
І плямёны Карыят-Сэфэра, што пражываюць у Явісе: тэратэі, сэматэі і сухатэі. Яны кінэі, якія нарадзіліся ад Амата, бацькі дому Рэхаба.
