1 летапісаў 2 разьдзел
Першая кніга летапісаў
Пераклад Васіля Сёмухі → Пераклад Чарняўскага 2017
Вось сыны Ізраіля: Рувім, Сімяон, Левій, Юда, Ісахар, Завулон,
А сыны Ізраэля: Рубэн, Сімяон, Леві, Юда, Ісахар, Забулон,
Дан, Язэп, Веньямін, Нэфталім, Гад і Асір.
Дан, Язэп, Бэньямін, Нэфталі, Гад, Асэр.
Сыны Юды: Ір, Анан і Сілом, — трое нарадзіліся ў яго ад дачкі Шуевай, Хананэянкі. І быў Ір, першынец Юдаў, незаўгодны ў вачах Госпада, і Он забіў яго.
Сыны Юды: Гэр, Анан і Шэла: гэтыя тры нарадзіліся ў яго ад дачкі Шуа, хананейкі. Гэр жа быў першародным Юды, ліхі перад Госпадам, і Ён забіў яго.
І Тамар, нявестка ягоная, нарадзіла яму Фарэса і Зару. Усіх сыноў у Юды было пяцёра.
А Тамар, нявестка яго, нарадзіла яму Пэрэса і Зару; дык усіх сыноў Юды пяцёра.
Сыны Фарэса: Эсром і Хамул.
А сынамі Пэрэса былі Эсром і Гамул.
Сыны Зары: Зімры, Этан, Эман, Халкол і Дара; усіх іх пяцёра.
Таксама сыны Зары: Замбры, і Этан, і Геман, Халхол і таксама Дарда; разам — пяць.
Сыны Хармі: Ахар, які навёў бяду на Ізраіля, парушыўшы заклён.
Сыны Хармі: Ахар, які ўстрывожыў Ізраэль і зграшыў крадзяжом заклятага.
Сын Этана: Азарыя.
Сын Этана: Азарыя.
Сыны Эсрома, якія нарадзіліся ў яго: Ерахмэіл, Арам і Хэлувай.
Сыны ж Эсрома, што нарадзіліся ў яго: Ерамээль, і Арам, і Калеб.
А Арам спарадзіў Амінадава; Амінадаў спарадзіў Наасона, князя сыноў Юдавых;
А Арам быў бацькам Амінадаба, Амінадаб жа быў бацькам Наасона, кіраўніка сыноў Юды.
Наасон спарадзіў Салмона, Салмон спарадзіў Ваоза;
Наасон таксама быў бацькам Салмона, з якога нарадзіўся Баоз.
Ваоз спарадзіў Авіда, Авід спарадзіў Есэя;
Баоз жа быў бацькам Абэда, які і сам меў сына Ясэя.
Есэй спарадзіў першынца свайго Эліява, другога — Амінадава, трэцяга — Саму,
А Ясэй быў бацькам першароднага Эліяба, другога Абінадаба, трэцяга Самы,
чацьвёртага — Натанаіла, пятага — Радая,
чацвёртага Натанаэля, пятага Радая,
шостага — Ацэма, сёмага — Давіда.
шостага Асома, сёмага Давіда.
Сёстры іхнія: Саруя і Авігея. Сыны Саруі: Авэса, Ёаў і Азаіл, трое.
Іх сёстрамі былі: Сэруя, і Абігайль; сыны Сэруі: Абісай, Ёаб і Асаэль — трое.
Авігея нарадзіла Амэсу; а бацька Амэсы — Етэр, Ізмаільцянін.
А Абігайль нарадзіла Амасу, бацькам якога быў Етэр, ізмаэлец.
Халеў, сын Эсрома, спарадзіў ад Азувы, жонкі, і ад Ерыоты, і вось сыны ягоныя: Ешэр, Шаваў і Ардон.
Калеб жа, сын Эсрома, ад жонкі сваёй на імя Азуба меў сыноў Ерыёта, Ясэра, і Сабаба, і Ардона.
І памерла Азува; і ўзяў сабе Халеў Эфрату, і яна нарадзіла яму Хура.
Калі памерла Азуба, Калеб узяў сабе за жонку Эфрату, якая нарадзіла яму Гура.
Хур спарадзіў Урыя, Урый спарадзіў Вэсэлііла.
А Гур быў бацькам Ура, а Ур быў бацькам Бесэлеэля.
Пасьля Эсром увайшоў да дачкі Махіра, бацькі Галаадавага, і ўзяў яе, а было яму шэсьцьдзясят гадоў, і яна нарадзіла яму Сэгува.
Потым Эсром пайшоў да дачкі Махіра, бацькі Галаада, і ўзяў яе за жонку, калі сам ён меў шэсцьдзесят гадоў; яна нарадзіла яму Сэгуба.
Сэгуў спарадзіў Яіра, і было ў яго дваццаць тры гарады ў зямлі Галаадскай.
Але і Сэгуб меў сына Яіра, які меў у зямлі Галаад дваццаць тры гарады.
Але Гесуране і Сірыйцы ўзялі ў іх селішчы Яіра. Кенат і залежныя ад яго гарады, — шэсьцьдзясят гарадоў. Усе гэтыя гарады сыноў Махіра, бацькі Галаадавага.
І забралі Гэсур і Арам у іх гарады Яіра, і Канат, і пасяленні яго — шэсцьдзесят гарадоў. Усе яны належалі сынам Махіра, бацькі Галаада.
Пасьля сьмерці Эсрома ў Халеў-Эфраце, жонка Эсромава, Авія, нарадзіла яму Ашхура, бацьку Тэкоі.
А калі памёр Эсром, то Калеб пайшоў да Эфраты, жонкі Эсрома, бацькі свайго. Эсром меў таксама жонку Абію, якая нарадзіла яму Асура, бацьку Тэкуа.
Сыны Ерахмэіла, першынца Эсромавага, былі: першынец Рам, за ім Вуна, Арэн, Ацэм і Ахія.
Сынамі Ерамээля, першароднага Эсрома, былі: Рам — яго першародны, і Буна, і Аран, і Асом, і Ахія.
Была ў Ерахмэіла і другая жонка, імя яе Атара; яна маці Анама.
Ерамээль меў таксама другую жонку на імя Атара, якая была маці Анама.
Сыны Рама, першынца Ерахмэілавага, былі: Маац, Ямін і Экер.
Але і сынамі Рама, першароднага Ерамээля, былі: Маас, і Ямін, і Акар.
Сыны Анама былі: Шамай і Яда. Сыны Шамая: Надаў і Авішур.
А сынамі Анама былі: Самай і Яда. Сынамі ж Самая — Надаб і Абісур.
Імя жонкі Авішуравай Авіхаіль, і яна нарадзіла яму Ахбана і Маліда.
Імя ж жонкі Абісура — Абіайл, якая нарадзіла яму Агабана і Маліда.
Сыны Надава: Сэлед і Афаім. І памёр Сэлед бязьдзетны.
А Надаб меў сыноў: Саледа і Апайма; Салед жа памёр, не маючы дзяцей.
Сын Афаіма: Ішый. Сын Ішыя: Шэшан. Сын Шэшана: Ахлай.
А сын Апайма Есі, які быў бацькам Сэсана; Сэсан жа быў бацькам Агалая.
Сыны Яды, брата Шамаевага: Етэр, Ёнатан. Етэр памёр бязьдзетным.
Сынамі ж Яды, брата Сэмэя, былі Етэр, і Ёнатан; але і Ятэр памёр бяздзетны.
Сыны Ёнатана: Пэлет і Заза. Гэта сыны Ерахмэіла.
А Ёнатан меў сыноў Палета і Зізу. Яны былі сынамі Ерамээля.
У Шэшана ня было сыноў, а толькі дочкі. У Шэшана быў раб, Егіпцянін, імя яго Ярха;
Сэсан жа не меў сыноў, але меў дачок і паслугача егіпцяніна на імя Ераа;
І Шэшан аддаў дачку сваю Ярху за жонку, і яна нарадзіла яму Атая.
і яму аддаў ён дачку сваю за жонку, якая нарадзіла яму Этэя.
Атай спарадзіў Натана. Натан спарадзіў Завада;
А Этэй меў сына Натана, і Натан быў бацькам Забада;
Завад спарадзіў Эфлала, Эфлал спарадзіў Авіда;
таксама Забад меў сына Афлала, і Афлал быў бацькам Абэда.
Авід спарадзіў Еуя, Еуй спарадзіў Азарыю;
Абэд меў сына Егу, і Егу быў бацькам Азарыі.
Азарыя спарадзіў Хэлеца, Хэлец спарадзіў Элеасу;
Азарыя меў Гэлеса, і Гэлес быў бацькам Эласы.
Элеаса спарадзіў Сісмая, Сісмай спарадзіў Салума;
Эласа быў бацькам Сісамоя, а Сісамой быў бацькам Сэлума;
Салум спарадзіў Екамію, Екамія спарадзіў Элішаму.
Сэлум меў сына Яцэмія, і Яцэмій быў бацькам Элісамы.
Сыны Халева, брата Ерахмэілавага: Мэша, першынец ягоны, — ён бацька Зіфа; і сыны Марэшы, бацькі Хэўрона.
А сыны Калеба, брата Ерамээля: Мэса, яго першародны, а ён быў бацькам Зіфа; і сын яго Марэса — бацькам Геброна.
Сыны Хэўрона: Карэй і Тапуах, і Рэкем і Шэма.
А сыны Геброна: Корэ, і Тафуа, і Рэкем, і Сама.
Шэма спарадзіў Рахама, бацьку Ёркеамавага, а Рэкем спарадзіў Шамая.
Сама меў Рагама, бацьку Еркаама, і Рэкем быў бацькам Самы.
Сын Шамая Маон, а Маон — бацька Бэт-Цура.
Сынам Самы быў Маон, і Маон быў бацькам Бэтсура.
І Эфа, наложніца Халелава, нарадзіла Харана, Моцу і Газэза. І Харан спарадзіў Газэза.
Эфа ж, наложніца Калеба, нарадзіла: Харана, і Мосу, і Гезэза; Харан жа меў Гезэза.
Сыны Егдая: Рэгем, Ётам, Гешаўн, Пэлет, Эфа і Шааф.
Сыны Ягадая: Рэгэм, і Ётам, і Гэзан, і Палет, і Эфа, і Сааф.
Наложніца Халевава, Мааха, нарадзіла Шэвера і Тырхану;
Наложніца Калеба Мааха нарадзіла Сабэра і Тарану.
яна ж нарадзіла Шаафа, бацьку Мадманы, Шэву, бацьку Махэны і бацьку Гівэі. А дачка Халева — Ахса.
Нарадзіла яна таксама Саафа, бацьку Мадмены, Суэ, бацьку Махбены і бацьку Габы. Акса ж была дачкой Калеба.
Вось сыны Халева: сын Хур, першынец Эфраты: Шавал, бацька Кірыят-Ярыма;
Гэта былі сыны Калеба. Сыны Гура, першароднага Эфраты: Сабал, бацька Карыят-Ярыма,
Салма, бацька Віфляема; Харэф, бацька Бэтгадэра.
Салмон, бацька Бэтлехэма, Гарыф, бацька Бэтгадэра.
У Шавала, бацькі Кірыят-Ярыма, былі сыны: Гарое, Хацы, Галмэнюхот.
Сабал, бацька Карыят-Ярыма, меў сыноў: Раая, палову Манагатаў.
Плямёны Кірыят-Ярыма: Ітрыяны, Футыяны, Шуматаны і Мідраіцяны. Ад гэтых пайшлі Царанэі і Эштааляне.
І плямёны Карыят-Ярыма: ятрэі, і путэі, і суматэі, і масэрэі. З іх выйшлі: сараіты і эстааліты.
Сыны Салмы: Віфляемляне і Нэтафацяне, вянок дома Ёававага і палавіна Энухацян — Царане,
Сыны Салмона: Бэтлехэм, і Нэтафатыты, Атарот-Бэт-Ёаб, і палова Манагатаў з Сараа,
і плямёны Сафэрыйцаў, якія жылі ў Ябэцы, Тырэйцы, Шымэйцы, Сухайцы: гэта кінэяне, якія паходзілі ад Хамата, бацькі Бэтрэхава.
І плямёны Карыят-Сэфэра, што пражываюць у Явісе: тэратэі, сэматэі і сухатэі. Яны кінэі, якія нарадзіліся ад Амата, бацькі дому Рэхаба.
