1 летапісаў 6 разьдзел

Першая кніга летапісаў
Пераклад Васіля Сёмухі → Пераклад Чарняўскага 2017

 
 

Сыны Левія: Гірсон, Каат і Мэрары.
 
Сыны Леві: Гэрсон, Кагат і Мэрары,

Сыны Каата: Амрам, Іцгар, Хэўрон і Узііл.
 
Сыны Кагата: Амрам, Ісаар, Геброн і Азіэль.

Дзеці Амрама: Аарон, Майсей і Марыям. Сыны Аарона: Надаў, Авіюд, Элеазар і Ітамар.
 
Сыны Амрама: Аарон, Майсей і Мірыям. Сыны Аарона: Надаб, і Абігу, Элеязэр і Ітамар.

Элеазар спарадзіў Фінэеса, Фінэес спарадзіў Авішуя;
 
Элеязэр быў бацькам Пінхаса, а Пінхас быў бацькам Абісуэ;

Авішуй спарадзіў Букія, Букій спарадзіў Азію;
 
Абісуэ быў бацькам Бокцы, а Бокцы быў бацькам Озі.

Азія спарадзіў Зэрахію, Зэрахія спарадзіў Мэраёта;
 
А Озі быў бацькам Зараі, а Зарая быў бацькам Мэраёта,

Мэраёт спарадзіў Амарыю, Амарыя спарадзіў Ахітува;
 
далей Мэраёт быў бацькам Амарыі, а Амарыя быў бацькам Ахітуба;

Ахітуў спарадзіў Садока, Садок спарадзіў Ахімааса;
 
Ахітуб быў бацькам Садока, Садок быў бацькам Ахімааса.

Ахімаас спарадзіў Азарыю, Азарыя спарадзіў Ёанана;
 
Ахімаас быў бацькам Азарыі, а Азарыя быў бацькам Ёханана.

Ёанан спарадзіў Азарыю, — гэта той, які быў сьвятаром у храме, пабудаваным Саламонам у Ерусаліме.
 
Ёханан быў бацькам Азарыі: ён быў святаром у доме, які пабудаваў Саламон у Ерузаліме.

І спарадзіў Азарыя Амарыю, Амарыя спарадзіў Ахітува;
 
А Азарыя быў бацькам Амарыі, і Амарыя быў бацькам Ахітуба,

Ахітуў спарадзіў Садока, Садок спарадзіў Сэлума;
 
Ахітуб быў бацькам Садока, і Садок быў бацькам Сэлума;

Сэлум спарадзіў Хэлкію, Хэлкія спарадзіў Азарыю;
 
Сэлум быў бацькам Хэлькіі, а Хэлькія быў бацькам Азарыі.

Азарыя спарадзіў Сэраю, Сэрая спарадзіў Ёсэдэка.
 
Азарыя быў бацькам Сараі, а Сарая быў бацькам Ёсэдэка;

Ёсэдэк пайшоў у палон, калі Гасподзь перасяліў Юдэяў і Ерусалімлян рукою Навухаданосара.
 
а Ёсэдэк вылучыўся, калі Госпад Юду і Ерузалім аддаў у няволю праз Набукаданосара.

Вось сыны Левія: Гірсон, Каат і Мэрары.
 
Такім чынам, сыны Леві: Гэрсон, Кагат і Мэрары.

Вось імёны сыноў Гірсонавых: Ліўні і Шымэй.
 
І гэта імёны сыноў Гэрсона: Лобні і Сямэй.

Сыны Каата: Амрам, Іцгар, Хэўрон і Узііл.
 
Сыны Кагата: Амрам, і Ісаар, і Геброн, і Азіэль.

Сыны Мэрары: Махлі і Мушы. Вось нашчадкі Левія па родах іхніх.
 
Сыны Мэрары: Махалі і Мусі. Гэта ж роды Леві па іх сем’ях.

У Гірсона: Ліўні, сын ягоны, Яхаў, сын ягоны; Зіма, сын ягоны.
 
Гэрсон, сын яго Лобні, сын яго Ягат, сын яго Зіма,

Ёах, сын ягоны; Ідо, сын ягоны; Зэрах, сын ягоны; Еатрай сын ягоны.
 
сын яго Ёах, сын яго Адо, сын яго Зара, сын яго Етра.

Сыны Каата: Амінадаў, сын ягоны; Карэй, сын ягоны; Асір, сын ягоны;
 
Сыны Кагата: сын яго Амінадаб, сын яго Корэ, сын яго Асір,

Элкана, сын ягоны; Эвіясаф, сын ягоны; Асір, сын ягоны;
 
сын яго Элькана, сын яго Абіясаф, сын яго Асір,

Тахат, сын ягоны; Урыіл, сын ягоны; Узія, сын ягоны; Саўл, сын ягоны.
 
сын яго Тагат, сын яго Урыэль, сын яго Озія, сын яго Саўл.

Сыны Элканы: Амасай і Ахімот.
 
Сыны Эльканы: Амасай і Ахімот,

Элкана, сын ягоны; Цатай, сын ягоны; Нахат, сын ягоны;
 
сын яго Элькана, сын яго Сафай, сын яго Нагат,

Эліяф, сын ягоны; Ерахам, сын ягоны; Элкана, сын ягоны. Самуіл, сын ягоны.
 
сын яго Эліяб, сын яго Ерахам, сын яго Элькана, сын яго Самуэль.

Сыны Самуіла: першынец Ёіль, другі Авія.
 
Сыны Самуэля: першародны Ёэль, і другі Абія,

Сыны Мэрары: Махлі; Ліўні, сын ягоны; Шымэй, сын ягоны; Уза, сын ягоны;
 
А сыны Мэрары: Махалі, Лобні, сын яго, і Сямэй, сын яго, Оза, сын яго,

Шыма, сын ягоны; Хагія, сын ягоны; Асая, сын ягоны.
 
сын яго Самаа, сын яго Хагія, сын яго Асая.

Вось тыя, якіх Давід паставіў начальнікамі над сьпевакамі ў доме Гасподнім, з часу пастаўленьня ў ім каўчэга.
 
Гэта тыя, каго паставіў Давід на спяванне ў доме Госпада ад таго часу, як памясціў там каўчэг.

Яны служылі сьпевакамі перад скініяй сходу, пакуль Саламон не пабудаваў дома Гасподняга ў Ерусаліме. І яны станавіліся на службу сваю па статуце сваім.
 
І былі яны на паслузе спявання перад скініяй палаткі сустрэчы, пакуль не збудаваў Саламон у Ерузаліме дом Госпадаў; а спаўнялі службу сваю па ўстаноўленым парадку.

Вось тыя, якія станавіліся з сынамі сваімі: з сыноў Каатавых Эман сьпявак, сын Ёіля, сын Самуіла,
 
А вось тыя, хто станавіўся разам з сынамі сваімі. З сыноў Кагата: Геман спявак, сын Ёэля, сына Самуэля,

сын Элканы, сын Ерахама, сын Элііла, сын Тоаха,
 
сына Эльканы, сына Ерахама, сына Эліэля, сына Тогу,

сын Цуфа, сын Элканы, сын Махата, сын Амасая,
 
сына Суфа, сына Эльканы, сына Магата, сына Амасая,

сын Элканы, сын Ёіля, сын Азарыі, сын Цэфаніі,
 
сына Эльканы, сына Ёэля, сына Азарыі, сына Сафоніі,

сын Тахата, сын Асіра, сын Авіясафа, сын Карэя,
 
сына Тагата, сына Асіра, сына Абіясафа, сына Корэ,

сын Іцгара, сын Каата, сын Левія, сын Ізраіля;
 
сына Ісаара, сына Кагата, сына Леві, сына Ізраэля.

і брат яго Асаф, які стаяў з правага боку яго, — Асаф, сын Бэрэхіі, сын Шымы,
 
Дый брат яго Асаф, які стаяў з правага боку яго. Асаф, сын Барахіі, сына Самаа,

сын Міхаіла, сын Ваасэі, сын Малхіі,
 
сына Міхаэля, сына Басаі, сына Мэльхіі,

сын Этнія, сын Зэраха, сын Адаі,
 
сына Атні, сына Зары, сына Адаі,

сын Этана, сын Зімы, сын Шымія,
 
сына Этана, сына Зімы, сына Сямэя,

сын Яхата, сын Гірсона, сын Левія.
 
сына Ягата, сына Гэрсона, сына Леві.

А з сыноў Мэрары, братоў іхніх, — па левы бок: Этан, сын Кішыя, сын Аўдыя, сын Малуха,
 
Сыны ж Мэрары, іх брата, стаялі з левага боку: Этан, сын Кусі, сына Абдзі, сына Мэлуха,

сын Хашавіі, сын Амасіі, сын Хэлкіі,
 
сына Гасабіі, сына Амазіі, сына Хэлькіі,

сын Амцыя, сын Ванія, сын Шэмэра,
 
сына Амсі, сына Бані, сына Самэра,

сын Махлія, сын Мушыя, сын Мэрары, сын Левія.
 
сына Махалі, сына Мусі, сына Мэрары, сына Леві.

Браты іх лявіты прызначаны на розныя службы пры доме Божым;
 
Таксама браты іх, левіты, якія былі прызначаны да ўсякай службы ў скініі дома Госпадава;

А Аарон і сыны ягоныя палілі на ахвярніку цэласпаленьня і на ахвярніку кадзільным, і ўчынялі ўсякае сьвяшчэнадзейства ў Сьвятым Сьвятых і дзеля ачышчэньня Ізраіля ва ўсім, як наказваў раб Божы Майсей.
 
Аарон жа і сыны яго ўспальвалі на ахвярніку ахвяры цэласпалення і на ахвярніку каджэння дый спаўнялі ўсякую справу святарскую ў месцы найсвяцейшым, каб ачысціць ад грахоў Ізраэль, паводле ўсяго таго, што загадаў Майсей, паслугач Божы.

Вось сыны Аарона: Элеазар, сын ягоны; Фінэес, сын ягоны; Авіюд, сын ягоны;
 
А сыны Аарона: Элеязэр — сын яго, Пінхас — сын яго, Абісуэ — сын яго,

Букій, сын ягоны; Узій, сын ягоны; Зэрахія, сын ягоны;
 
Бокцы — сын яго, Озі — сын яго, Зарая — сын яго,

Мэраёт, сын ягоны; Амарыя, сын ягоны; Ахітуў, сын ягоны;
 
Мэраёт — сын яго, Амарыя — сын яго, Ахітуб — сын яго,

Садок, сын ягоны; Ахімаас, сын ягоны.
 
Садок — сын яго, Ахімаас — сын яго.

І вось жытлішчы іхнія па селішчах іхніх у межах іх: сынам Аарона з племені Каатава, бо жэрабя выпала ім,
 
І вось месцы пражывання іх, паводле пасяленняў у вызначаных межах, гэта значыць сыноў Аарона з роду Кагатаў: такое бо выпала ім жэрабя.

далі Хэўрон, у зямлі Юдавай, і прадмесьці яго вакол яго;
 
Дык вось далі ім Геброн у зямлі Юды і ваколіцы яго;

а палі гэтага горада і сёлы яго аддалі Халеву, сыну Ефаніінаму.
 
палі ж гэтага горада і пасяленні аддалі Калебу, сыну Ефоны.

Сынам Аарона далі таксама гарады сховішчаў: Хэўрон і Ліўну зь іх прадмесьцямі, Ятыр і Эштэмоа і прамесьці яго,
 
Сынам жа Аарона далі горад для сховішча: Геброн і Лебну з іх ваколіцамі,

і Хілен і прадмесьці яго, Давір і прадмесьці яго,
 
Етэр, і таксама Эстэм з ваколіцамі яго, але і Гэлон і Дабір з іх ваколіцамі,

і Ашан і прадмесьці яго, Вэтсаміс і прадмесьці яго,
 
таксама Асан, і Ету і Бэтсамэс з іх ваколіцамі.

а ад калена Веньямінавага — Геву і прадмесьці яе, і Алэмэт і прадмесьці яго, і Анатот і прадмесьці яго: усіх гарадоў іх у плямёнах іхніх трынаццаць гарадоў.
 
А ад пакалення Бэньяміна: Габаон і Габа з ваколіцамі іх і Алмат з ваколіцамі яго, таксама Анатот з яго ваколіцамі; усіх гарадоў трынаццаць паводле іх родаў.

Астатнім сынам Каата, зь сямейства гэтага калена, дадзена па жэрабі дзесяць гарадоў з надзела палавіны калена Манасіінага.
 
Сынам жа Кагата, якія засталіся з іх родаў, далі ва ўладанне дзесяць гарадоў з пакалення Эфраіма, і з пакалення Дана і з паловы пакалення Манасы.

Сынам Гірсона па плямёнах іх, ад калена Ісахаравага, і ад калена Асіравага і ад калена Нэфталімавага і ад калена Манасіінага ў Васане дадзена трынаццаць гарадоў.
 
Затым сынам Гэрсона па іх родах: — з пакалення Ісахара, і з пакалення Асэра, і з пакалення Нэфталі, і з пакалення Манасы ў Басане — трынаццаць гарадоў.

Сынам Мэрары па плямёнах іх, ад калена Рувімавага, і ад калена Гадавага, і ад калена Завулонавага, дадзена па жэрабі дванаццаць гарадоў.
 
А сынам Мэрары па родах іх: з пакалення Рубэна, і з пакалення Гада, і з пакалення Забулона па жэрабі далі дванаццаць гарадоў.

Так далі сыны Ізраілевыя лявітам гарады і прадмесьці іх.
 
Сыны Ізраэля далі таксама левітам гарады з іх ваколіцамі;

Далі яны па жэрабі ад калена сыноў Юдавых, і ад калена сыноў Сімяонавых, і ад калена сыноў Веньямінавых тыя гарады, якія яны назвалі па імёнах.
 
і па жэрабі далі яны з пакалення сыноў Юды і з пакалення сыноў Сімяона ды з пакалення сыноў Бэньяміна гэтыя гарады, якія назвалі іх імёнамі.

А некаторым плямёнам сыноў Каатавых дадзены былі нарады ад калена Яфрэмавага.
 
І тыя, хто быў з родаў сыноў Кагата, мелі гарады ў сваіх межах з пакалення Эфраіма.

І далі ім гарады сховішчаў: Сіхэм і прадмесьці яго на гары Яфрэмавай, і Гезэр і прадмесьці яго,
 
Такім чынам, далі ім гарады для сховішча: Сіхэм з яго ваколіцамі на гары Эфраіма, Газэр з яго ваколіцамі,

і Ёкмэам і прадмесьці яго,
 
таксама Екмаам з яго ваколіцамі, і падобна Бэтарон;

і Аялон і прадмесьці яго, і Гат-Рымон і прадмесьці яго,
 
а таксама і Аялон з яго ваколіцамі і Гет-Рэмон такім жа чынам.

ад палавіны калена Манасіінага — Анэр і прадмесьці яго, Білэам і прадмесьці яго. Гэта пакаленьню астатніх сыноў Каатавых.
 
А з паловы пакалення Манасы: Танах і яго ваколіцы, Іблеам і яго ваколіцы, — тым, відаць, што засталіся ад родаў сыноў Кагата.

Сынам Гірсона ад племені паўкалена Манасіінага далі Галан у Васане і прадмесьці яго, і Аштарот і прадмесьці яго.
 
Сынам жа Гэрсона з родаў паловы пакалення Манасы: Галан у Басане з яго ваколіцамі, і Астарот з яго ваколіцамі.

Ад калена Ісахаравага — Кедэс і прадмесьці яго, Даўрат і прадмесьці яго,
 
З пакалення Ісахара: Кадэс з яго ваколіцамі, і Дабэрэт з яго ваколіцамі,

і Рамот і прадмесьці яго, і Анэм і прадмесьці яго;
 
таксама Рамот з яго ваколіцамі і Анэм з яго ваколіцамі.

ад калена Асіравага — Машал і прадмесьці яго, і Аўдон і прадмесьці яго;
 
А з пакалення Асэра: Масал з яго ваколіцамі, і падобна Абдон,

і Хукок і прадмесьці яго, і Рэхоў і прадмесьці яго;
 
таксама Хукок з ваколіцамі яго, і Рагоб з яго ваколіцамі.

ад калена Нэфталімавага — Кедэс у Галілеі і прадмесьці яго, і Хамон і прадмесьці яго, і Кір’ятаім і прадмесьці яго.
 
А ад пакалення Нэфталі: Кадэс у Галілеі і яго ваколіцы, Хамон з яго ваколіцамі і Карыятаім з яго ваколіцамі.

А астатнім сынам Мэрарыным — ад калена Завулонавага Рымон і прадмесьці яго, Тавор і прадмесьці яго.
 
А сынам Мэрары, якія засталіся з пакалення Забулона: Рэмон і ваколіцы яго ды Табор з яго ваколіцамі.

Па той бок Ярдана, насупраць Ерыхона, на ўсход ад Ярдана, ад калена Рувімавага далі Васор у пустыні і прадмесьці яго, і Яацу і прадмесьці яе,
 
Таксама за Ярданам, насупраць Ерыхона, на ўсход ад Ярдана, ад пакалення Рубэна: Басор у пустыні з яго ваколіцамі і Яса з яе ваколіцамі,

і Кедэмот і прадмесьці яго, і Мэфаат і прадмесьці яго;
 
таксама Кадэмот з яго ваколіцамі і Мэфаат з яго ваколіцамі.

ад калена Гадавага — Рамот у Галаадзе і прадмесьці яго,
 
А таксама і з пакалення Гада: Рамот у Галаадзе з яго ваколіцамі і Маханаім з ваколіцамі яго,

і Эсэвон і прадмесьці яго.
 
але і Хесебон з яго ваколіцамі і Язэр з яго ваколіцамі.