Выслоўяў Саламонавых 12 разьдзел
Кніга выслоўяў Саламонавых
Пераклад Антонія Бокуна → Пераклад Леаніда Галяка
Хто любіць настаўленьне, любіць веданьне, а хто ненавідзіць дакараньне, той дурань.
Хто любіць павучэньне, той любіць веду, а хто ненавідзіць абвінавачаньне, той дурны.
Добры знойдзе ласку ў ГОСПАДА, але чалавека зламыснага Ён асудзіць.
Добры атрымае ласку ад Госпада, а хітрага чалавека Ён асудзіць.
Ня будзе стаяць чалавек бязбожнасьцю, а корань праведных не захістаецца.
Ня ўзмоцніцца чалавек з бязпраў’я, але корань справядлівых не парухаецца.
Дабрадзейная жонка — карона для мужа свайго, а бессаромная — як гніль у костках ягоных.
Добрая жонка — карона свайго мужа, а заганная, як гніль у ягоных касьцёх.
Думкі праведных слушныя, намеры бязбожнікаў падступныя.
Думкі справядлівых праўдзівыя, а намеры бязбожных здрадлівыя.
Словы бязбожнікаў цікуюць на кроў, але вусны правых ратуюць іх.
Словы бязбожных імкнуцца да праліцьця крыві, а вусны справядлівых збаўляюць іх.
Паваленыя бязбожнікі, і няма іх, а дом праведных будзе стаяць.
Дакранецца бязбожных бяда і няма іх, а дом справядлівых трывае.
Хваляць чалавека паводле розуму ягонага, але той, хто мае ліхое сэрца, будзе пагарджаны.
Хваляць чалавека паводле розуму яго, а ў каго хітрае сэрца, той будзе ў пагардзе.
Лепей быць простым і працаваць на сябе, чым выдаваць сябе за паважнага і ня мець хлеба.
Лепшы просты чалавек, які мае слугу, чым той, што хваліцца славаю, а якому не хапае хлеба.
Праведнік рупіцца пра жыцьцё быдла свайго, а нутро бязбожных бязьлітаснае.
Справядлівы дбае і жыцьцё свайго быдла, а сэрца бязбожных жорсткае.
Хто абрабляе зямлю сваю, той насыціцца хлебам, а хто ганяецца за марнасьцю, той ня мае розуму.
Хто абрабляе сваю зямлю, той бывае насычаны хлебам, а хто ўпадабняецца гультаю, той дурны.
Бязбожнік жадае [злавіць у] пасткі ліхоцьця, а корань праведных прыносіць [плод].
Бязбожны хоча злавіць сеткаю благога, а корань справядлівага цьвярды.
Ліхадзей заблытаецца праз правіны вуснаў сваіх, а праведнік выйдзе з бяды.
Бязбожны ловіцца грахамі сваіх вуснаў, але справядлівы выйдзе з бяды.
З плоду вуснаў сваіх чалавек насыціцца дабром, і праца рук чалавека зьвернецца да яго.
З плоду сваіх вуснаў чалавек насычаецца дабром, а ўзнагароду за ўчынк ягоных рук дасьць яму Бог.
Шлях неразумнага слушны ў вачах ягоных, але мудры той, хто слухае параду.
Шлях дурнога здаецца яму простым, а мудры той, хто слухае радаў.
Гнеў неразумнага выяўляецца адразу, а разумны хавае зьнявагу.
Гнеў дурнога выяўляецца на вонкі, а мудры хавае абразу.
Хто дыхае праўдаю, той выкажацца праведна, а сьведка фальшывы хлусіць.
Хто гаворыць тое, што знае, той гаворыць праўду, а фалшывы сьветка ашуківае.
Ёсьць такі, што лапоча і раніць, як мечам, а язык мудрага лечыць.
Бываюць такія, што іхныя словы разяць, як мячом, але язык мудрых лечыць.
Вусны праўдамоўныя трываць будуць вечна, а язык хлусьлівы — імгненьне.
Вусны, што гавораць праўду, трываюць вечна, а манлівы язык толькі на хвіліну.
Ашуканства ў сэрцы тых, якія задумляюць ліхоту, а ў тых, якія радзяць мір, — радасьць.
Здрада ў сэрцы тых, што думаюць блага, радасьць у тых, што дараджаюць мір.
Не спаткае праведніка нічога благога, а ў бязбожніка будзе поўна няшчасьцяў.
Справядлівага не спаткае ніякае няшчасьце, бязбожныя-ж будуць поўныя злосьці.
Агіда для ГОСПАДА вусны хлусьлівыя, а тыя, што дзейнічаюць сумленна, падабаюцца Яму.
Манлівыя вусны агідныя Госпаду, але падабаюцца гаворачыя праўду.
Чалавек разумны прыхоўвае веданьне, а сэрца дурняў абвяшчае глупства.
Асьцярожны чалавек хавае веду, але сэрца дурных выказывае дурноту.
Рука руплівых будзе мець уладу, а нядбайныя будуць даньнікамі.
Будзе панаваць рука працавітых, а лянівая будзе плаціць даніну.
Смутак у сэрцы чалавека прыгнятае яго, а добрае слова разьвяселіць яго.
Сум на сэрцы чалавека ўціскае яго, а добрае слова развесяляе яго.
Праведнік мае перавагу над бліжнім сваім, а шлях бязбожнікаў зводзіць іх саміх.
Справядлівы паказывае шлях свайму бліжняму, а шлях бязбожных зводзіць іх.
Гультай не сьпячэ ўпаляванага, а маёмасьць чалавека руплівага каштоўная.
Хітры не сьпячэ таго, што злавіў, а пільны чалавек здабудзе багатую маемасьць.
На сьцежцы праведнасьці — жыцьцё, і на шляху яе няма сьмерці.
На шляху справядлівасьці жыцьцё і на ейнай сьцежцы няма сьмерці.
