Выслоўяў Саламонавых 12 разьдзел
Кніга выслоўяў Саламонавых
Пераклад Васіля Сёмухі → Пераклад Леаніда Галяка
Хто любіць настаўленьне, той любіць веды; а хто ненавідзіць засьцярогі, той невук.
Хто любіць павучэньне, той любіць веду, а хто ненавідзіць абвінавачаньне, той дурны.
Добры здабывае ласку ў Госпада; а чалавека падступнага Ён асудзіць.
Добры атрымае ласку ад Госпада, а хітрага чалавека Ён асудзіць.
Ня сьцьвердзіць сябе чалавек беззаконьнем; а корань праведнікаў непахісны.
Ня ўзмоцніцца чалавек з бязпраў’я, але корань справядлівых не парухаецца.
Дабрачынная жонка — вянок мужу свайму; а ганебная — як гнілізна ў касьцях у яго.
Добрая жонка — карона свайго мужа, а заганная, як гніль у ягоных касьцёх.
Помыслы праведных — праўда, а намыслы бязбожных — падступнасьць.
Думкі справядлівых праўдзівыя, а намеры бязбожных здрадлівыя.
Словы бязбожных — засада на кроў, а вусны праведных ратуюць іх.
Словы бязбожных імкнуцца да праліцьця крыві, а вусны справядлівых збаўляюць іх.
Як кранецца бязбожных няшчасьце — і няма іх, а дом праведных стаіць.
Дакранецца бязбожных бяда і няма іх, а дом справядлівых трывае.
Хваляць чалавека паводле меры розуму ягонага, а распусны сэрцам будзе ў пагардзе.
Хваляць чалавека паводле розуму яго, а ў каго хітрае сэрца, той будзе ў пагардзе.
Лепей быць простым, але мець працу, чым быць ганарыстым, але ня мець хлеба.
Лепшы просты чалавек, які мае слугу, чым той, што хваліцца славаю, а якому не хапае хлеба.
Праведны дбае і пра жыцьцё быдла свайго, а сэрца бязбожных жорсткае.
Справядлівы дбае і жыцьцё свайго быдла, а сэрца бязбожных жорсткае.
Хто ўрабляе зямлю сваю, насыціцца хлебам; а хто ідзе па сьлядах гультаёў, той розумам бедны.
Хто абрабляе сваю зямлю, той бывае насычаны хлебам, а хто ўпадабняецца гультаю, той дурны.
Бязбожны хоча злавіць яго ў сетку зла; а корань праведных цьвёрды.
Бязбожны хоча злавіць сеткаю благога, а корань справядлівага цьвярды.
Бязбожны ловіцца грахамі вуснаў сваіх; а праведны выйдзе зь бяды.
Бязбожны ловіцца грахамі сваіх вуснаў, але справядлівы выйдзе з бяды.
Ад плоду вуснаў сваіх чалавек насычаецца дабром, і плата чалавеку — паводле дзеяў рук ягоных.
З плоду сваіх вуснаў чалавек насычаецца дабром, а ўзнагароду за ўчынк ягоных рук дасьць яму Бог.
Дарога немысьля простая ў вачах ягоных; а хто слухае рады, той мудры.
Шлях дурнога здаецца яму простым, а мудры той, хто слухае радаў.
У немысьля адразу выяўляецца гнеў ягоны, а разумны тоіць абразу.
Гнеў дурнога выяўляецца на вонкі, а мудры хавае абразу.
Хто кажа тое, што ведае, той кажа праўду: а ў сьведкі ілжывага — ашуканства.
Хто гаворыць тое, што знае, той гаворыць праўду, а фалшывы сьветка ашуківае.
Сёй-той пустаслоў б’е як мечам, а язык мудрых — ацаляе.
Бываюць такія, што іхныя словы разяць, як мячом, але язык мудрых лечыць.
Вусны праўдзівыя вечна жывуць, а ілжывы язык — хвіліну.
Вусны, што гавораць праўду, трываюць вечна, а манлівы язык толькі на хвіліну.
Хітрына — у сэрцы ў зламысьнікаў, радасьць — у міратворцаў.
Здрада ў сэрцы тых, што думаюць блага, радасьць у тых, што дараджаюць мір.
Ня станецца праведніку ніякага ліха, а бязбожныя будуць напоўнены злом.
Справядлівага не спаткае ніякае няшчасьце, бязбожныя-ж будуць поўныя злосьці.
Агіда Госпаду — вусны ілжывыя, а хто гаворыць праўду, даспадобы Яму.
Манлівыя вусны агідныя Госпаду, але падабаюцца гаворачыя праўду.
Чалавек разважлівы ўтойвае веды, а сэрца немысьляў выказвае дурасьць.
Асьцярожны чалавек хавае веду, але сэрца дурных выказывае дурноту.
Рука руплівая здабудзе ўладу, а гультайская пад данінай будзе.
Будзе панаваць рука працавітых, а лянівая будзе плаціць даніну.
Смутак на сэрцы падаўляе чалавека, а добрае слова разьвесяляе яго.
Сум на сэрцы чалавека ўціскае яго, а добрае слова развесяляе яго.
Праведнік паказвае блізкаму свайму дарогу, а дарога бязбожных уводзіць іх у згубу.
Справядлівы паказывае шлях свайму бліжняму, а шлях бязбожных зводзіць іх.
Гультай ня смажыць сваёй дзічыны; а чалавек руплівы мецьме каштоўны набытак.
Хітры не сьпячэ таго, што злавіў, а пільны чалавек здабудзе багатую маемасьць.
На дарозе праўды — жыцьцё, і на сьцежцы яе няма сьмерці.
На шляху справядлівасьці жыцьцё і на ейнай сьцежцы няма сьмерці.
