1 Рекох я в сердци своем: пойду и наполнюся любых речей и поживу добра, и узрел есми ан о и то теже ест суетно.
2 Смех имнел есми быти во блуду место, и веселию рекох: что всуе смущаеши.
3 Умыслил есми был в сердци своем, абы вина не поживало тело мое. Дабых разум мой обрат ил к мудрости, и дабых выстрегся от безумия, покуле бых не познал, чтобы было ужиточно сыном человеческим, тое учинивши потреба ест под солнцем числа дней живота их.
4 Розвеличил есми дела своя: наделал есми собе домов, садил есми винограды.
5 Учинил собе огороды и сады, и насадил есми е от всякого плоду древием,
6 и наделал есми собе рыбников, абых напоил лес древа плодовитого.
7 Добыл есм собе слуг и служебниць, и имел есми челядь великую. Скот теже и стада великая овець, более, нежели всех, они же были суть предо мною во Ерусалиме.
8 Собрал есми собе сребро и злато, и богатества царская и земская. Наделал есми собе певцев и певницей, и кохания сынов человеческых, кубкы и конве златые, ко службе и к наливанию вина.
9 И превышил есми богатеством всех тых, которыи ж были суть предо мною во Ерусалиме. Мудрость теже пребываше со мною.
10 И всей речей, их же жадали суть очи мое, не возбранил есм има. И ни заборонивал есм сердцу моему, абы не учинило собе поволи во всяком кохании. Дабы веселилосе со всего наготованного ему. И то есми покладал за долю мою, егда бых поживал роботы моея.
11 И внегда обратихся ко всем делом моим, яже суть учинили руце мое, и ко трудом моим, в них же всуе трудихся даже до поту. Узрел есми во всех речах суету, и утиснение духово, а иже несть ничто же вечного под солнцем.
12 Обратился есми согледати мудрость и блуды, и вилование. И рекл есм: и что ест человек, абы могл спостигнути Царя соотворителя свего.
13 И узрел есм, иже так много пресягаеть мудрость над глупство, яко много делится светло от темности.
14 Мудраго человека очи суть во главе его, глупый же во тмах ходить. И познал есми, иже обоею их ест единаковая погибель.
15 И рекох в сердци моем: понеже единаковый ест конець глупаго яко и мой, и что ж ми то помощно ест, ижех ся я более мудрости учил. И розмышлял есми с душою своею, иже и то теже была бы суета.
16 Понеже не будеть памяти мудраго и глупаго во веки, и будущие часы вси речи заровно прикриють запоменутием. Умирает наученый теже заровно яко и ненаученый.
17 Сего ради стошнило ми ся в животе моем, видечи все злые речи под солнцем и всю суету и утиснение духовно.
18 Опять омерзела ми вся пилность моя, ею же под солнцем наипилней трудихся, абых могл имети наследника по собе.
19 Его же не знаю, а ни ведаю, будеть ли мудрый или безумный по мне, и владети ли будеть всем имением моим, его же есми з великим трудом и працею даже до упочения добыл, а ни же ест надтое болшее суеты.
20 И для того перестал есми, и не хотело сердце мое более тружатися под солнцем.
21 Понеже аще ли кто трудится в мудрости, в научении и в печали, и потом человеку празнующему оставить тое, чего добыл ест. Того ради и то есть суета и великое злое.
22 И что помощно ест человеку со всего труду своего и с утиснения души его, еже под солнцем мучился ест.
23 Вси бо дни его праце и беды полны суть, и ни же в ночи мысль его отпочинеть, и то теж чи не суета?
24 Едали не лепей есть ясти и пити, и чинити души своей добро з роботы своея, и то теже ест от руки божией.
25 Кто тако будеть жрати в кохании пребывати яко я?
26 Человеку доброму у обозрении его дал ест ему бог мудрость и умение, и радость, грешному же дал ест печаль и працу збытнюю. Абы прикладал и збирал, и дано будет тому, он же ся любит богу. Но и то ест суета и празное печалование души.
Знайшлі памылку ў тэксце? Вылучыце яе і націсніце:
Ctrl + Enter
Еклесиастес или Соборник премудрого царя Саломона, 2 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, Віленскі беларускі музэй імя Івана Луцкевіча.