Біблія » Пераклады » Біблія Скарыны (Вільня)

Еклесиастес 6 Еклесиастес 6 разьдзел

1 Ест и иное зло, еже есми видел под солнцем, и воистинну частое межи людми.
2 Муж, ему же дал ест бог имение и скарбы и честь, и ничто же ся не доставает души его от всих речей, их же жадаеть. Но не дал ему бог силы ясти от того, але человек чужий пожреть тое. Сее суета и беда велия ест.
3 Ащебы родил кто сто сынов, и был бы жив замного лет и много во своем веку имел бы дней. Естли же бы душа его не поживала от добра своего, и не имел бы погребения.

О таковом я вызнаваю, иже лепши ест недоношеное дитя, нежели он.
4 Праз нобо пришол и во тму отходить, и запомянутием зглажено будеть имя его.
5 Не видел ест солнца и ни же познал розделения межи добрым и злым.
6 Аще бы пак и два тысеща лет жив был, и не поживал бы добрых речей. Не ко единому ли месту идуть вси речи.
7 Весь труд человечий во устах его ест, душа же его не наполнится добра.
8 Что имат более мудрый на глупаго, и что убогый? Едино абы шол там, где ест живот.
9 Лепей ест видети тое, чего жадаеш, нежели жадати того, чего не знаешь. Но и то ест суета, и злосмелость духа.
10 Кто ест будущий — уже ест изведано имя его: и знаемо ест, иже ест человек, а иже не можеть с силнейшим, нежели сам ест, в суде судитися.
11 Слова суть многа, и во многом гадании имеюющая суету.
12 То ж ест потреба человеку согледати вышших речей, нежели ест сам.

Понеже не весть, что пригодится ему в животе его, в числе дней жития его, и час яко стень поминует.

Или кто можеть ему указати, что по нем имаеть быти под солнцем.
Знайшлі памылку ў тэксце? Вылучыце яе і націсніце: Ctrl + Enter

Еклесиастес или Соборник премудрого царя Саломона, 6 разьдзел

Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.

Public Domain

Public Domain — народны здабытак.
2022, Віленскі беларускі музэй імя Івана Луцкевіча.