1 Кто таковый ест яко мудрый, и кто познал ест отповедь слова?
Мудрость человечья указуется на лици его, и наймоцнейшии обличье его изменить.
Мудрость человечья указуется на лици его, и наймоцнейшии обличье его изменить.
2 Аз уст царевых стерегу и заповедей клятвы божией.
3 Не поспешай одыити от лица его, и не пребуди в деле злом. Понеже все, еже восхощеть учинить,
4 и слово его полно ест крепости, и ни же ему можеть кто рещи: чему тако чиниш?
5 Кто хранить заповеди, сей не искусит злого.
Сердце мудраго человека разумееть часу и отповеди.
Сердце мудраго человека разумееть часу и отповеди.
6 Всякое дело имать свой час и свою потребу, и многое ест человечие терпение.
7 Понеже не знаеть минулых речей и приидущих, и ни жадиный посол можеть возвестити ему.
8 Не ест в человечией моци забранити духу, ни же имать силы в день смерти.
И ни же ему отпущено будет внегда настанеть бой, и ни же избавить безаконие грешнаго.
И ни же ему отпущено будет внегда настанеть бой, и ни же избавить безаконие грешнаго.
9 Все есми тое знаменал, и выдал есми сердце мое на все дела, еже ся деють под солнцем.
Часом владееть человек человеком к своему злому.
Часом владееть человек человеком к своему злому.
10 Видел есми грешных погребеных, они же, внегда еще живи были, на месте святом жили, и хвалили их во граде, яко бы праведнии были в делех своих.
Но и то ест суета,
Но и то ест суета,
11 понеже не выдавается скорое на злых людей осуждение, и сего ради без всея боязни сынове людьстии чинять злая дела.
12 Грешник же сто крать творить грех, но долготерпением божиим продлен бывает.
Аз познал есм, иже добро будеть боящимся бога, и стыдящимся пред лицем его.
Аз познал есм, иже добро будеть боящимся бога, и стыдящимся пред лицем его.
13 Не будеть добро грешному, ни же продолжатся дни его, но яко стень поминуть небоящиеся лица божия.
14 Ест и иная суета, еже бываеть на земли, якобы имели дела злых людей и суть грешници, они же тако свободни суть, яко бы имели дела людей праведных, но и то за велми великую суету сужу.
15 Сего ради хвалил есм веселие, иже нет человеку лепшего под солнцем — токмо ясти, и пити, и радоватися.
Понеже толико то возметь с собою с труду своего, во днех живота своего, еже дал ему бог под солнцем.
Понеже толико то возметь с собою с труду своего, во днех живота своего, еже дал ему бог под солнцем.
16 И приложил есми сердце мое, абых познал мудрость, и зрозумел розделом, еже ся деють на земли.
человек, иже во дни и в ночи очи его не поспят.
человек, иже во дни и в ночи очи его не поспят.
17 И зрозумел есми, иже человек о всех делех божиих жадиное разумное отповеди не может знайти, тых речей, иже ся деють под солнцем.
И чим болей тружается знайти, тым мней знайдеть.
Абы пак рекл мудрый, иже он таковую речь знаеть, но не будет мочи ея до конца постигнути.
И чим болей тружается знайти, тым мней знайдеть.
Абы пак рекл мудрый, иже он таковую речь знаеть, но не будет мочи ея до конца постигнути.
Знайшлі памылку ў тэксце? Вылучыце яе і націсніце:
Ctrl + Enter
Еклесиастес или Соборник премудрого царя Саломона, 8 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, Віленскі беларускі музэй імя Івана Луцкевіча.