1 Вси речи час имають, и своим замереным бегом миняются вси речи под солнцем.
2 Час нарожению, час смерти, час насадити и час выкопати насаженное,
3 час убити и час уздравити, час разрушити и час сооружити,
4 час плачу и час веселия, час тужения и час скакания,
5 час розметывати камение и час собирати е, час обнимания и час отдалятися от обнимания,
6 час изыскати а час истратити, час соблюсти и час покинути,
7 час розодрания а час исшития, час молчания и час молвения,
8 час милости и час ненависти, час войны и час миру.
9 И что ж тогда имать человек излишку со всее праци своея.
10 Видел есми мучение, еже дал бог сыном человеческым, абы ся розширили в нем.
11 Вси речи добрые учинил ест в час свой, и свет поддал ест гаданию их. Абы не познал человек дела, еже уделал бог, от зачала даже до конца.
12 И познал есми, иже несть лепшего, токмо веселу быти, и чинити добрая дела за живота своего.
13 Всякий ибо человек, он же ясть и пиеть, и видить добрая дела со всего тружания своего, то ест дар божий.
14 Познал есми, иже вся дела, яже учинил бог, пребывають во веки. Не можем ничего ж придати и ни отняти к тым речам, еже сотворил бог, а то абы ся бояли его.
15 Что учинено ест, то пребывает, которые же речи приидущие суть, уже были суть, бог направляеть тое, что уже было проминуло.
16 Видел есми под солнцем на месте суду немилость, и на месте справедливости несправедливость.
17 И рекох во сердци своем, праведнаго и нечестиваго судити будет господь, и час каждое речи тогда будет.
18 И рекл есми в сердци своем о сынех людскых, абы искусил их бог, и указал иже суть подобни скотинам.
19 И про то единакова ест погыбель человечия и скотины, и ровно обоих приключение. Яко умирает человек, тако и скот мреть, потому ж и дышуть. И ничто же имать человек более над скотину. Вси речи подданы суть суете,
20 и вси идуть на единое место. Из земли вся суть, и в землю вкупе ся обратять.
21 Кто то весть, иже вступил дух сынов Адамовых к горе, и ступил дух скотиный низу.
22 И познал есми, иже ничто есть лепшего — токмо веселитися человеку в деле своем, и тое абы имел за долю свою. И кто ибо его к тому приведеть, дабы по собе будущие речи познал.
Знайшлі памылку ў тэксце? Вылучыце яе і націсніце:
Ctrl + Enter
Еклесиастес или Соборник премудрого царя Саломона, 3 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, Віленскі беларускі музэй імя Івана Луцкевіча.