Эзры 2 Эзры 2 разьдзел

¹ Гэта сыны краіны [Юдэйскай], якія ўзыходзілі з палону выгнаньня, бо іх Навухаданосар, валадар Бабілонскі, перасяліў у Бабілон, і яны вярнуліся ў Ерусалім і Юдэю, кожны ў горад свой.

² Яны прыйшлі з Зэрубабэлем, Ешуам, Нээміем, Сэраем, Рээлаем, Мардэхаем, Більшанам, Міспарам, Бігваем, Рэхумам, Баанам. Лік мужоў народу Ізраіля:

³ сыноў Пароша — дзьве тысячы сто семдзясят два;

⁴ сыноў Шэфатыі — трыста семдзясят два;

⁵ сыноў Араха — семсот семдзясят пяць;

⁶ сыноў Пахат-Маава, з сыноў Ешуа і Ёава — дзьве тысячы васемсот дванаццаць;

⁷ сыноў Эляма — тысяча дзьвесьце пяцьдзясят чатыры;

⁸ сыноў Затту — дзевяцьсот сорак пяць;

⁹ сыноў Заккая — семсот шэсьцьдзясят;

¹⁰ сыноў Бані — шэсьцьсот сорак два;

¹¹ сыноў Бэвая — шэсьцьсот дваццаць тры;

¹² сыноў Азгада — тысяча дзьвесьце дваццаць два;

¹³ сыноў Аданікама — шэсьцьсот шэсьцьдзясят шэсьць;

¹⁴ сыноў Бігвая — дзьве тысячы пяцьдзясят шэсьць;

¹⁵ сыноў Адына — чатырыста пяцьдзясят чатыры;

¹⁶ сыноў Атэра, з [сыноў] Эзэкіі — дзевяноста восем;

¹⁷ сыноў Бэцая — трыста дваццаць тры;

¹⁸ сыноў Ёры — сто дванаццаць;

¹⁹ сыноў Хашума — дзьвесьце дваццаць тры;

²⁰ сыноў Гіббара — дзевяноста пяць;

²¹ сыноў Бэтлеему — сто дваццаць тры;

²² людзей Нэтофы — пяцьдзясят шэсьць;

²³ людзей Анатоту — сто дваццаць восем;

²⁴ сыноў Азмавэту — сорак два;

²⁵ сыноў Кірыят-Ярыму, Кефіры і Бээроту — семсот сорак тры;

²⁶ сыноў Рамы і Гевы — шэсьцьсот дваццаць адзін;

²⁷ людзей Міхмасу — сто дваццаць два;

²⁸ людзей Бэтэлю і Гаю — дзьвесьце дваццаць тры;

²⁹ сыноў Нэво — пяцьдзясят два;

³⁰ сыноў Магбіша — сто пяцьдзясят шэсьць;

³¹ сыноў Эляму другога — тысяча дзьвесьце пяцьдзясят чатыры;

³² сыноў Харыму — трыста дваццаць:

³³ сыноў Лода, Хадыда і Она — семсот дваццаць пяць;

³⁴ сыноў Ерыхону — трыста сорак пяць;

³⁵ сыноў Сэнаі — тры тысячы шэсьцьсот трыццаць;

³⁶ сьвятароў: сыноў Едаі, з дому Ешуа, — дзевяцьсот семдзясят тры;

³⁷ сыноў Іммэра — тысяча пяцьдзясят два;

³⁸ сыноў Пашхура — тысяча дзьвесьце пяцьдзясят сем;

³⁹ сыноў Харыма — тысяча сямнаццаць;

⁴⁰ лявітаў: сыноў Ешуа і Кадміэля, з сыноў Гадавіі, — семдзясят чатыры;

⁴¹ сьпевакоў, сыноў Асафа, — сто дваццаць восем;

⁴² сыноў прыдзьвернікаў: сыноў Шальлюма, сыноў Атэра, сыноў Тальмона, сыноў Аккува, сыноў Хатыты, сыноў Шавая, усіх — трыццаць дзевяць;

⁴³ нэтынэяў: сыноў Цыхі, сыноў Хасуфы, сыноў Табаота,

⁴⁴ сыноў Кероса, сыноў Сіяхі, сыноў Падона,

⁴⁵ сыноў Лебаны, сыноў Хагавы, сыноў Аккува,

⁴⁶ сыноў Хагава, сыноў Шамлая, сыноў Ханана,

⁴⁷ сыноў Гіддэля, сыноў Гахара, сыноў Рэаі,

⁴⁸ сыноў Рэцына, сыноў Нэкоды, сыноў Газама,

⁴⁹ сыноў Узы, сыноў Пасэаха, сыноў Бэсая,

⁵⁰ сыноў Асны, сыноў Мэуніма, сыноў Нэфусіма,

⁵¹ сыноў Бакбука, сыноў Хакуфы, сыноў Хархура,

⁵² сыноў Бацлюта, сыноў Мэхіды, сыноў Харшы,

⁵³ сыноў Баркоса, сыноў Сісэры, сыноў Тэмаха,

⁵⁴ сыноў Нецыяха, сыноў Хатыфы;

⁵⁵ сыноў слугаў Салямонавых: сыноў Сатая, сыноў Гасафэрэта, сыноў Пэруда,

⁵⁶ сыноў Яалія, сыноў Даркона, сыноў Гіддэля,

⁵⁷ сыноў Шэфатыі, сыноў Хатылы, сыноў Пахерэт-Гацэбаіма, сыноў Амі,

⁵⁸ нэтынэяў і сыноў слугаў Салямонавых — трыста дзевяноста два.

⁵⁹ А гэтыя выйшлі з Тэль-Мэляху, Тэль-Харшы, Керуву, Аддану, Іммэру, і не маглі паказаць дому бацькоў сваіх і насеньня свайго, ці яны з Ізраіля:

⁶⁰ сыноў Дэлаі, сыноў Товіі, сыноў Нэкоды — шэсьцьсот пяцьдзясят два;

⁶¹ і з сыноў сьвятароў: сыноў Хабаі, сыноў Гаккоца, сыноў Барзілая, які ўзяў за жонку дачку Барзілая з Гілеаду і называўся імем ягоным.

⁶² Яны шукалі запісу свайго ў сьпісах, і не знайшоўся ён; і яны былі адлучаны ад сьвятарства.

⁶³ І Тыршата сказаў ім, каб яны ня елі са Сьвятога Сьвятых, пакуль не паўстане сьвятар з урымам і тумімам.

⁶⁴ Уся царква [была] разам сорак дзьве тысячы трыста шэсьцьдзясят [чалавек],

⁶⁵ акрамя слугаў іхніх і служак іхніх, якіх [было] сем тысячаў трыста трыццаць сем, і сярод іх сьпевакоў і сьпявачак — дзьвесьце.

⁶⁶ Коней іхніх [было] семсот трыццаць шэсьць; мулаў іхніх — дзьвесьце сорак пяць;

⁶⁷ вярблюдаў іхніх — чатырыста трыццаць пяць; аслоў — шэсьць тысячаў семсот дваццаць.

⁶⁸ І [некаторыя] з галоваў [дамоў] бацькоў, калі яны прыйшлі да Дому ГОСПАДА, які ў Ерусаліме, дабраахвотна ахвяравалі на Дом Божы, каб адбудаваць яго на месцы ягоным.

⁶⁹ Яны далі, паводле магчымасьці сваёй, у скарбніцу для работаў шэсьцьдзясят адну тысячу драхмаў золата, і пяць тысячаў мінаў срэбра, і сто шатаў сьвятарскіх.

⁷⁰ І жылі сьвятары і лявіты, і [некаторыя] з народу, і сьпевакі, і прыдзьвернікі, і нэтынэі ў гарадах сваіх, і ўвесь Ізраіль [жыў] у гарадах сваіх.