Лукаша 3 разьдзел

 

 

У пятнаццаты ж год праўле́ння ке́сара Тыве́рыя, калі Понцій Пілат быў правíцелем у Іудзеі, Ірад быў тэтра́рхам у Галіле́і, а Філіп, брат яго, тэтра́рхам у Ітурэ́і і Траханíцкай зямлі, а Ліса́ній тэтра́рхам у Авіліне́і,

 

У пятнаццаты ж год панаваньня Тывэрыя ке́сара, калі Понці Пілат гаспадарыў у Юдэі, Ірад быў чацьвертаўладцаю ў Галілеі, Піліп, брат яго, чацьвертаўладцаю ў Ітурэі і Траханіцкай краіне, а Лісані чацьвертўладцою ў Авілене́і;

пры першасвятарах Анне і Каіа́фе, было́ слова Божае да Іаана, сына Заха́рыі, у пусты́ні.

 

пры архірэях Ганьне і Кайафе, быў голас Божы да Іоана, сына Захаравага, у пустыні.

І прайшоў ён усё навако́лле Іарданскае, прапаве́дуючы хрышчэ́нне пакая́ння дзе́ля адпушчэ́ння грахоў,

 

І ён праходзіў па ўсіх ваколіцах Іорданскіх, прапаве́дываючы хрышчэньне пакаяньня дзеля адпушчэньня грахоў,

як напíсана ў кнізе слоў Іса́іі прарока: «голас таго, хто клíча ў пусты́ні: падрыхту́йце шлях Госпаду, про́стымі зрабíце сце́жкі Яму;

 

як напісана ў кнізе слоў прарока Ісаі, які кажа: голас клікаючага ў пустыні: прыгатуйце шлях Госпаду, простымі зрабёце сьце́жкі Яму;

кожны дол няхай напо́ўніцца, і кожная гара́ і ўзгорак няхай панíзяцца, і крывое няхай вы́прастаецца, і няроўныя дарогі стануць гла́дкімі,

 

усякі дол няхай напоўніцца, і ўсякая гара і ўзгорак няхай зьнізяцца, крывулі выпрастуюцца і няроўныя шляхі зробяцца гладкімі;

і ўбачыць кожная плоць спасе́нне Божае».

 

і ўгле́дзіць усякае це́ла спасе́ньне Божае (Ісая 40:3-5).

І вось сказаў народу, які прыходзіў хрысцíцца ад яго: адро́ддзе яхíдніна! хто намо́віў вас уцяка́ць ад будучага гневу?

 

І казаў Іоан народу, які прыходзіў хрысьціцца ў яго: плод ехідніны! хто перасьцярог вас, каб уцякалі ад будучага гне́ву?

Прынясíце ж годныя плады́ пакая́ння і не думайце гаварыць самі сабе: «айцец ў нас Аўраам»; бо кажу вам, што Бог можа з камянёў гэтых узве́сці дзяцей Аўрааму.

 

Зрабе́це ж годныя пакаяньня плады і ня думайце гаварыць сабе́: „бацька ў нас Аўраам“; бо кажу вам, што Бог можа з каме́ньняў гэтых падняць дзяце́й Аўрааму.

Ужо і сяке́ра пры ко́рані дрэў ляжы́ць: бо ўсякае дрэва, якое не прыно́сіць добрага плоду, ссяка́юць і кíдаюць у агонь.

 

Ужо і сяке́ра ля караня дрэваў ляжыць; усякае дрэва, што плоду добрага ня прыносе, зрубаецца і кідаецца ў вагонь.

І пытаўся ў яго народ, ка́жучы: што ж рабіць нам?

 

І спытаўся ў яго народ: што ж нам рабіць?

Ён жа гаворыць ім у адказ: хто ма́е дзве кашу́лі, няхай дасць таму, хто не ма́е, і хто ма́е ежу, няхай зробіць гэтаксама.

 

Ен жа сказаў ім у адказ: у каго дзьве́ адзе́жыны, той дай таму, хто ня мае; і каго ёсьць е́жа, рабі тое ж.

Прыйшлі і мы́тнікі хрысцíцца ад яго і сказалі яму: настаўнік! што нам рабіць?

 

Прыйшлі і мытнікі хрысьціцца і сказалі яму: вучыцель! што нам рабіць?

А ён сказаў ім: нічога больш за вы́значанае вам не спаганя́йце.

 

Ен жа адказаў ім: нічога не бярэце больш таго, што назначана вам.

Пыталіся ў яго таксама і воіны, гаво́рачы: а нам што рабіць? І сказаў ім: не чынíце крыўды нікому, не даносьце і задавальня́йцеся пла́тай сваёй.

 

Пыталіся ў яго таксама і ваякі: а нам што рабіць? І сказаў ім: нікога ня крыўдзьце, не абмаўляйце і здавальняйцеся свае́ю платай.

Калі ж народ быў у чака́нні і ўсе разважа́лі ў сэ́рцах сваіх пра Іаана, ці не Хрыстос ён, —

 

Калі ж народ быў у недаўме́ньні, І ўсе́ думалі ў сэрцах сваіх аб Іоане, ці ня Хрыстос ён, —

адказаў Іаан усім, гаворачы: я вадою хрышчу́ вас, але ідзе Мацнейшы за мяне, у Якога я нява́рты развяза́ць раме́нь абутку Яго; Ён будзе хрысцíць вас Духам Святым і агнём.

 

Іоан усім адказаў: я хрышчу вас вадою, але йдзе́ Дужэйшы за мяне́, у каторага я ня варты разьвязаць раме́нь абуцьця: Ен будзе хрысьціць вас Духам Сьвятым і агнём;

Лапа́та Яго ў руцэ́ Яго, і Ён ачы́сціць гумно́ Сваё, і збярэ́ пшаніцу ў жы́тніцу Сваю, а мякíну спа́ліць агнём непага́сным.

 

лапата Яго ў руцэ Яго і Ен ачысьціць гумно Свае́ і пазьбірае пшаніцу ў сьвіран свой, а салому спаліць агнём неўгасімым.

І многа ў чым іншым настаўля́ючы, дабраве́сціў ён народу.

 

Многа і другога прапаве́дываў ён народу, навучаючы яго.

А Ірад тэтра́рх, выкрыва́ны ім за Ірадыя́ду, жонку Філіпа, брата свайго, і за ўсё ліхое, што зрабіў Ірад,

 

Ірад жа чацьвертаўладца, дакараны ім за Ірадзіяду, жонку брата яго, Піліпа, і за ўсё, што Ірад зрабіў благога,

дада́ў да ўсяго яшчэ і тое, што зачынíў Іаана ў цямнíцы.

 

дадаў да ўсяго іншага і тое, што пасадзіў Іоана ў вязьніцу.

І ста́лася: калі хрысцíўся ўвесь народ, і Іісус, ахрысцíўшыся, маліўся, раскры́лася неба,

 

І сталася, як хрысьціўся ўве́сь народ, і Ісус хрысьціўшыся маліўся, — адчынілася не́ба,

і сышоў на Яго Дух Святы́ ў цяле́сным вы́глядзе, як голуб, і голас быў з неба, які прамовіў: Ты Сын Мой Узлю́блены, Цябе Я ўпадаба́ў.

 

і Дух Сьвяты зыйшоў на Яго ў цяле́сным выглядзе, як галуб, і быў голас з не́ба гаворачы: Ты Сын Мой Улюблены; цябе́ ўпадабаў Я.

А Сам Іісус меў гадоў трыццаць, калі распачына́ў, і быў, як думалі, Сын Іо́сіфаў, Ілíеў,

 

Ісус, пачынаючы Свае́ служэньне, быў гадоў трыццацёх і быў, як думалі, сын Язэпаў, Іліяў,

Матфа́таў, Левíеў, Мелхíеў, Іана́еў, Іо́сіфаў,

 

Матфанаў, Ле́віяў Мэльхіяў, Іоанаў, Язэпаў,

Матафíеў, Амо́саў, Нау́маў, Еслíмаў, Нагге́еў,

 

Матафіяў, Амосаў, Навумаў. Ясьлімаў, Наге́еў,

Маа́фаў, Матафíеў, Семеíеў, Іо́сіфаў, Іу́даў,

 

Маафаў, Матафіяў, Саме́йяў, Язэпаў, Юдзін,

Іаана́наў, Рыса́еў, Зарава́велеў, Салафіíлеў, Ніры́еў,

 

Іоананаў, Рысаеў, Зарававэлеў, Салафіілеў, Нірыеў,

Мелхíеў, Аддзíеў, Каса́маў, Елмада́маў, Íраў,

 

Мэльхіеў, Адзіеў, Касамаў, Ялмадамаў, Іраў,

Іасíеў, Еліезе́раў, Іары́маў, Матфа́таў, Левíеў,

 

Есіяў, Еліязэраў, Іярымаў, Матфатаў, Ле́віін,

Сімяо́наў, Іу́даў, Іосіфаў, Іана́наў, Еліакíмаў,

 

Сымэонаў, Юдзін, Язэпаў, Іоананаў, Еліакімаў,

Мелеа́еў, Маіна́наў, Маттафа́еў, Нафа́наў, Давíдаў,

 

Мэлеаеў, Маінаінаў, Матафаеў, Натанаў, Давідаў,

Іесе́еў, Авíдаў, Вао́заў, Салмо́наў, Наасо́наў,

 

Іясе́еў, Авідаў, Ваозаў, Салмонаў, Наасонаў.

Амінада́ваў, Ара́маў, Есро́маў, Фарэ́саў, Іу́даў,

 

Амінадаваў, Арамаў, Ясромаў, Фарэсаў, Юдзін,

Іа́каваў, Ісаа́каў, Аўраа́маў, Фа́раў, Нахо́раў,

 

Якаўлеў, Ісаакаў, Аўраамаў, Фарын, Нахораў,

Серу́хаў, Рага́ваў, Фале́каў, Еве́раў, Са́лаў,

 

Сэрухаў, Рагаваў, Фалекаў, Яве́раў, Салін,

Каіна́наў, Арфакса́даў, Сíмаў, Но́еў, Ла́мехаў,

 

Каінанаў, Арфаксадаў, Сімаў, Нояў, Ламе́хаў,

Мафуса́лаў, Ено́хаў, Іарэ́даў, Малелеíлаў, Каіна́наў,

 

Матусалаў, Янохаў, Іарэдаў, Малеляілаў, Каінанаў,

Ено́саў, Сíфаў, Ада́маў, Божы.

 

Еносаў, Сіфаў, Адамаў, Божы.