Лукаша 3 разьдзел

 

 

У пятнаццаты год панавання цэзара Тыберыя, калі Понцій Пілат быў намеснікам Юдэі, а Ірад быў тэтрархам Галілеі, Філіп, брат ягоны, тэтрархам Ітурэі і Траханіцкай зямлі, а Лізанія тэтрархам Абілены,

 

У пятнаццаты ж год панаваньня Тывэрыя ке́сара, калі Понці Пілат гаспадарыў у Юдэі, Ірад быў чацьвертаўладцаю ў Галілеі, Піліп, брат яго, чацьвертаўладцаю ў Ітурэі і Траханіцкай краіне, а Лісані чацьвертўладцою ў Авілене́і;

пры першасвятарах Анне і Каяфе, было скіравана слова Божае да Яна, сына Захарыі, у пустыні.

 

пры архірэях Ганьне і Кайафе, быў голас Божы да Іоана, сына Захаравага, у пустыні.

Ён прайшоў усе ваколіцы Ярдана, абвяшчаючы хрост пакаяння дзеля адпушчэння грахоў,

 

І ён праходзіў па ўсіх ваколіцах Іорданскіх, прапаве́дываючы хрышчэньне пакаяньня дзеля адпушчэньня грахоў,

як напісана ў кнізе слоў прарока Ісаі: «Голас таго, хто кліча ў пустыні:“Падрыхтуйце дарогу Пану,простымі рабіце сцежкі Яму!

 

як напісана ў кнізе слоў прарока Ісаі, які кажа: голас клікаючага ў пустыні: прыгатуйце шлях Госпаду, простымі зрабёце сьце́жкі Яму;

Кожная даліна ўзвысіцца,кожная гара і пагорак панізяцца,і выбоістыя дарогі стануць раўнінай,а ланцугі гор — далінаю.

 

усякі дол няхай напоўніцца, і ўсякая гара і ўзгорак няхай зьнізяцца, крывулі выпрастуюцца і няроўныя шляхі зробяцца гладкімі;

І ўбачыць кожнае целаБожае збаўленне”».

 

і ўгле́дзіць усякае це́ла спасе́ньне Божае (Ісая 40:3-5).

Ён казаў натоўпам, якія прыходзілі да яго хрысціцца: «Племя змяінае, хто навучыў вас уцякаць ад будучага гневу?

 

І казаў Іоан народу, які прыходзіў хрысьціцца ў яго: плод ехідніны! хто перасьцярог вас, каб уцякалі ад будучага гне́ву?

Прынясіце ж годны плён пакаяння і не думайце казаць сабе: “Маем Абрагама за бацьку”; бо кажу вам, што Бог можа з камянёў гэтых абудзіць дзяцей Абрагаму.

 

Зрабе́це ж годныя пакаяньня плады і ня думайце гаварыць сабе́: „бацька ў нас Аўраам“; бо кажу вам, што Бог можа з каме́ньняў гэтых падняць дзяце́й Аўрааму.

Ужо і сякера прыкладзена да карэння дрэў. Таму кожнае дрэва, якое не дае добрага плоду, будзе ссечана і кінута ў агонь».

 

Ужо і сяке́ра ля караня дрэваў ляжыць; усякае дрэва, што плоду добрага ня прыносе, зрубаецца і кідаецца ў вагонь.

І пыталіся ў яго людзі, кажучы: «Што мы павінны рабіць?»

 

І спытаўся ў яго народ: што ж нам рабіць?

Ён казаў ім у адказ: «Хто мае дзве вопраткі, няхай аддасць таму, хто не мае, і хто мае ежу, няхай зробіць тое самае».

 

Ен жа сказаў ім у адказ: у каго дзьве́ адзе́жыны, той дай таму, хто ня мае; і каго ёсьць е́жа, рабі тое ж.

Прыйшлі і мытнікі хрысціцца і сказалі яму: «Настаўнік, што мы павінны рабіць?»

 

Прыйшлі і мытнікі хрысьціцца і сказалі яму: вучыцель! што нам рабіць?

Ён адказаў ім: «Нічога больш за вызначанае вам не спаганяйце».

 

Ен жа адказаў ім: нічога не бярэце больш таго, што назначана вам.

Пыталіся ў яго таксама і жаўнеры, кажучы: «А мы што павінны рабіць?» Ён адказаў ім: «Нікога не крыўдзіце, не абвінавачвайце несправядліва і задавольвайцеся сваёй платай».

 

Пыталіся ў яго таксама і ваякі: а нам што рабіць? І сказаў ім: нікога ня крыўдзьце, не абмаўляйце і здавальняйцеся свае́ю платай.

Калі народ чакаў і калі ўсе разважалі ў сэрцах сваіх пра Яна, ці не Месія ён,

 

Калі ж народ быў у недаўме́ньні, І ўсе́ думалі ў сэрцах сваіх аб Іоане, ці ня Хрыстос ён, —

Ян адказаў усім: «Я вадою хрышчу вас, але ідзе мацнейшы за мяне, якому я няварты развязаць раменьчык на Яго сандалях. Ён вас будзе хрысціць Духам Святым і агнём.

 

Іоан усім адказаў: я хрышчу вас вадою, але йдзе́ Дужэйшы за мяне́, у каторага я ня варты разьвязаць раме́нь абуцьця: Ен будзе хрысьціць вас Духам Сьвятым і агнём;

Лапату трымае ў руцэ сваёй, каб ачысціць гумно сваё і сабраць пшаніцу ў засекі свае, а мякіну спаліць агнём непагасным».

 

лапата Яго ў руцэ Яго і Ен ачысьціць гумно Свае́ і пазьбірае пшаніцу ў сьвіран свой, а салому спаліць агнём неўгасімым.

Шмат чаго іншага прапаведаваў ён, абвяшчаючы Добрую Навіну народу.

 

Многа і другога прапаве́дываў ён народу, навучаючы яго.

А тэтрарх Ірад, якога Ян дакараў за Ірадыяду, жонку яго брата Філіпа, і за ўсё зло, якое ўчыніў Ірад,

 

Ірад жа чацьвертаўладца, дакараны ім за Ірадзіяду, жонку брата яго, Піліпа, і за ўсё, што Ірад зрабіў благога,

да ўсяго дадаў яшчэ і тое, што замкнуў Яна ў вязніцы.

 

дадаў да ўсяго іншага і тое, што пасадзіў Іоана ў вязьніцу.

Калі хрысціўся ўвесь народ і калі Езус, прыняўшы хрост, маліўся, раскрылася неба,

 

І сталася, як хрысьціўся ўве́сь народ, і Ісус хрысьціўшыся маліўся, — адчынілася не́ба,

і Дух Святы ў цялесным выглядзе, як голуб, сышоў на Яго, і быў голас з неба: «Ты Сын Мой умілаваны, Цябе ўпадабаў Я».

 

і Дух Сьвяты зыйшоў на Яго ў цяле́сным выглядзе, як галуб, і быў голас з не́ба гаворачы: Ты Сын Мой Улюблены; цябе́ ўпадабаў Я.

Езус, пачынаючы служэнне сваё, меў каля трыццаці гадоў і быў, як лічылі, сынам Юзафа, сына Элія,

 

Ісус, пачынаючы Свае́ служэньне, быў гадоў трыццацёх і быў, як думалі, сын Язэпаў, Іліяў,

Матата, Левія, Мэльхія, Яная, Юзафа,

 

Матфанаў, Ле́віяў Мэльхіяў, Іоанаў, Язэпаў,

Матація, Амоса, Навума, Эслія, Нагея,

 

Матафіяў, Амосаў, Навумаў. Ясьлімаў, Наге́еў,

Маата, Матація, Сэмэя, Ёсэха, Ёды,

 

Маафаў, Матафіяў, Саме́йяў, Язэпаў, Юдзін,

Янана, Рэсы, Зарабабэля, Салятыэля, Нэрыя,

 

Іоананаў, Рысаеў, Зарававэлеў, Салафіілеў, Нірыеў,

Мэльхія, Адзія, Касама, Эльмадама, Эра,

 

Мэльхіеў, Адзіеў, Касамаў, Ялмадамаў, Іраў,

Езуса, Эліязэра, Ярыма, Матата, Левія,

 

Есіяў, Еліязэраў, Іярымаў, Матфатаў, Ле́віін,

Сімяона, Юды, Юзафа, Ёнама, Эліяхіма,

 

Сымэонаў, Юдзін, Язэпаў, Іоананаў, Еліакімаў,

Мэлея, Мэны, Матата, Натана, Давіда,

 

Мэлеаеў, Маінаінаў, Матафаеў, Натанаў, Давідаў,

Есэя, Абэда, Бааза, Сальмона, Наасона,

 

Іясе́еў, Авідаў, Ваозаў, Салмонаў, Наасонаў.

Амінадаба, Адміна, Арні, Эзрома, Фарэса, Юды,

 

Амінадаваў, Арамаў, Ясромаў, Фарэсаў, Юдзін,

Якуба, Ісаака, Абрагама, Тарэя, Нахора,

 

Якаўлеў, Ісаакаў, Аўраамаў, Фарын, Нахораў,

Сэруха, Рахаба, Фалека, Эбэра, Салія,

 

Сэрухаў, Рагаваў, Фалекаў, Яве́раў, Салін,

Каінама, Арфаксада, Сэма, Ноя, Ламеха,

 

Каінанаў, Арфаксадаў, Сімаў, Нояў, Ламе́хаў,

Матусала, Эноха, Ярэда, Малелеэля, Каінама,

 

Матусалаў, Янохаў, Іарэдаў, Малеляілаў, Каінанаў,

Эноса, Сэта, Адама, сына Бога.

 

Еносаў, Сіфаў, Адамаў, Божы.