Лукаша 3 разьдзел

 

 

У пятнаццаты год панавання цэзара Тыберыя, калі Понцій Пілат быў намеснікам Юдэі, а Ірад быў тэтрархам Галілеі, Філіп, брат ягоны, тэтрархам Ітурэі і Траханіцкай зямлі, а Лізанія тэтрархам Абілены,

 

У пятнаццаты ж год праўле́ння ке́сара Тыве́рыя, калі Понцій Пілат быў правíцелем у Іудзеі, Ірад быў тэтра́рхам у Галіле́і, а Філіп, брат яго, тэтра́рхам у Ітурэ́і і Траханíцкай зямлі, а Ліса́ній тэтра́рхам у Авіліне́і,

пры першасвятарах Анне і Каяфе, было скіравана слова Божае да Яна, сына Захарыі, у пустыні.

 

пры першасвятарах Анне і Каіа́фе, было́ слова Божае да Іаана, сына Заха́рыі, у пусты́ні.

Ён прайшоў усе ваколіцы Ярдана, абвяшчаючы хрост пакаяння дзеля адпушчэння грахоў,

 

І прайшоў ён усё навако́лле Іарданскае, прапаве́дуючы хрышчэ́нне пакая́ння дзе́ля адпушчэ́ння грахоў,

як напісана ў кнізе слоў прарока Ісаі: «Голас таго, хто кліча ў пустыні:“Падрыхтуйце дарогу Пану,простымі рабіце сцежкі Яму!

 

як напíсана ў кнізе слоў Іса́іі прарока: «голас таго, хто клíча ў пусты́ні: падрыхту́йце шлях Госпаду, про́стымі зрабíце сце́жкі Яму;

Кожная даліна ўзвысіцца,кожная гара і пагорак панізяцца,і выбоістыя дарогі стануць раўнінай,а ланцугі гор — далінаю.

 

кожны дол няхай напо́ўніцца, і кожная гара́ і ўзгорак няхай панíзяцца, і крывое няхай вы́прастаецца, і няроўныя дарогі стануць гла́дкімі,

І ўбачыць кожнае целаБожае збаўленне”».

 

і ўбачыць кожная плоць спасе́нне Божае».

Ён казаў натоўпам, якія прыходзілі да яго хрысціцца: «Племя змяінае, хто навучыў вас уцякаць ад будучага гневу?

 

І вось сказаў народу, які прыходзіў хрысцíцца ад яго: адро́ддзе яхíдніна! хто намо́віў вас уцяка́ць ад будучага гневу?

Прынясіце ж годны плён пакаяння і не думайце казаць сабе: “Маем Абрагама за бацьку”; бо кажу вам, што Бог можа з камянёў гэтых абудзіць дзяцей Абрагаму.

 

Прынясíце ж годныя плады́ пакая́ння і не думайце гаварыць самі сабе: «айцец ў нас Аўраам»; бо кажу вам, што Бог можа з камянёў гэтых узве́сці дзяцей Аўрааму.

Ужо і сякера прыкладзена да карэння дрэў. Таму кожнае дрэва, якое не дае добрага плоду, будзе ссечана і кінута ў агонь».

 

Ужо і сяке́ра пры ко́рані дрэў ляжы́ць: бо ўсякае дрэва, якое не прыно́сіць добрага плоду, ссяка́юць і кíдаюць у агонь.

І пыталіся ў яго людзі, кажучы: «Што мы павінны рабіць?»

 

І пытаўся ў яго народ, ка́жучы: што ж рабіць нам?

Ён казаў ім у адказ: «Хто мае дзве вопраткі, няхай аддасць таму, хто не мае, і хто мае ежу, няхай зробіць тое самае».

 

Ён жа гаворыць ім у адказ: хто ма́е дзве кашу́лі, няхай дасць таму, хто не ма́е, і хто ма́е ежу, няхай зробіць гэтаксама.

Прыйшлі і мытнікі хрысціцца і сказалі яму: «Настаўнік, што мы павінны рабіць?»

 

Прыйшлі і мы́тнікі хрысцíцца ад яго і сказалі яму: настаўнік! што нам рабіць?

Ён адказаў ім: «Нічога больш за вызначанае вам не спаганяйце».

 

А ён сказаў ім: нічога больш за вы́значанае вам не спаганя́йце.

Пыталіся ў яго таксама і жаўнеры, кажучы: «А мы што павінны рабіць?» Ён адказаў ім: «Нікога не крыўдзіце, не абвінавачвайце несправядліва і задавольвайцеся сваёй платай».

 

Пыталіся ў яго таксама і воіны, гаво́рачы: а нам што рабіць? І сказаў ім: не чынíце крыўды нікому, не даносьце і задавальня́йцеся пла́тай сваёй.

Калі народ чакаў і калі ўсе разважалі ў сэрцах сваіх пра Яна, ці не Месія ён,

 

Калі ж народ быў у чака́нні і ўсе разважа́лі ў сэ́рцах сваіх пра Іаана, ці не Хрыстос ён, —

Ян адказаў усім: «Я вадою хрышчу вас, але ідзе мацнейшы за мяне, якому я няварты развязаць раменьчык на Яго сандалях. Ён вас будзе хрысціць Духам Святым і агнём.

 

адказаў Іаан усім, гаворачы: я вадою хрышчу́ вас, але ідзе Мацнейшы за мяне, у Якога я нява́рты развяза́ць раме́нь абутку Яго; Ён будзе хрысцíць вас Духам Святым і агнём.

Лапату трымае ў руцэ сваёй, каб ачысціць гумно сваё і сабраць пшаніцу ў засекі свае, а мякіну спаліць агнём непагасным».

 

Лапа́та Яго ў руцэ́ Яго, і Ён ачы́сціць гумно́ Сваё, і збярэ́ пшаніцу ў жы́тніцу Сваю, а мякíну спа́ліць агнём непага́сным.

Шмат чаго іншага прапаведаваў ён, абвяшчаючы Добрую Навіну народу.

 

І многа ў чым іншым настаўля́ючы, дабраве́сціў ён народу.

А тэтрарх Ірад, якога Ян дакараў за Ірадыяду, жонку яго брата Філіпа, і за ўсё зло, якое ўчыніў Ірад,

 

А Ірад тэтра́рх, выкрыва́ны ім за Ірадыя́ду, жонку Філіпа, брата свайго, і за ўсё ліхое, што зрабіў Ірад,

да ўсяго дадаў яшчэ і тое, што замкнуў Яна ў вязніцы.

 

дада́ў да ўсяго яшчэ і тое, што зачынíў Іаана ў цямнíцы.

Калі хрысціўся ўвесь народ і калі Езус, прыняўшы хрост, маліўся, раскрылася неба,

 

І ста́лася: калі хрысцíўся ўвесь народ, і Іісус, ахрысцíўшыся, маліўся, раскры́лася неба,

і Дух Святы ў цялесным выглядзе, як голуб, сышоў на Яго, і быў голас з неба: «Ты Сын Мой умілаваны, Цябе ўпадабаў Я».

 

і сышоў на Яго Дух Святы́ ў цяле́сным вы́глядзе, як голуб, і голас быў з неба, які прамовіў: Ты Сын Мой Узлю́блены, Цябе Я ўпадаба́ў.

Езус, пачынаючы служэнне сваё, меў каля трыццаці гадоў і быў, як лічылі, сынам Юзафа, сына Элія,

 

А Сам Іісус меў гадоў трыццаць, калі распачына́ў, і быў, як думалі, Сын Іо́сіфаў, Ілíеў,

Матата, Левія, Мэльхія, Яная, Юзафа,

 

Матфа́таў, Левíеў, Мелхíеў, Іана́еў, Іо́сіфаў,

Матація, Амоса, Навума, Эслія, Нагея,

 

Матафíеў, Амо́саў, Нау́маў, Еслíмаў, Нагге́еў,

Маата, Матація, Сэмэя, Ёсэха, Ёды,

 

Маа́фаў, Матафíеў, Семеíеў, Іо́сіфаў, Іу́даў,

Янана, Рэсы, Зарабабэля, Салятыэля, Нэрыя,

 

Іаана́наў, Рыса́еў, Зарава́велеў, Салафіíлеў, Ніры́еў,

Мэльхія, Адзія, Касама, Эльмадама, Эра,

 

Мелхíеў, Аддзíеў, Каса́маў, Елмада́маў, Íраў,

Езуса, Эліязэра, Ярыма, Матата, Левія,

 

Іасíеў, Еліезе́раў, Іары́маў, Матфа́таў, Левíеў,

Сімяона, Юды, Юзафа, Ёнама, Эліяхіма,

 

Сімяо́наў, Іу́даў, Іосіфаў, Іана́наў, Еліакíмаў,

Мэлея, Мэны, Матата, Натана, Давіда,

 

Мелеа́еў, Маіна́наў, Маттафа́еў, Нафа́наў, Давíдаў,

Есэя, Абэда, Бааза, Сальмона, Наасона,

 

Іесе́еў, Авíдаў, Вао́заў, Салмо́наў, Наасо́наў,

Амінадаба, Адміна, Арні, Эзрома, Фарэса, Юды,

 

Амінада́ваў, Ара́маў, Есро́маў, Фарэ́саў, Іу́даў,

Якуба, Ісаака, Абрагама, Тарэя, Нахора,

 

Іа́каваў, Ісаа́каў, Аўраа́маў, Фа́раў, Нахо́раў,

Сэруха, Рахаба, Фалека, Эбэра, Салія,

 

Серу́хаў, Рага́ваў, Фале́каў, Еве́раў, Са́лаў,

Каінама, Арфаксада, Сэма, Ноя, Ламеха,

 

Каіна́наў, Арфакса́даў, Сíмаў, Но́еў, Ла́мехаў,

Матусала, Эноха, Ярэда, Малелеэля, Каінама,

 

Мафуса́лаў, Ено́хаў, Іарэ́даў, Малелеíлаў, Каіна́наў,

Эноса, Сэта, Адама, сына Бога.

 

Ено́саў, Сíфаў, Ада́маў, Божы.