Лукаша 3 разьдзел

 

 

А ў пятнаццаты год кіравання кесара Тыберыя, калі Понцій Пілат быў намеснікам Іудзеі, а чацвёртаўладальнікам Галілеі быў Ірад, Філіп жа, яго брат, быў чацвёртаўладальнікам Ітурэі і Траханіцкай зямлі, а Лісаній чацвёртаўладальнікам Авіліны,

 

У пятнаццаты ж год праўле́ння ке́сара Тыве́рыя, калі Понцій Пілат быў правíцелем у Іудзеі, Ірад быў тэтра́рхам у Галіле́і, а Філіп, брат яго, тэтра́рхам у Ітурэ́і і Траханíцкай зямлі, а Ліса́ній тэтра́рхам у Авіліне́і,

пры першасвятары Ганну і Каіяфе, было слова Божае да Іаана, сына Захарыевана, у пустэльні.

 

пры першасвятарах Анне і Каіа́фе, было́ слова Божае да Іаана, сына Заха́рыі, у пусты́ні.

І ён прайшоў усё наваколле Іардана, абвяшчаючы хрышчэнне пакаяння дзеля адпушчэння грахоў,

 

І прайшоў ён усё навако́лле Іарданскае, прапаве́дуючы хрышчэ́нне пакая́ння дзе́ля адпушчэ́ння грахоў,

як напісана ў кнізе слоў прарока Ісаіі: «Голас прапаведніка ў пустэльні: «Падрыхтуйце дарогу Госпаду, простымі зрабіце Яму сцежкі;

 

як напíсана ў кнізе слоў Іса́іі прарока: «голас таго, хто клíча ў пусты́ні: падрыхту́йце шлях Госпаду, про́стымі зрабíце сце́жкі Яму;

кожны дол няхай напоўніцца, а кожная гара і пагорак няхай панізяцца, і крывое няхай выпрастаецца, і выбоістыя дарогі стануць гладкімі;

 

кожны дол няхай напо́ўніцца, і кожная гара́ і ўзгорак няхай панíзяцца, і крывое няхай вы́прастаецца, і няроўныя дарогі стануць гла́дкімі,

і ўбачыць кожнае стварэнне выратаванне Божае».

 

і ўбачыць кожная плоць спасе́нне Божае».

Дык ён казаў натоўпам, што выходзілі, каб хрысціцца ў яго: Гадзючыя выпадкі, хто паказаў вам уцякаць ад будучага гневу?

 

І вось сказаў народу, які прыходзіў хрысцíцца ад яго: адро́ддзе яхíдніна! хто намо́віў вас уцяка́ць ад будучага гневу?

Дык стварыце годныя плады пакаяння і не пачынайце казаць самім сабе: «Бацька ў нас Аўраам». Бо кажу вам, што Бог можа з гэтых камянёў узняць дзяцей Аўрааму.

 

Прынясíце ж годныя плады́ пакая́ння і не думайце гаварыць самі сабе: «айцец ў нас Аўраам»; бо кажу вам, што Бог можа з камянёў гэтых узве́сці дзяцей Аўрааму.

Ужо ж і сякера ляжыць пры корані дрэў; дык кожнае дрэва, што добрага плоду не родзіць, ссякаюць і кідаюць у агонь.

 

Ужо і сяке́ра пры ко́рані дрэў ляжы́ць: бо ўсякае дрэва, якое не прыно́сіць добрага плоду, ссяка́юць і кíдаюць у агонь.

І натоўпы пыталіся ў яго, кажучы: Дык што нам рабіць?

 

І пытаўся ў яго народ, ка́жучы: што ж рабіць нам?

Ён жа ў адказ ім казаў: Хто мае два хітоны, няхай дасць таму, хто не мае, і хто мае ежу, няхай гэтак жа зробіць.

 

Ён жа гаворыць ім у адказ: хто ма́е дзве кашу́лі, няхай дасць таму, хто не ма́е, і хто ма́е ежу, няхай зробіць гэтаксама.

Прыйшлі ж і зборшчыкі падаткаў хрысціцца і сказалі яму: Настаўніку, што нам рабіць?

 

Прыйшлі і мы́тнікі хрысцíцца ад яго і сказалі яму: настаўнік! што нам рабіць?

І ён ім сказаў: Не спаганяйце нічога больш, чым вызначана вам.

 

А ён сказаў ім: нічога больш за вы́значанае вам не спаганя́йце.

Пыталіся ж у яго і воіны, кажучы: А нам што рабіць? — І сказаў ім: Ні ў кога нічога не вымагайце, не даносьце і задавальняйцеся сваёю платаю.

 

Пыталіся ў яго таксама і воіны, гаво́рачы: а нам што рабіць? І сказаў ім: не чынíце крыўды нікому, не даносьце і задавальня́йцеся пла́тай сваёй.

Калі ж народ чакаў і ўсе разважалі ў сваіх сэрцах пра Іаана, ці не Хрыстос ён,

 

Калі ж народ быў у чака́нні і ўсе разважа́лі ў сэ́рцах сваіх пра Іаана, ці не Хрыстос ён, —

Іаан адказаў, кажучы ўсім: Я вадою хрышчу вас; а ідзе Мацнейшы за мяне, у Якога я няварты развязаць раменьчык Яго сандаляў; Ён вас будзе хрысціць Святым Духам і агнём;

 

адказаў Іаан усім, гаворачы: я вадою хрышчу́ вас, але ідзе Мацнейшы за мяне, у Якога я нява́рты развяза́ць раме́нь абутку Яго; Ён будзе хрысцíць вас Духам Святым і агнём.

у Яго руцэ веялка, каб ачысціць Свой умалот і сабраць пшаніцу ў Сваё сховішча, а мякіну спаліць незгасальным агнём.

 

Лапа́та Яго ў руцэ́ Яго, і Ён ачы́сціць гумно́ Сваё, і збярэ́ пшаніцу ў жы́тніцу Сваю, а мякíну спа́ліць агнём непага́сным.

Дык, і шмат у чым іншым настаўляючы, ён дабравесціў народу.

 

І многа ў чым іншым настаўля́ючы, дабраве́сціў ён народу.

А Ірад, чацвёртаўладнік, выкрываны ім за Ірадыяду, жонку свайго брата, і за ўсё ліхое, што Ірад зрабіў,

 

А Ірад тэтра́рх, выкрыва́ны ім за Ірадыя́ду, жонку Філіпа, брата свайго, і за ўсё ліхое, што зрабіў Ірад,

дадаў да ўсяго і тое, што зняволіў Іаана ў турму.

 

дада́ў да ўсяго яшчэ і тое, што зачынíў Іаана ў цямнíцы.

І сталася: калі хрысціўся ўвесь народ і Ісус, ахрысціўшыся, маліўся, расчынілася неба,

 

І ста́лася: калі хрысцíўся ўвесь народ, і Іісус, ахрысцíўшыся, маліўся, раскры́лася неба,

і зышоў Святы Дух у цялесным выглядзе, як голуб на Яго, і голас з неба пачуўся: Ты Мой Сын Улюбёны, у Табе знайшоў Я задавальненне.

 

і сышоў на Яго Дух Святы́ ў цяле́сным вы́глядзе, як голуб, і голас быў з неба, які прамовіў: Ты Сын Мой Узлю́блены, Цябе Я ўпадаба́ў.

А Сам Ісус, пачынаючы Сваё служэнне, меў гадоў каля трыццаці, быў, як думалі, Сын Іосіфаў, Іліеў,

 

А Сам Іісус меў гадоў трыццаць, калі распачына́ў, і быў, як думалі, Сын Іо́сіфаў, Ілíеў,

Матфатаў, Лявіеў, Мялхіеў, Іяннаеў, Іосіфаў,

 

Матфа́таў, Левíеў, Мелхíеў, Іана́еў, Іо́сіфаў,

Матафіеў, Амосаў, Навумаў, Гесліеў, Нагееў,

 

Матафíеў, Амо́саў, Нау́маў, Еслíмаў, Нагге́еў,

Маафаў, Матафіеў, Семяінаў, Іасіхаў, Іадаеў,

 

Маа́фаў, Матафíеў, Семеíеў, Іо́сіфаў, Іу́даў,

Іаананаў, Рысаеў, Дзарававелеў, Салафіілеў, Нірыеў,

 

Іаана́наў, Рыса́еў, Зарава́велеў, Салафіíлеў, Ніры́еў,

Мялхіеў, Аддзеў, Касамаў, Элмадамаў, Іраў,

 

Мелхíеў, Аддзíеў, Каса́маў, Елмада́маў, Íраў,

Ісусаў, Эліедзераў, Іарымаў, Матфатаў, Лявіеў,

 

Іасíеў, Еліезе́раў, Іары́маў, Матфа́таў, Левíеў,

Сімяонаў, Іудаў, Іосіфаў, Іананаў, Эліякімаў,

 

Сімяо́наў, Іу́даў, Іосіфаў, Іана́наў, Еліакíмаў,

Меляаеў, Мяннаеў, Матафаеў, Нафанаў, Давідаў,

 

Мелеа́еў, Маіна́наў, Маттафа́еў, Нафа́наў, Давíдаў,

Іессееў, Авідаў, Ваозаў, Салаў, Наасонаў,

 

Іесе́еў, Авíдаў, Вао́заў, Салмо́наў, Наасо́наў,

Амінадаваў, Адмінаў, Арніеў, Гесромаў, Фарэсаў, Іудаў,

 

Амінада́ваў, Ара́маў, Есро́маў, Фарэ́саў, Іу́даў,

Іякаваў, Ісаакаў, Аўраамаў, Фараў, Нахораў,

 

Іа́каваў, Ісаа́каў, Аўраа́маў, Фа́раў, Нахо́раў,

Сярухаў, Рагаваў, Фалекаў, Эвераў, Салаў,

 

Серу́хаў, Рага́ваў, Фале́каў, Еве́раў, Са́лаў,

Каінамаў, Арфаксадаў, Сімаў, Ноеў, Ламехаў,

 

Каіна́наў, Арфакса́даў, Сíмаў, Но́еў, Ла́мехаў,

Мафусалаў, Энохаў, Іярэтаў, Малеляілаў, Каінамаў,

 

Мафуса́лаў, Ено́хаў, Іарэ́даў, Малелеíлаў, Каіна́наў,

Эносаў, Сіфаў, Адамаў, Божы.

 

Ено́саў, Сíфаў, Ада́маў, Божы.