Лукаша 3 разьдзел

 

 

Пятнанцатага году дзяржавы цэсара Тыбэра, як Понт Пілат быў намесьнікам Юдэі, Гірад быў чацьвертнікам у Ґалілеі, а Піліп, брат ягоны, чацьвертнікам Ітурэі а Трахоніцкае краіны, а Лізан чацьвертнікам Абіленеі,

 

У пятнаццаты ж год панаваньня Тывэрыя ке́сара, калі Понці Пілат гаспадарыў у Юдэі, Ірад быў чацьвертаўладцаю ў Галілеі, Піліп, брат яго, чацьвертаўладцаю ў Ітурэі і Траханіцкай краіне, а Лісані чацьвертўладцою ў Авілене́і;

За найвышшых сьвятароў Ганны а Каяпы, было слова Божае да Яана Захаронка на пустыні.

 

пры архірэях Ганьне і Кайафе, быў голас Божы да Іоана, сына Захаравага, у пустыні.

І ён праходзіў па ўсёй краіне ля Ёрдану, абяшчаючы хрэст каяты дзеля дараваньня грахоў,

 

І ён праходзіў па ўсіх ваколіцах Іорданскіх, прапаве́дываючы хрышчэньне пакаяньня дзеля адпушчэньня грахоў,

Як напісана ў кнізе словаў Ісаі прарокі, кажучы: «Голас гукаючага на пустыні: гатуйце дарогу Спадарову, прастайце сьцелжі Ягоныя;

 

як напісана ў кнізе слоў прарока Ісаі, які кажа: голас клікаючага ў пустыні: прыгатуйце шлях Госпаду, простымі зрабёце сьце́жкі Яму;

Кажная даліна напоўніцца, і кажная гара а ўзгорак паніжыцца, і скрыўленыя выпрастаюцца, і драгкія дарогі стануць гладкімі;

 

усякі дол няхай напоўніцца, і ўсякая гара і ўзгорак няхай зьнізяцца, крывулі выпрастуюцца і няроўныя шляхі зробяцца гладкімі;

І кажнае цела абача спасеньне Божае».

 

і ўгле́дзіць усякае це́ла спасе́ньне Божае (Ісая 40:3-5).

Тады сказаў ён гурбе, што прыходзіла хрысьціцца ў яго: «Родзе яшчарыны! хто перасьцярог вас уцякаць ад надыходзячага гневу?

 

І казаў Іоан народу, які прыходзіў хрысьціцца ў яго: плод ехідніны! хто перасьцярог вас, каб уцякалі ад будучага гне́ву?

Дык радзіце плады гожыя каяты. І не пачынайце гукаць сабе: "Айцец у нас Абрагам"; бо кажу вам, што Бог можа з камянёў гэтых узьняць дзеці Абрагаму.

 

Зрабе́це ж годныя пакаяньня плады і ня думайце гаварыць сабе́: „бацька ў нас Аўраам“; бо кажу вам, што Бог можа з каме́ньняў гэтых падняць дзяце́й Аўрааму.

Ужо й сякіра да караня дзерваў прыложана; дык кажнае дзерва, што ня родзе добрага плоду, сякуць а кідаюць у цяпло».

 

Ужо і сяке́ра ля караня дрэваў ляжыць; усякае дрэва, што плоду добрага ня прыносе, зрубаецца і кідаецца ў вагонь.

І пыталіся ў яго гурбы, кажучы: «Дык што маем рабіць?»

 

І спытаўся ў яго народ: што ж нам рабіць?

Ён, адказуючы, сказаў ім: «Хто мае дзьве адзежы, дай нямаючаму; і хто мае ежу, рабі тое самае».

 

Ен жа сказаў ім у адказ: у каго дзьве́ адзе́жыны, той дай таму, хто ня мае; і каго ёсьць е́жа, рабі тое ж.

Тады прышлі таксама мытнікі хрысьціцца і сказалі яму: «Вучыцелю, што мы маем рабіць?»

 

Прыйшлі і мытнікі хрысьціцца і сказалі яму: вучыцель! што нам рабіць?

І сказаў ім: «Нічога не вымагайце балей за прызначанае вам».

 

Ен жа адказаў ім: нічога не бярэце больш таго, што назначана вам.

І пыталіся ў яго таксама жаўнеры, кажучы: «А мы што маем рабіць?» І ён адказаў ім: «Не рабіце ўсілства нікому ані вінуйце хвальшыва, і будзьце здаволіўшыся з платы свае».

 

Пыталіся ў яго таксама і ваякі: а нам што рабіць? І сказаў ім: нікога ня крыўдзьце, не абмаўляйце і здавальняйцеся свае́ю платай.

І як люд спадзяваўся, і думалі ўсі ў сэрцах сваіх празь Яана, ці ня быў можа ён Хрыстос,

 

Калі ж народ быў у недаўме́ньні, І ўсе́ думалі ў сэрцах сваіх аб Іоане, ці ня Хрыстос ён, —

Яан адказаў, кажучы ўсім: «Я запраўды хрышчу вас вадою, але йдзець дужшы за мяне, у Каторага я ня гожы разьвязаць рэменьчыка ў вобую Ягоным; Ён будзе хрысьціць вас Духам Сьвятым а агнём.

 

Іоан усім адказаў: я хрышчу вас вадою, але йдзе́ Дужэйшы за мяне́, у каторага я ня варты разьвязаць раме́нь абуцьця: Ен будзе хрысьціць вас Духам Сьвятым і агнём;

Веялка Ягоная ў руццэ Ягонай, і Ён ачысьце такаўню Сваю, і пшонку зьбярэць у сьвіран, а ўмецьце спале агнём няўгасным».

 

лапата Яго ў руцэ Яго і Ен ачысьціць гумно Свае́ і пазьбірае пшаніцу ў сьвіран свой, а салому спаліць агнём неўгасімым.

І шмат чаго іншага напамінаючы, даваў дабравесьць люду.

 

Многа і другога прапаве́дываў ён народу, навучаючы яго.

Гірад жа чацьвертнік, ганены ім за Гіродзяду, жонку брата свайго Піліпа, і за ўсе ліха, што Гірад зрабіў,

 

Ірад жа чацьвертаўладца, дакараны ім за Ірадзіяду, жонку брата яго, Піліпа, і за ўсё, што Ірад зрабіў благога,

Дадаў яшчэ да ўсяго тое, што пасадзіў Яана ў вязьніцу.

 

дадаў да ўсяго іншага і тое, што пасадзіў Іоана ў вязьніцу.

І сталася, як хрысьціўся ўвесь люд, і Ісус, ахрысьціўшыся, маліўся, нябёсы рашчыніліся,

 

І сталася, як хрысьціўся ўве́сь народ, і Ісус хрысьціўшыся маліўся, — адчынілася не́ба,

І ісступіў Дух Сьвяты на Яго ў цялесным выглядзе, як галуба, і прышоў голас ізь неба, кажучы: «Ты Сын Мой любовы; Цябе Я ўпадабаў!»

 

і Дух Сьвяты зыйшоў на Яго ў цяле́сным выглядзе, як галуб, і быў голас з не́ба гаворачы: Ты Сын Мой Улюблены; цябе́ ўпадабаў Я.

А Самому Ісусу, як пачынаў, было год трыццаць веку, будучы, як думалі, сынам Язэпа Гілянка,

 

Ісус, пачынаючы Свае́ служэньне, быў гадоў трыццацёх і быў, як думалі, сын Язэпаў, Іліяў,

Матфацёнка, Левянка, Мельшанка, Янянка, Язэпенка,

 

Матфанаў, Ле́віяў Мэльхіяў, Іоанаў, Язэпаў,

Маттафёнка, Амасёнка, Нагумёнка, Есьлянка, Наґґаёнка,

 

Матафіяў, Амосаў, Навумаў. Ясьлімаў, Наге́еў,

Маафёнка, Матгафёнка, Сэмеёнка, Язэпенка, Юдзянка,

 

Маафаў, Матафіяў, Саме́йяў, Язэпаў, Юдзін,

Яанёнка, Рысаёнка, Зэрувавеленка, Шэалфіеленка, Ніранка,

 

Іоананаў, Рысаеў, Зарававэлеў, Салафіілеў, Нірыеў,

Мельшанка, Адзьдзянка, Косамёнка, Елмодамёнка, Іранка,

 

Мэльхіеў, Адзіеў, Касамаў, Ялмадамаў, Іраў,

Ёсянка, Елезэранка, Ёрыменка, Матфацёнка, Левянка,

 

Есіяў, Еліязэраў, Іярымаў, Матфатаў, Ле́віін,

Сыманёнка, Юдзянка, Язэпенка, Ёнанёнка, Елякімёнка,

 

Сымэонаў, Юдзін, Язэпаў, Іоананаў, Еліакімаў,

Малеаёнка, Менанёнка, Маттафёнка, Нафанёнка, Давідзёнка,

 

Мэлеаеў, Маінаінаў, Матафаеў, Натанаў, Давідаў,

Есянка, Овідзёнка, Воозёнка, Салмонёнка, Наасонёнка,

 

Іясе́еў, Авідаў, Ваозаў, Салмонаў, Наасонаў.

Амінадавенка, Арамёнка, Есромёнка, Фарэсёнка, Юдзянка,

 

Амінадаваў, Арамаў, Ясромаў, Фарэсаў, Юдзін,

Якавёнка, Ісачонка, Абрагаменка, Фаранка, Нахаронка,

 

Якаўлеў, Ісаакаў, Аўраамаў, Фарын, Нахораў,

Сэрушонка, Раґавёнка, Фалечонка, Еверонка, Салянка,

 

Сэрухаў, Рагаваў, Фалекаў, Яве́раў, Салін,

Каінанёнка, Арфаксадзенка, Сэмянка, Ноянка, Ламёшанка,

 

Каінанаў, Арфаксадаў, Сімаў, Нояў, Ламе́хаў,

Мефусаленка, Енашонка, Ярэдзёнка, Малелееленка, Каінанёнка,

 

Матусалаў, Янохаў, Іарэдаў, Малеляілаў, Каінанаў,

Еносёнка, Сыфянка, Адамёнка, каторы быў Божы.

 

Еносаў, Сіфаў, Адамаў, Божы.