Да Эфэсянаў 6 разьдзел
Пасланьне да Эфэсянаў
Пераклад П. Татарыновіча → Пераклад Чарняўскага 1999
Дзеці, слухайце пабожна бацькоў сваіх, бо гэта справядліва.
Дзеці, слухайце бацькоў вашых у Госпадзе, бо гэта справядліва.
Шануй бацьку твайго і матку — гэта першае прыказанне з азарочаннем:
Паважай бацьку твайго і маці тваю; гэта першае прыказаньне з абяцаньнем:
каб табе добра шчасьціла ды каб доўга жыў на зямлі.
каб добра было табе і каб быў ты даўгавечным на зямлі.
А і вы, бацькі, не радзрадняйце дзяцей вашых, але выхоўвайце іх у послусе ды пабожным уразумлянні.
І вы, бацькі, не раздражняйце дзяцей вашых, але ўзгадоўвайце іх у навуцы і напамінаньні Госпадавым.
Слугі, будзьце паслухмянымі сваім гаспадаром сёсьветным з боязьзю й пашанай у прастаце сэрца вашага, моў Хрыстусу,
Нявольнікі, са страхам і дрыжаньнем у прастаце сэрца падпарадкоўвайцеся цялесным гаспадарам вашым, як Хрысту,
не для вока толькі служачы й прыпадабання людзям, але як Хрыстусавы слугі, шчыра выконваючы волю Божую,
не для вока служачы, каб людзям падабацца, але як слугі Хрыстовыя, выпаўняючыя волю Божую ад душы,
ахвотна паслугуйце, як Богу, а ня людзям;
з добрай воляй паслугуючы, як Госпаду, а ня людзям,
сьведамыя таго, што кажны, ці слуга ці вольны, за выкананае дабро атрымае сваё ад Госпада.
ведаючы, што кожны, хто б зрабіў дабро, той і ад Бога атрымае, ці ён нявольнік, ці вольны.
І вы, гаспадары, рабеце ім тое самае, лагодзьце суровасьць, памятаючы, што як над імі, так і над вамі ёсьць Усегаспадар на небе, ў якога няма прыстароннасьці да асобаў.
І вы, гаспадары, падобна рабіце ім, зьмяншаючы пагрозы, ведаючы, што і іхні і ваш Госпад ёсьць ў небе, і што Ён не ўзіраецца на асобу.
На апошку, браты, мацнейце вы Госпадам і магутнасьцю сілы ягонай;
Наастатак, браты, умацоўвайцеся ў Госпадзе і ў сіле моцы Ягонай.
прыадзеньцеся ў зброю Божую, каб маглі вы даць адпор хітрунствам дзьябла;
Апранецеся ў зброю Божую, каб змаглі ўстаяць супраць хітрыкаў д'ябла.
мы бо змагаемся не проці крыві й цела, а проці зьверхніцкіх моцаў, проці сьветаўлады цемры гэтага веку, проці духаў назласьці ў паднебных прасторах.
Бо нашае ваяваньне ня супраць крыві і цела, але супраць начальстваў, супраць ўладаў, супраць уладальнікаў гэтага сьвету цемры, супраць духаў злосьці нябесных.
Вось чаму вазьмеце ўсезброю Божую, каб у ліхім дню маглі вы процістаяць і, ўсё перамогшы, устаяць.
Дзеля таго вазьміце зброю Божую, каб маглі ў дзень ліхі ўстаяць і ва ўсім застацца дасканалымі.
Стойце, восьжа, падперазаўшы паясьніцы вашыя праўдаю й ахінуўшыся броняй справядлівасьці,
Дык стойце, падперазаўшы паясьніцы вашыя праўдаю і надзеўшы панцыр справядлівасьці,
ды абуўшы ногі ў гатовасьць дабравешчання міру-згоды;
і абуўшы ногі ў гатоўнасьць абвяшчаць Эвангельле супакою;
а надусё вазьмеце шчыт веры, якім здолееце гасіць усе вагністыя стрэлы ліхога;
на ўсякую нагоду вазьміце шчыт веры, якім зможаце патушыць усе агністыя стрэлы ліхога;
і прылбіцу збаўлення вазьмеце, і меч духоўны, якім ёсьць слова Божае.
і вазьміце шалом збаўленьня разам з мячом Духа, якім ёсьць Слова Божае,
Малецеся заўсёды ў духу ўсякай формай малітвы і благання; таго пільнуючыся вытрывала, просячы за ўсіх сьвятых
усьцяж молячыся ўсякаю малітваю і просьбаю ў Духу, і чуваючы з вытрываласьцю і просьбаю за ўсіх сьвятых
дый за мяне, каб, як адкрыю мае вусны, дана мне была мова да сьмелага абвяшчання тайніцы Эванэліі,
і за мяне, каб дадзены быў мне дар слова на адчыненьне вуснаў маіх, каб адважна выяўляў таямніцы Эвангельля,
для якое паольства я выконываю ў аковах, каб я гаварыў аб ёй адважна, як мне належыцца.
якога я пасланец у путах, каб меў адвагу так, як мне належыцца, гаварыць.
А каб і вы ведалі што дзеецца зы мною ды што раблю, аб гэтым усім паведаміць вас Тыхік, брат мілы і слуга верны ў Хрыстусе,
Каб жа і вы ведалі пра мае справы, што раблю, пра ўсё гэта раскажа вам Тыхік, найдаражэйшы брат і верны слуга ў Госпадзе,
якога я паслаў да вас натое, каб вы даведаліся аб нас ды каб пацешыў сэрцы вашыя.
якога я паслаў да вас на тое, каб вы ведалі, што ў нас робіцца, і каб ён пацешыў сэрцы вашыя.
Спакой братом і любасьць зь вераю ад Бога Айца і Усеспадара Езуса Хрыстуса.
Супакой вам, браты, і любоў з вераю ад Бога Айца і Госпада Езуса Хрыста.
Ласка з усімі непахісна любячымі Збавіцеля нашага Езуса Хрыстуса. Амэн.
Ласка з усімі, якія любяць Госпада нашага Езуса Хрыста ў незьнішчальнасьці.
