1 да Цімафея 2 разьдзел
Першае пасланьне да Цімафея
Пераклад Антонія Бокуна → Пераклад Яна Станкевіча
Дык перш за ўсё прашу ўзносіць просьбы, малітвы, умольваньні і падзякі за ўсіх людзей,
Дык наўперд дамяняю чыніць просьбы, малітвы, прычыны, падзякі за ўсіх людзёў,
за валадароў і за ўсіх, хто пры ўладзе, каб весьці нам жыцьцё ціхае і спакойнае ў-ва ўсякай пабожнасьці і сумленнасьці,
За каралёў і за ўсіх, што займаюць высокія становішчы, каб мы ціхое а супакойнае жыцьцё вялі ў кажнай набожнасьці і ўрочыстасьці;
бо гэта добра і прыемна перад Збаўцам нашым Богам,
Бо гэта добра а прыемна Спасу нашаму Богу,
Які хоча, каб усе людзі былі збаўленыя і прыйшлі да пазнаньня праўды.
Каторы зыча, каб усі людзі спасьліся й дасяглі пазнаньня праўды.
Бо адзін Бог і адзін Пасярэднік паміж Богам і людзьмі — Чалавек Хрыстос Ісус,
Бо адзін Бог, і пасярэднік памеж Бога й людзёў адзін, чалавек Ісус Хрыстос,
Які аддаў Сябе на адкупленьне за ўсіх, як сьведчаньне ў свой час,
Каторы даў Сябе на адкупленьне за ўсіх, праз што сьветчана ўпару,
дзеля Якога я пастаўлены весьнікам і апосталам, праўду кажу ў Хрысьце, не хлушу, настаўнікам паганаў у веры і праўдзе.
Да чога я быў прызначаны за агалашэньніка а апостала (я кажу праўду, не маню) а вучыцеля народаў у веры а праўдзе.
Дык хачу, каб на ўсякім месцы маліліся мужы, узьнімаючы сьвятыя рукі бяз гневу і хістаньняў;
Дык я хачу, каб мужы на кажным месцу маліліся, узьнімаючы пасьвячаныя рукі бяз гневу й сумлеву.
каб таксама і жанчыны, у сьціплай вопратцы, з сарамлівасьцю і здаровым розумам аздаблялі сябе не пляценьнем валасоў, ані золатам, ані пэрламі, ані шатамі дарагімі,
Падобна, каб жанкі, у прыходнай адзежы, сьціпла й разумна, прыбіраліся не пляценьням а золатам або пэрламі, або дарагімі ўборамі,
але добрымі ўчынкамі, як належыць жанчынам, якія абяцалі багабойнасьць.
Але добрымі ўчынкамі, што ўходзе жанкам, боязьнь Божую вызнаючым.
Жанчына ў маўчаньні няхай вучыцца з усякай паслухмянасьцю.
Няхай жонка вучыцца моўчыкам з усім паданьням;
А жанчыне, каб навучала, не дазваляю, ані каб мужам кіравала, але каб у маўчаньні была.
Але я не дазваляю, каб жонка вучыла й мела ўладу над мужам, але хай застаецца ў маўчаньню.
Бо першым быў зьлеплены Адам, а пасьля — Ева;
Бо Адам быў ухормаваны першы, а потым Ева;
і не Адам быў падмануты, а жанчына, падманутая, учыніла парушэньне,
І не Адам быў ашуканы, але жонка, будучы ашуканай, стала выступніцаю;
але будзе збаўленая праз нараджэньне дзяцей, калі застанецца ў веры, і любові, і сьвятасьці са здаровым розумам.
Яна, адылі, будзе ўратавана раджэньням дзяцей, калі будзе трываць у веры а ў міласьці а ў сьвятасьці з розумам.
