Марка 16 разьдзел
Паводле Марка Сьвятое Дабравесьце
Пераклад Чарняўскага 2017 → Дабравесце паводле Марка. З аўдыёкасет
І, калі мінула субота, Марыя Магдалена, і Марыя Якубава, і Саламея накуплялі духмянасцей, каб пайсці і памазаць Ісуса.
І калі мінула субота, Марыя Магдалена, і Марыя Якава, і Саламея, купілі духмянасцяў, каб прыйшоўшы памазаць Яго.
І вельмі рана, у першы дзень тыдня, прыйшлі да магілы, калі ўжо ўзышло сонца.
І вельмі рана, ў першы дзень тыдня, прыходзяць яны да магілы, калі ўзыходзіла сонца.
І гаварылі між сабою: «Хто нам адкоціць камень ад уваходу ў магілу?»
І казалі між сабою: «Хто адваліць нам камень ад уваходу ў магілу?»
І, глянуўшы, бачаць яны адвалены камень. А ён быў велізарны.
Ды паглядзеўшы ўбачалі, што камень, які быў вельмі вялікі адвалены. А стражнікі, што стяраглі магілу, нібыта мёртвыя.
І, увайшоўшы ў магілу, яны ўбачылі юнака, што сядзеў з правага боку і быў адзеты ў белае адзенне, і зжахнуліся.
І на камяні, праваруч ад магілы, сядзіць юнак у белым адзенні, і спалохаліся жанчыны.
А ён кажа ім: «Не палохайцеся! Шукаеце Ісуса з Назарэта, укрыжаванага. Ён уваскрос, няма Яго тут; вось месца, дзе Яго паклалі.
А Ён і кажа ім: «Не бойцеся! Ісуса вы шукаеце, Назараніна распятага? Ён уваскрос, Яго няма тут. Вось месца, дзе паклалі Яго.
Але ідзіце і паведаміце вучням Яго і Пётры: “Ён ідзе перад вамі ў Галілею. Там Яго ўбачыце, як Ён вам сказаў”».
Але ідзіце, абвясціце Яго вучням і Пётру, што Ён ідзе паперадзе вас у Галілею; там Яго ўбачыце, як вам кажу цяпер».
І, выйшаўшы, пабеглі ад магілы, бо ахапіў іх страх ды трывога; і нікому нічога не казалі, бо баяліся.
І выйшаўшы, пабеглі яны, ва ўзрушанні і хваляванні ад магілы, каб абвясціць аб адбыўшымся.
Уваскросшы на світанні ў першы дзень тыдня, Ісус найперш паказаўся Марыі Магдалене, з якой выгнаў сем дэманаў.
Пасля ўваскрасення, рана ў першы дзень тыдня, Ён з’явіўся спярша Марыі Магдалене, з якой выгнаў сем дэманаў.
А яна пайшла і паведаміла тым, што з Ім былі, якія сумавалі і плакалі.
Яна пайшоўшы, абвясціла тым, хто бываў з Ім, а цяпер сумавалі і плакалі;
Але яны, пачуўшы, што Ён жывы і што яна Яго бачыла, не паверылі.
І тыя пачуўшы, што Ён жыве і што яна бачыла Яго, — не паверылі.
Пасля таго Ён паказаўся двум з іх у іншым выглядзе на дарозе ў паселішча.
Пасля ж гэтага паказаўся Ён двум з іх у іншым выглядзе дарогаю, калі яны ішлі ў вёску;
І яны пайшлі і расказалі іншым, але і ім не паверылі.
А тыя, пайшоўшы, абвясцілі астатнім, але і ім не паверылі.
Нарэшце паказаўся Ён адзінаццаці, калі яны ўзлягалі пры стале, і дакараў іх за недаверства і закамянеласць сэрца, што не паверылі тым, што бачылі Яго ўваскрослага.
Пазней [жа] паказаўся Ён і самім Адзінаццаці, калі яны ўзлягалі [на вячэры] і дакараў за нявер’е іх, і жорсткасьць сэрца, за тое, што бачыўшым Яго ўваскрослым, не паверылі.
І сказаў ім: «Ідзіце на ўвесь свет і абвяшчайце Евангелле ўсяму стварэнню.
І сказаў ім: «Ідзіце па ўсім свеце, абвяшчайце Дабравесце кожнаму стварэнню.
Хто паверыць і прыме хрост, будзе збаўлены. Хто ж не паверыць, будзе асуджаны.
Хто ўверуе і ахрысціцца — будзе выратаваны, а хто не ўверуе — будзе асуджаны.
А тых, што павераць, будуць суправаджаць такія знакі: у імя Маё будуць яны выганяць дэманаў, на новых мовах гаварыць будуць,
Адзнакаю ж тых, хто ўверуюць, будзе такое: Маім Імём будуць яны выганяць дэманаў, будуць гаварыць новымі мовамі,
змеяў будуць падымаць, ды хоць бы што атрутнае выпілі — не пашкодзіць ім, на хворых рукі ўскладаць будуць — і яны аздараўляцца будуць».
будзе ў іх руках улада над смяротнымі гадамі, і ўсімі ворагамі чалавека, і нішто ліхое не пашкодзіць ім, а на хворых яны ўскладуць рукі для вылечвання іх».
І пасля размовы з імі Госпад Ісус узнёсся ў неба, і сядзіць праваруч ад Бога.
І вось, пасля размовы, адыйшоў Ён ад іх, і пачаў узносіцца ўвысь да Айца Свайго.
А яны, пайшоўшы, вясцілі ўсюды, а Госпад дапамагаў ім і падмацоўваў словы іх знакамі, што іх суправаджалі. Амін.
А тыя, выйшаўшы, абвяшчалі ўсюды аб тым, і Ён дапамагаў ім, і словы іх Ён засведчваў услед знаменнямі!
