Марка 16 разьдзел
Паводле Марка Сьвятое Дабравесьце
Пераклад Васіля Сёмухі → Дабравесце паводле Марка. З аўдыёкасет
Як прайшла субота, Марыя Магдаліна і Марыя Якаўлева і Саломія купілі пахошчаў, каб ісьці — намасьціць Яго.
І калі мінула субота, Марыя Магдалена, і Марыя Якава, і Саламея, купілі духмянасцяў, каб прыйшоўшы памазаць Яго.
І даволі рана, у першы дзень тыдня, прыходзяць да магілы, на ўзыходзе сонца,
І вельмі рана, ў першы дзень тыдня, прыходзяць яны да магілы, калі ўзыходзіла сонца.
і гавораць паміж сабою: хто адваліць нам камень ад магільных дзьвярэй?
І казалі між сабою: «Хто адваліць нам камень ад уваходу ў магілу?»
І зірнуўшы, бачаць, што камень адвалены; а ён быў досыць вялікі.
Ды паглядзеўшы ўбачалі, што камень, які быў вельмі вялікі адвалены. А стражнікі, што стяраглі магілу, нібыта мёртвыя.
І ўвайшоўшы ў магілу, убачылі юнака, які сядзеў з правага боку, адзетага ў белыя шаты: і жахнуліся.
І на камяні, праваруч ад магілы, сядзіць юнак у белым адзенні, і спалохаліся жанчыны.
А ён кажа ім: не жахайцеся. Ісуса шукаеце Назараніна, укрыжаванага; Ён уваскрэс, Яго няма тут. Вось месца, дзе Ён быў пакладзены.
А Ён і кажа ім: «Не бойцеся! Ісуса вы шукаеце, Назараніна распятага? Ён уваскрос, Яго няма тут. Вось месца, дзе паклалі Яго.
Але ідзеце, накажэце вучням Ягоным і Пятру, што Ён запабегне вас у Галілеі; там Яго ўгледзіце, як Ён сказаў вам.
Але ідзіце, абвясціце Яго вучням і Пётру, што Ён ідзе паперадзе вас у Галілею; там Яго ўбачыце, як вам кажу цяпер».
І выйшаўшы, пабеглі ад магілы; іх апанаваў жах, і нікому нічога не сказалі, бо баяліся.
І выйшаўшы, пабеглі яны, ва ўзрушанні і хваляванні ад магілы, каб абвясціць аб адбыўшымся.
Уваскрэснуўшы рана ў першы дзень тыдня, Ісус зьявіўся спачатку Марыі Магдаліне, зь якое быў выгнаў сем дэманаў.
Пасля ўваскрасення, рана ў першы дзень тыдня, Ён з’явіўся спярша Марыі Магдалене, з якой выгнаў сем дэманаў.
Яна пайшла і абвясьціла тым, што былі зь Ім, што плакалі і галасілі;
Яна пайшоўшы, абвясціла тым, хто бываў з Ім, а цяпер сумавалі і плакалі;
але яны, пачуўшы, што Ён жывы, і яна бачыла Яго, — не паверылі.
І тыя пачуўшы, што Ён жыве і што яна бачыла Яго, — не паверылі.
Пасьля гэтага зьявіўся ў іншым вобразе двум зь іх на дарозе, калі яны ішлі ў селішча.
Пасля ж гэтага паказаўся Ён двум з іх у іншым выглядзе дарогаю, калі яны ішлі ў вёску;
І тыя, вярнуўшыся, абвясьцілі астатнім; але і ім не паверылі.
А тыя, пайшоўшы, абвясцілі астатнім, але і ім не паверылі.
Нарэшце зьявіўся самім адзінаццацём, калі яны ўзьляжалі на вячэры, і дакараў іх за няверства і жорсткасьць сэрца, што не паверылі тым, якія бачылі Яго ўваскрэслага.
Пазней [жа] паказаўся Ён і самім Адзінаццаці, калі яны ўзлягалі [на вячэры] і дакараў за нявер’е іх, і жорсткасьць сэрца, за тое, што бачыўшым Яго ўваскрослым, не паверылі.
І сказаў ім: ідзеце па ўсім сьвеце і абвяшчайце Дабравесьце ўсяму стварэньню.
І сказаў ім: «Ідзіце па ўсім свеце, абвяшчайце Дабравесце кожнаму стварэнню.
Хто будзе верыць і хрысьціцца, выратаваны будзе; а хто ня будзе верыць, асуджаны будзе.
Хто ўверуе і ахрысціцца — будзе выратаваны, а хто не ўверуе — будзе асуджаны.
Тым, што ўверуюць, дадзены будуць гэтыя азнакі: імем Маім будуць выганяць нячыстых, будуць гаварыць новымі мовамі;
Адзнакаю ж тых, хто ўверуюць, будзе такое: Маім Імём будуць яны выганяць дэманаў, будуць гаварыць новымі мовамі,
будуць браць зьмей; і калі што сьмертагубнае вып’юць, не зашкодзіць ім; ускладуць рукі на хворых, і яны будуць здаровыя.
будзе ў іх руках улада над смяротнымі гадамі, і ўсімі ворагамі чалавека, і нішто ліхое не пашкодзіць ім, а на хворых яны ўскладуць рукі для вылечвання іх».
І так Гасподзь, пасьля гутаркі зь імі, узьнёсься на неба і сеў праваруч Бога.
І вось, пасля размовы, адыйшоў Ён ад іх, і пачаў узносіцца ўвысь да Айца Свайго.
А яны пайшлі і прапаведавалі ўсюды, пры Гасподнім садзеяньні і падмацаваньні слова наступнымі азнакамі. Амін.
А тыя, выйшаўшы, абвяшчалі ўсюды аб тым, і Ён дапамагаў ім, і словы іх Ён засведчваў услед знаменнямі!
