Псалтыр 97 псалом
Псалтыр
Пераклад Сабілы і Малахава → Пераклад Язэпа Германовіча
Ягова валадарыць, як Кароль. Хай радуецца зямля. Хай радуюцца шматлікія астравы.
Госпад — валадарыць (царуе): весяліся, зямля; няхай радуецца мноства (безьліч) астравоў!
Хмары і цемра навакол Яго. Справядлівасьць і Суд ёсьць падмурак Пасаду Ягонага.
Хмары і цемра навакол Яго; справядлівасьць і права — падстава пасаду Ягонага.
Агонь ідзе перад Ім і паліць наўкола няпрыяцеляў Ягоных.
Агонь ідзе наперадзе Яго і пажырае наўкол ворагаў Ягоных.
Маланкі Ягоныя асьвятляюць сусьвет. Зямля бачыць і трымціць.
Ягоныя маланкі асьвятляюць сусьвет: зямля бачыць іі здрыгаецца.
Горы, як воск, плавяцца перад Абліччам Яговы, перад Абліччам Госпада ўсёй зямлі.
Горы, як влск, таюць перад Госпадам усяе зямлі.
Нябёсы абвяшчаюць Справядлівасьць Ягоную, і ўсе народы бачаць Славу Ягоную.
Нябёсы абвяшчаюць справядлівасьць Яго і усе народы бачуць славу Яго.
Хай будуць пасаромлены ўсе служкі выразаных выяваў, якія пахваляюцца балванамі. Хай Яму паклоняцца да зямлі ўсе сілы!
Асаромяцца тыя, што ідалам служаць, тыя што хваляцца марнасьцяй; пакланіцеся Яму, ўсе багі, да зямлі!
Сыён чуе і радуецца, і дочкі Юды ўрачыста радуюцца дзеля Судоў Тваіх, Ягова.
Чуе гэта Сыён і цешыцца і веселяцца дочкі Юды (гарады) дзеля судоў тваіх, Госпадзе.
Бо Ты, Ягова, ёсьць Найвышэйшы над усёй зямлёй; Ты ёсьць вельмі ўзвышаны над усімі багамі.
Бо Ты, Госпадзе, над усенькай зямлёй Найвышэйшы, вельмі узьнёсься над усімі багомі.
Вы, хто любіць Ягову, нянавідзьце зло! Ён крые душы сьвятых Сваіх. З рукі бязбожнікаў Ён вызваліць іх.
Бог любіць тых, што зло ненавідзяць: Ён сьцеражэ душы сваіх, із рукі бязбожных вырывае іх.
Праведніку пасеяна Сьвятло, і радасьць для тых, хто шчыры сэрцам.
Сьвятло усходзіць для справядлівага і радась для чалавека шчырага сэрца.
Радуйцеся, (вы) праведныя, у Ягове і вызнавайце ўдзячнасьць Ягонай сьвятой памяці!
Справядлівыя, радуйцеся ў Госпадзе і выслаўляй памяць аб Ім сьвятую. Бог — Цар справядлівы і сьвяты.
