Псалтыр 97 псалом
Псалтыр
Пераклад Яна Станкевіча → Пераклад Язэпа Германовіча
СПАДАР гаспадарствуе; хай зямля цешыцца; хай вяселяцца шмат абтокаў.
Госпад — валадарыць (царуе): весяліся, зямля; няхай радуецца мноства (безьліч) астравоў!
Булак а туман навокал Яго; справядлівасьць а суд подам пасаду Ягонага.
Хмары і цемра навакол Яго; справядлівасьць і права — падстава пасаду Ягонага.
Цяпло йдзець перад Ім і пале навокал варагоў Ягоных.
Агонь ідзе наперадзе Яго і пажырае наўкол ворагаў Ягоных.
Асьвячае маланьня Ягоная сьвет; бачыла а дрыжэла зямля.
Ягоныя маланкі асьвятляюць сусьвет: зямля бачыць іі здрыгаецца.
Горы, як воск, таялі перад відам СПАДАРА, перад відам Спадара ўсяе зямлі.
Горы, як влск, таюць перад Госпадам усяе зямлі.
Агалашайце, нябёсы, справядлівасьць Ягоную, і ўсі люды пабачаць чэсьць Ягоную.
Нябёсы абвяшчаюць справядлівасьць Яго і усе народы бачуць славу Яго.
Хай засаромяцца ўсі, што служаць выразаным, што хваляцца балванамі. Кланяйцеся яму ўсі багі.
Асаромяцца тыя, што ідалам служаць, тыя што хваляцца марнасьцяй; пакланіцеся Яму, ўсе багі, да зямлі!
Пачуў і разьвесяліўся Сыён, і цешыліся дачкі Юдзіны із судоў Тваіх, СПАДАРУ;
Чуе гэта Сыён і цешыцца і веселяцца дочкі Юды (гарады) дзеля судоў тваіх, Госпадзе.
Бо Ты, СПАДАРУ, высокі над усёю зямлёю, надта ўзьняўся над усімі багамі.
Бо Ты, Госпадзе, над усенькай зямлёй Найвышэйшы, вельмі узьнёсься над усімі багомі.
Любячыя СПАДАРА! ненавідзьце ліха. Ён крые душы дабрачэсьлівых Сваіх; з рукі нягодных вывальняе іх.
Бог любіць тых, што зло ненавідзяць: Ён сьцеражэ душы сваіх, із рукі бязбожных вырывае іх.
Сьвятліня насяецца справядліваму й пасьцівым сэрцам — весялосьць.
Сьвятло усходзіць для справядлівага і радась для чалавека шчырага сэрца.
Цешчася ў СПАДАРУ, справядлівыя, і дзякуйце за сьведам’е сьвятасьці Ягонае.
Справядлівыя, радуйцеся ў Госпадзе і выслаўляй памяць аб Ім сьвятую. Бог — Цар справядлівы і сьвяты.
