Псалтыр 41 псалом
Псалтыр
Пераклад Яна Станкевіча → Пераклад Язэпа Германовіча
Дырыґенту хору. Псальма Давідава.
Кіраўніку хору. Псальм Давідавы.
Шчасьлівы добрага розуму празь бедных! у дзень бяды СПАДАР прычыніцца да ўцекаў яго.
Багаслаўлёны, хто зважае на беднага і мізэрнага: у дзень няшчасьця Госпад выбавіць яго.
СПАДАР абароне яго, ажыве яго, і будзе ён шчасьлівы на зямлі. Ты не аддасі яго на волю непрыяцеляў ягоных.
Няхай Госпад яго сьцеражэ і дае яму жыцьцё і шчасьце на зямлі.(б) О, (Госпад), не дасьць яго ў лютасьць ворагаў ягоных!
СПАДАР паддзяржыць яго на ложку хваробы ягонае. Усю пасьцелю ягоную Ты перасьцелеш у хваробе ягонай.
Госпад яго ўзмацуе на ложы нядужным: “Ты зусім адменіш пасьцель у хваробе яго.”
Я сказаў: «СПАДАРУ, зьмілуйся над імною, уздараві душу маю, бо я ізграшыў супроці Цябе!»
Я сказаў: “Госпадзе, будзь мне міласэрны! аздараві душу маю, бо я саграшыў супраць Цябе”.
Варагі мае кажуць на мяне ліха: «Як ён памрэць, дык загіне імя ягонае».
Мае ворагі абмаўляюць мяне і кажуць: “Калі ж ён памрэ і шчэзьне імя яго?”.
І калі хто давядаецца да мяне, ён пустое гукае; сэрца ягонае зьбірае да сябе крыўду; выходзе вонкі, каб гукаць.
А хто наведвае мяне, гаворыць пустое: сэрца ягонае — поўнае злосьці, а за вочы зьневажае мяне.
Разам супроці мяне шэпчуцца ўсі злосьнікі мае, думаюць ліха празь мяне.
У зайздрасьці ўсе ненавісьнікі шэпчуць супраць мяне: выдумліваюць на мяне ліхое — шкоднае мне.
Яны кажуць: «Слова веляла цісьне яго; як ён лёг, наперад ня ўстане».
(Кажуць): “Пякельная пошасьць пала на яго, калі заляжа, дык не паўстаць яму болей!”.
Нават людзіна супакою майго, на каторую я здаваўся, каторая есьць хлеб мой, падняла на мяне пяту.
Нават і прыяцель, якому я давяраў, які еў мой хлеб, падняў пяту на мяне.
Але Ты, СПАДАРУ, зьмілуйся над імною і ўзьнімі мяне, каб я мог адплаціць ім.
Але Ты, Госпадзе, зжалься нада мною і падыймі мяне, каб я ім, такім людзям, аддзячыў.
З таго я пазнаю, што Ты зычлівы да мяне, калі мой непрыяцель ня будзе гукаць із радасьці.
І з таго я ведаць буду, што Ты мне прыхільны, калі мой вораг ня будзе больш мець перамогі нада мною.
Але — у нявіннасьці маёй Ты мяне паддзержуеш і пастановіш мяне ў прытомнасьці Сваёй на векі.
І я, якога Ты падтрымаў, астануся незакрануты і Ты мяне паставіш перад сваім Абліччам навекі.
Дабраславёны СПАДАР, Бог Ізраеляў, ад веку а да векаў! Амін а амін!
Будзь пахвалены, Госпадзе Божа Ізраіля, ад веку і аж навекі! Аман, аман!
