Еклесиастес 9 Еклесиастес 9 разьдзел

² Про то иже вси речи заровно ся пригожають справедливому и несправедливому, доброму и злому, чистому и нечистому.

Тому он же приносить жертвы, и тому он же гордить посвящеными жертвами.

Яко праведник, тако и грешник, яко кривоприсяжник, тако и правдумолвный.

³ То ест найгоршее межи всеми речми, еже бывають под солнцем, иже тые ж речи всем пригожатся.

И сего ради сердца сынов людьскых наполнена бывають злостию и гордостию за живота своего, и потом до ада низходять.

⁴ Жадного несть, он же бы всегда жив был, и ни того, он же бы в таковой речи надежу могл имети.

Лепший ест пес живый, нежели лев мертвый.

⁵ Понеже тии, они же живи суть, ведять, иже имають умерти, мертвии же ничего более не ведят, и ни имуть к тому мзды, яко во запомянение дана ест паметь их.

⁶ Любовь теже и зависть, и ненависть вкупе загинуть, и ни же имают части в том свете, и в делех еже ся деють под солнцем.

⁷ Сего для иди а еж во веселии хлеба свои, и пий с радостию вино твое, понеже любятся богу дела твоя.

⁸ По вся часы да будуть белы ризы твоя, и олей з главы твоея да не исходит.

⁹ Поживай утешения с женою твоею, юже милуеш, по всея дни живота неуставичнаго твоего.

Еже даны суть тобе под солнцем, во все время суеты твоея.

То ест во истиыну доля твоя в животе твоем, и во тружании, иже трудишся под солнцем.

¹⁰ Что коли можеть рука твоя, уставичне делай.

Понеже а ни дело, а ни розум, а ни умение, а ни мудрость будет во исходящих во ад, где же ты идеши со хватанием.

¹¹ Обратился есми ко иному и увидел есм, ано не ест бег скорых и ни бой силных, а ни мудрых людей хлеб, и ни ученых богатество, и ни мастеров похвала, но едино час и пригода во всих речах.

¹² Не известь человек конца своего, но яко рыба удою и птици силом хватаны бывают, тако имамы бывают люди часом злым, внегда на них нагле приидет.

¹³ Тую теже видел есми под солнцем мудрость, искусил есм, иже ест наивышшая.

¹⁴ Град малый и мало мужей в нем, и пришол ест к нему царь силный и облегл и, и наделал около его валов всюду, и доканано ест обляжение.

¹⁵ И знайден ест в том граде муж мудрый, а убогый, и избавил ест град той мудростию своею, и никто же потом не вспомянул ест на человека того убогаго.

¹⁶ И аз глаголал, иже лепшая ест мудрость, нежели сила.

И яко ж тогда мудрость убогаго оповержена ест, и слова его не суть услышаны.

¹⁷ Слов мудрых людей послухай с молчанием, болей нежели крику князя межи безумными.

¹⁸ Лепшая ест мудрость нежели оружия военная.

И кто в едином грешить, сей много добраго потратить.