Новы Запавет / пераклад Рыма-Каталіцкага Касцёла

«НОВЫ ЗАПАВЕТ»
АФІЦЫЙНАЕ РЫМА-КАТАЛІЦКАЕ ВЫДАННЕ

Пераклад кніг Новага Запавету здзейснены Секцыяй па перакладзе літургічных тэкстаў і афіцыйных дакументаў Касцёла Камісіі Божага Культу і Дысцыпліны Сакрамэнтаў пры Канферэнцыі Каталіцкіх Біскупаў у Беларусі.

Падставай для перакладу паслужылі самыя новыя крытычныя выданні: Novum Testamentum Graece (ed. B. Aland et K. Aland, J. Karavidopoulos, C. Martini, B. Metzger, Stuttgart 1993²⁷), Novum Testamentum Graece (ed. B. Aland et K. Aland, J. Karavidopoulos, C. Martini, B. Metzger, Stuttgart 2012²⁸).

Секцыя па перакладзе ставіла перад сабой мэту стварыць дакладны пераклад зместу біблійных кніг на сучаснай і камунікатыўнай беларускай мове. Пры гэтым у перакладзе паслядоўна трымалася прынятай у Касцёле тэалагічнай тэрміналогіі. Для захавання гістарычнага кантэксту і калі гэта было неабходна з тэалагічнага пункту гледжання, некаторыя габрэйскія, арамейскія і грэцкія словы перадаваліся ў іх арыгінальным гучанні, але ў кірылічным запісе.

Адметнай рысай беларускіх біблійных перакладаў з’яўляецца канфесійнасць. Розныя хрысціянскія вызнанні рыхтуюць свае пераклады Бібліі, паколькі маюць свой падыход да перакладу, сваю тэрміналогію і рэлігійную лексіку. З даследавання працэсу фарміравання розных перакладчыцкіх падыходаў да біблійнага тэксту вынікае, што на Беларусі існуюць дзве моцныя перакладчыцкія традыцыі — Slavia Latina i Slavia Ortodoxa (заходняя i ўсходняя традыцыя), што з’яўляецца своеасаблівым культурным і духоўным багаццем нашага народа.

Умовы карыстання:

• Тэкст нельга змяняць або мадыфікаваць ні ў якой форме і ні якім фармаце.
• Тэкст нельга прадаваць ці перадаваць для продажу ні ў якой форме.
• Тэкст не можа выкарыстоўвацца ў камэрцыйных мэтах.
• Тэкст нельга перадрукоўваць без папярэдняга дазволу.
• Тэкст можа быць распаўсюджаны ў нязмененым выглядзе без папярэдняга дазволу ў лічбавай форме для некамэрцыйнага ўжытку.
• Тэкст не з’яўляецца грамадскай уласнасцю.
• Праваўладальнік: Канферэнцыя Каталіцкіх Біскупаў у Беларусі.

За інфармацыяй пра дадатковыя правы і дазвол на выкарыстанне тэксту звяртацца да Секцыі па перакладзе (e-mail: liturgiaminsk@gmail.com).