Да Эфесцаў 1 Пасланне да Эфесцаў 1 разьдзел

Прывітанне

¹ Павел, з волі Божай апостал Езуса Хрыста, святым, што ў Эфесе, і верным у Хрысце Езусе:

² ласка вам і спакой ад Бога, Айца нашага, і Пана Езуса Хрыста.

⁴ і выбраў нас у Ім перад стварэннем свету, каб мы былі святымі і беззаганнымі перад Ім у любові.

⁵ Ён прадвызначыў нас для ўсынаўлення праз Езуса Хрыста, паводле ўпадабання сваёй волі,

⁶ дзеля хвалы сваёй праслаўленай ласкі, якою Ён адарыў нас ва Умілаваным.

⁷ У Ім мы маем адкупленне Ягонаю крывёю, дараванне правінаў паводле багацця ласкі Ягонай,

⁸ якою шчодра адарыў нас ва ўсялякай мудрасці і разуменні,

⁹ дазволіўшы нам пазнаць таямніцу сваёй волі, паводле свайго ўпадабання, якое раней паклаў у Ім

¹⁰ для спаўнення паўнаты часу, каб аднавіць усё ў Хрысце: тое, што на нябёсах і на зямлі.

¹² каб мы, якія раней спадзяваліся на Хрыста, былі для хвалы Ягонай славы.

¹³ У Ім і вы, калі пачулі слова праўды, Евангелле пра збаўленне вашае, і паверылі, былі пазначаныя пячаццю абяцанага Духа Святога,

¹⁴ які ёсць задаткам нашай спадчыны дзеля адкуплення Ягонага набытку, для хвалы Ягонай велічы.

¹⁶ не перастаю дзякаваць за вас, успамінаючы вас у сваіх малітвах,

¹⁷ каб Бог Пана нашага Езуса Хрыста, Айцец славы, даў вам Духа мудрасці і адкрыцця ў пазнанні Яго

¹⁸ і прасвятліў вочы сэрца вашага, каб вы ведалі, у чым надзея паклікання Ягонага, якое багацце слаўнай спадчыны Ягонай для святых

¹⁹ і якая нязмерная веліч моцы Ягонай у нас, веруючых праз дзеянне магутнай сілы Ягонай,

²⁰ якую Ён выявіў у Хрысце, калі ўваскрасіў Яго і пасадзіў праваруч сябе на нябёсах,

²¹ вышэй за ўсялякае княжанне, і ўладу, і сілу, і панаванне, і за ўсялякае імя, якое называецца не толькі ў гэтым веку, але і ў будучым.

²² Усё паклаў пад ногі Ягоныя і паставіў Яго па-над усім галавою Касцёла,

²³ які ёсць целам Ягоным, паўнатою таго, хто напаўняе ўсё ва ўсім.