Да Галатаў 6 Пасланне да Галатаў 6 разьдзел

Належнае стаўленне да сябе і іншых

¹ Браты, калі б і правініўся чалавек у нечым, вы, што трываеце ў Духу, настаўляйце яго з далікатнасцю, зважаючы на саміх сябе, каб і самім не ўпасці.

² Насіце цяжары адзін аднаго і так выканаеце закон Хрыстовы.

³ Калі хто думае, што ён лепшы, а не з’яўляецца такім, той ашуквае самога сябе.

⁴ Няхай кожны ацэньвае свае чыны, і тады толькі ў самім сабе будзе мець славу, а не ў іншым.

⁵ Кожны ж панясе свой уласны цяжар.

⁷ Не падманвайце сябе: Бог не дазволіць насміхацца з сябе; бо што чалавек пасее, тое і пажне.

⁸ Хто сее ў сваім целе, той з цела пажне знішчэнне, а хто сее ў Духу, той з Духа пажне вечнае жыццё.

⁹ Не спыняймася рабіць дабро, бо ў свой час і жаць будзем, калі не аслабнем.

¹⁰ Дык вось, пакуль дадзены час, будзем рабіць дабро ўсім, а найбольш — блізкім па веры.

¹² Тыя, што хочуць падабацца вам целам, змушаюць вас да абразання, каб толькі пазбегнуць пераследу за крыж Хрыста.

¹³ А тыя, што абразаюцца, самі не выконваюць Закон, а хочуць вас абрэзаць, каб толькі пахваліцца абразаннем вашага цела.

¹⁴ Няхай мне не давядзецца хваліцца нічым, акрамя крыжа Пана нашага Езуса Хрыста, праз якога свет укрыжаваны для мяне, а я — для свету.

¹⁵ Бо ні абразанне нічога не значыць, ні адсутнасць абразання, але новае стварэнне.

¹⁶ І над усімі, хто будзе паступаць паводле гэтага правіла, — спакой і міласэрнасць, а таксама над Ізраэлем Божым.