Выслоўяў Саламонавых 2 разьдзел
Кніга выслоўяў Саламонавых
Пераклад Антонія Бокуна → Пераклад Васіля Сёмухі
Сыне мой, калі ты прыймеш словы мае і захаваеш у сябе прыказаньні мае,
Сыне мой, калі ты прымеш словы мае і захаваеш пры сабе запаведзі мае,
прыхіляючы вуха тваё да мудрасьці і схіляючы сэрца тваё да разважлівасьці,
і вуха сваё прыхіліш да мудрасьці і прытуліш сэрца тваё да разважлівасьці,
калі вось клікаць будзеш розум і голас твой уздымеш, заклікаючы развагу,
калі будзеш клікаць да ведаў і зьвяртацца да розуму;
калі шукаць яе будзеш як срэбра, і прагнуць яе будзеш як багацьця,
калі будзеш шукаць яго, нібы срэбра, і знаходзіць яго, нібы скарб:
тады зразумееш страх перад ГОСПАДАМ і знойдзеш пазнаньне Бога.
тады ўразумееш страх Гасподні і знойдзеш спазнаньне Бога.
Бо ГОСПАД дае мудрасьць, і з вуснаў Ягоных — веданьне і разуменьне.
Бо Гасподзь дае мудрасьць; і з вуснаў Яго — веды і розум;
Ён захоўвае цьвярозы розум правым, Ён — шчыт для тых, якія ходзяць беззаганна.
Ён дае праведным выратаваньне; Ён — шчыт тым, што ў беззаганнасьці ходзяць.
Ён пільнуе сьцежкі правасудзьдзя, захоўвае шляхі багабойных Сваіх.
Ён ахоўвае дарогу праўды і асланяе сьцежку сьвятых Сваіх.
Тады зразумееш праведнасьць, суд і справядлівасьць, і кожны шлях добры,
Тады ты зразумееш справядлівасьць і права і шчырасьць, усялякую сьцежку дабра.
калі ўвойдзе мудрасьць у сэрца тваё, і веданьне ўсьцешыць душу тваю.
Калі мудрасьць увойдзе ў сэрца тваё, і веды будуць прыемныя душы тваёй:
Разважлівасьць будзе пільнаваць цябе, і розум будзе захоўваць цябе,
тады разважлівасьць будзе берагчы цябе, розум будзе ахоўваць цябе,
каб выратаваць цябе ад шляху ліхога і ад чалавека, які гаворыць хлусьліва,
каб адвесьці цябе ад дарогі ліхое, ад чалавека, які гаворыць няпраўду,
ад тых, якія пакідаюць шлях просты, каб хадзіць сьцежкамі цемры,
ад тых, што пакідаюць дарогі простыя, каб хадзілі дарогамі цемры;
якія цешацца, робячы злое, і радуюцца з ліхіх учынкаў,
ад тых, што радуюцца, робячы ліхое, захапляюцца ліхою распустай,
у якіх шляхі крывыя і якія блукаюцца на сьцежках сваіх,
у якіх дарогі крывыя і якія блукаюць па сьцежках сваіх;
каб выратаваць цябе ад чужой жанчыны і ад чужаніцы, што гаворыць лісьліва,
каб уратаваць цябе ад жонкі другога, чужой, якая злагоджвае словы свае,
якая пакінула сябра маладосьці сваёй і забылася на запавет Бога свайго.
якая пакінула сябра маладосьці сваёй і занядбала запаведзь Бога свайго.
Бо дом яе нахіліўся да сьмерці, і шлях ейны — да мёртвых;
Дом яе вядзе да сьмерці, і сьцежкі яе — да мёртвых;
усе, хто да яе ўваходзяць, назад не вяртаюцца і не знаходзяць сьцежак жыцьця.
ніхто, увайшоўшы да яе, не вяртаецца і ня ступае на дарогу жыцьця.
Дык хадзі ж ты шляхам добрых і трымайся сьцежкі праведнікаў,
Таму хадзі дарогаю добрых і трымайся сьцежкі праведнікаў,
бо правыя будуць жыць на зямлі, і беззаганныя застануцца на ёй.
бо праведныя будуць жыць на зямлі, і беспахібныя застануцца на ёй;
А бязбожныя будуць вынішчаны з зямлі, ліхадзеі будуць выкарэнены з яе.
а бязбожныя будуць вынішчаны зь зямлі, і няверныя выкарчаваны зь яе.
