Ісуса сына Нава 12 разьдзел

 

 

Вось валадары той зямлі, якіх забілі сыны Ізраіля і завалодалі зямлёю іхняй за Ярданам, на ўсход сонца, ад ручая Арнон аж да гары Гермон, разам з усёй Арабай на ўсходзе.

 

Вось цары той зямлі, якіх пабілі сыны Ізраілевыя і зямлю якіх узялі ў спадчыну па той бок Ярдана на ўсход сонца, ад патока Арнона да гары Эрмона, і ўсю раўніну на ўсход:

Сыгон, валадар Амарэйцаў, які жыў у Хешбоне і валодаў паловай Гілеаду ад Араэру, што на беразе ручая Арнон, ад сярэдзіны даліны аж да ручая Ябок, мяжы сыноў Амона,

 

Сігон, цар Амарэйскі, які жыў у Эсэвоне і валодаў ад Араера, што каля берага патока Арнона, і ад сярэдзіны патока палавінаю Галаада, да патока Явока, мяжы Аманіцянаў,

а на ўсходзе праз Арабу аж да мора Кінэрэт і мора Арабы або Мора Салёнага, у напрамку Бэт-Гаешымоту, і далей на поўдзень да падножжа Пісгі.

 

і раўнінаю да самага мора Хінэрэцкага на ўсход і да мора раўніны, мора Салёнага, на ўсход па дарозе да Бэт-Эшымота, а на поўдзень мясьцінамі каля падножжа Фасгі.

Пасьля Ог, валадар Башану, апошні з Рэфаімаў, які жыў у Аштароце і ў Эдрэі,

 

Сумежны Ог, цар Васанскі, апошні з Рэфаімаў, які жыў у Астароце і ў Эдрэі,

і панаваў у гарах Гермону, і ў Сальсе, а таксама над усім Башанам аж да мяжы з Гешурам і Маахай, і над паловай Гілеаду, аж да мяжы Сыгона, валадара Хешбону.

 

і валодаў гарою Эрмонам і Салхою, і ўсім Васанам, да мяжы Гесурскай і Маахскай, і палавінаю Галаада, да мяжы Сігона, цара Эсэвонскага.

Майсей, слуга ГОСПАДА, і сыны Ізраіля забілі іх. І аддаў зямлю іхнюю Майсей на пасяленьне [сынам] Рубэна і Гада, і палове калена Манасы.

 

Майсей, раб Гасподні, і сыны Ізраілевыя забілі іх; і даў яе Майсей, раб Гасподні, у спадчыну племю Рувімаваму, і Гадаваму і палавіне племя Манасіінага.

А вось валадары зямлі, якіх забіў Егошуа і сыны Ізраіля за Ярданам на захад, ад Баал-Гаду ў даліне Лібану аж да гары Халак, якая падымаецца да Сэіру, якую аддаў Егошуа на ўласнасьць каленам Ізраіля, адпаведна да іх падзелу,

 

І вось цары зямлі, якіх пабіў Ісус і сыны Ізраілевыя па гэты бок Ярдана на захад, ад Ваал-Гада ў даліне Ліванскай да Халака, гары, што прасьціраецца да Сэіра, якую аддаў Ісус плямёнам Ізраілевым у спадчыну, пасьля падзелу іх,

на гары і ў Шэфэлі, у Арабе і на схілах гары, у стэпе і ў Нэгеве, зямлю Хетаў, Амарэйцаў, Хананейцаў, Пэрэзэяў, Хівеяў і Евусэяў:

 

на гары, на нізінных мясьцінах, на раўніне, на мясьцінах каля гор, і ў пустыні і на поўдні, Хэтэяў, Амарэяў, Хананэяў, Фэрэзэяў, Эвэяў і Евусэяў:

валадар Ерыхону — адзін, валадар Гаю, што побач Бэтэлю — адзін;

 

адзін цар Ерыхона, адзін цар Гая, што каля Вэтыля,

валадар Ерусаліму — адзін, валадар Хеўрону — адзін,

 

адзін цар Ерусаліма, адзін цар Хэўрона,

валадар Ярмуту — адзін, валадар Ляхішу — адзін,

 

адзін цар Ярмута, адзін цар Лахіса,

валадар Эглёну — адзін, валадар Гезэру — адзін,

 

адзін цар Эглона, адзін цар Газэра,

валадар Дэбіру — адзін, валадар Гедэру — адзін,

 

адзін цар Давіра, адзін цар Гадэра,

валадар Хармы — адзін, валадар Араду — адзін,

 

адзін цар Хормы, адзін цар Арада,

валадар Лібны — адзін, валадар Адуляму — адзін,

 

адзін цар Ліўны, адзін цар Адалама,

валадар Македы — адзін, валадар Бэтэлю — адзін,

 

адзін цар Македа, адзін цар Вэтыля,

валадар Тапуаху — адзін, валадар Хэфэру — адзін,

 

адзін цар Тапуаха, адзін цар Хэфэра,

валадар Афэку — адзін, валадар Лашарону — адзін,

 

адзін цар Афэка, адзін цар Шарона,

валадар Мадону — адзін, валадар Хацору — адзін,

 

адзін цар Мадона, адзін цар Асора,

валадар Шымрону — адзін, валадар Ахшафу — адзін,

 

адзін цар Шымрон-Мэрона, адзін цар Ахсафа,

валадар Таанаху — адзін, валадар Мэгіддо — адзін,

 

адзін цар Таанаха, адзін цар Мэгідона,

валадар Кадэшу — адзін, валадар Ёкнэаму, што каля Кармэлю — адзін,

 

адзін цар Кедэса, адзін цар Ёкнэама каля Кармілы,

валадар Дору з узвышшаў Дор — адзін, валадар паганаў з Гільгалу — адзін,

 

адзін цар Дора каля Нафат-Дора, адзін цар Гаіма ў Галгале,

валадар Тырцы — адзін; усіх валадароў — трыццаць адзін.

 

адзін цар Тырцы. Усіх цароў трыццаць адзін.