Ісуса сына Нава 15 разьдзел

 

 

Пакаленьне сыноў Юды жэрабям атрымала [спадчыну] паводле сем’яў сваіх: да мяжы Эдому, да пустыні Сін, насупраць Нэгеву на поўдзень аж да канца паўднёвага.

 

Жэрабя племю сыноў Юдавых, паводле родаў іхніх, выпала такое: сумежна зь Ідумэяю была пустыня Сін, на поўдзень, пры канцы Тэмана;

Іх мяжа паўднёвая ішла ад канца Мора Салёнага, ад паўднёвай затокі,

 

паўднёвай мяжою іх быў край мора Салёнага ад затокі, якая прасьціралася на поўдзень;

і кіравалася далей на поўдзень ад Маале-Акрабіму, і праходзіла праз Сін, і ўзыходзіла на поўдзень да Кадэш-Барнэа, і ішла да Хецрону, і ўзыходзіла да Адару, і паварочвала да Карка,

 

на поўдні ідзе яна да ўзвышша Акравімскага, праходзіць Цын і, падымаючыся з паўднёвага боку да Кадэс-Варны, праходзіць Хецрон і, падымаючыся да Адара, паварочвае ў Каркаі,

і пераходзіла да Ацмону, і даходзіла да ручая Эгіпецкага, і спынялася на беразе мора. Такая была іх мяжа паўднёвая.

 

потым праходзіць Ацмон, ідзе да патоку Егіпецкага, так што канец гэтай мяжы ёсьць мора. Гэта будзе ваша паўднёвая мяжа.

Мяжа ўсходняя — Мора Салёнае аж да вусьця Ярдану. Мяжа ад поўначы пачыналася ад затокі мора каля вусьця Ярдану,

 

А мяжою на ўсход мора Салёнае, да ўтоку Ярдана; а мяжа з паўночнага боку ад затокі мора, ад утоку Ярдана;

і ўзьнімалася да Бэт-Хоглі, і праходзіла на поўначы да Бэт-Арабы, і ўзьнімалася мяжа да Эвэн-Баган-Бэн-Рэўбэн.

 

адсюль мяжа падымаецца да Бэт-Хоглы і праходзіць з паўночнага боку да Бэт-Аравы, і ідзе мяжа ўгору да каменя Багана, сына Рувімавага;

І ўзьнімалася мяжа да Дэбіру ад даліны Ахор і заварочвала на поўнач да Гільгалу, які насупраць Маале-Адумім, што на поўдзень ад ручая; і ішла мяжа да Мэ-Эн-Шэмэшу, і сканчвалася пры Эн-Рагелі.

 

потым падымаецца мяжа да Давіра ад даліны Ахор і на поўначы паварочвае да Галгала, які насупраць узвышша Адуміма, што з паўднёвага боку патока; адсюль мяжа праходзіць да водаў Эн-Шэмэша і канчаецца каля Эн-Рагела;

І ўзьнімалася мяжа лагчынай Бэн-Гінном паўднёвым схілам гор Евусэяў, значыць праз Ерусалім, і ўзыходзіла на верх гары, якая насупраць лагчыны Гінном ад захаду і на скраю паўночным лагчыны Рэфаім.

 

адсюль мяжа ідзе ўгору да даліны сына Эномавага з паўднёвага боку Евуса, які ёсьць Ерусалім, і падымаецца мяжа на вяршыню гары, якая на захад насупраць даліны Эномавай, якая на краі даліны Рэфаімаў на поўнач;

З вяршыні гары заварочвала мяжа да крыніцы Мэ-Нэфтаах і вяла да гарадоў гары Эфрон, і заварочвала мяжа да Баалы або Кірыят-Ярыму.

 

ад вяршыні гары мяжа паварочвае да крыніцы водаў Нэфтоах і ідзе да гарадоў гары Эфрона, і паварочвае мяжа да Ваала, які ёсьць Кірыят-Ярым;

З Баалы мяжа ішла на захад да гары Сэір і праходзіла праз паўночны схіл гары Ярым, значыць Кесалён, і зыходзіла да Бэт-Шэмэшу, і пераходзіла праз Тымну.

 

потым паварочвае мяжа ад Ваала да мора, да гары Сэіра, і ідзе паўночным схілам гары Еарым, якая ёсьць Кесалон, і, сыходзячы да Вэтсаміса, праходзіць праз Тымну;

І даходзіла мяжа да паўночнага схілу Экрону, і заварочвала да Шыкарону, і пераходзіла праз гару Баалы, і набліжалася да Ябнээля, і спынялася на беразе мора.

 

адсюль мяжа ідзе паўночным бокам Экрона, і паварочвае мяжа да Шыкарона, праходзіць праз гару Ваал і даходзіць да Яўнэіла, і канчаецца мяжа каля мора. Заходнюю мяжу ўтварае вялікае мора.

Мяжой заходняй было Мора Вялікае з узьбярэжжам сваім. Гэта мяжа сыноў Юды наўкола паводле сем’яў іхніх.

 

Вось мяжа сыноў Юдавых з родамі іхнімі з усіх бакоў.

Халеў, сын Ефунны, атрымаў частку між сыноў Юды паводле [слова] з вуснаў ГОСПАДА да Егошуа, — Кірыят-Арбу, бацьку Анака, значыць Хеўрон.

 

І Халеву, сыну Ефаніінаму даў частку сярод сыноў Юдавых, як загадаў Гасподзь Ісусу: Кірыят-Арбы, бацькі Энакавага, інакш Хэўрон.

Адтуль Халеў выгнаў трох сыноў Анака: Шэшая, Ахімана і Тальмая з роду Анака.

 

І выгнаў адтуль Халеў трох сыноў Энакавых: Шэшая, Ахімана і Талмая, дзяцей Энакавых.

Адтуль ён вырушыў супраць жыхароў Дэбіру, а Дэбір раней называўся Кірыят-Сэфэр.

 

Адсюль Халеў пайшоў супроць жыхароў Давіра.

І сказаў Халеў: «Таму, хто здабудзе Кірыят-Сэфэр і захопіць яго, я дам Ахсу, дачку маю, за жонку».

 

І сказаў Халеў: хто разаб’е Кірыят-Сэтэр і возьме яго, таму аддам Ахсу, дачку маю, за жонку.

І здабыў яго Атніэль, сын Кеназа, брата Халева, і [Халеў] даў яму Ахсу, дачку сваю, за жонку.

 

І ўзяў яго Гатанііл сын Кеназа, брата Халевавага, і аддаў ён за жонку яму Ахсу, дачку сваю.

І сталася, што яна прыйшла, і намовіла [мужа], каб той прасіў поля ў бацькі яе. І зьлезла яна з асла, а Халеў сказаў ёй: «Што табе?»

 

І сталася, як яна мела ісьці, дык яна намовіла яго прасіць у бацькі свайго поля. І яна зышла з асла, а Халеў сказаў ёй: што табе?

Яна сказала: «Дай мне дабраславенства. Калі ты даў мне зямлю Нэгеў, дай мне крыніцы водаў». І даў ёй [Халеў] крыніцы верхнія і нізавыя.

 

Яна сказала: дай мне дабраславеньне: ты даў мне зямлю паўднёвую, дай мне і крыніцы водаў. І даў ён ёй крыніцы верхнія і крыніцы ніжнія.

Гэта спадчына пакаленьня сыноў Юды паводле сем’яў іхніх.

 

Вось надзел племю сыноў Юдавых, паводле родаў іхніх:

Гарады на скраю пакаленьня сыноў Юды каля мяжы Эдому ў Нэгеве: Кабцээль, Эдэр, Ягур,

 

гарады з краю плямёнаў сыноў Юдавых сумежныя з Ідумэяй на поўдні былі: Каўцэіл, Эдэр і Ягур,

Кіна, Дымона, Адада,

 

Кіна, Дымона, Адада,

Кадэш, Хацор, Ітнан,

 

Кедэс, Асор і Ітнан,

Зіф, Тэлем, Бэалёт,

 

Зіф, Тэлэм і Валот,

Хацор-Хадата, Керыёт-Хецрон, значыць Хацор,

 

Гацор-Кадата, Кірыят, Хэцрон, інакш Гацор,

Амам, Шэма, Малада,

 

Амам, Шэма і Малада,

Хацор-Гадда, Хешмон, Бэт-Пэлет,

 

Хацар-Гада, Хэшмон і Вэт-Палет,

Хецар-Шуал, Бээр-Шэва, Бізыётыя,

 

Хацар-Шуал, Вірсавія і Візіятэя,

Баала, Іім, Эцэм,

 

Ваала, Іім і Ацэм,

Эльталяд, Хесіль, Харма,

 

Элталад, Кесід і Хорма,

Цыклаг, Мадмана, Сансана,

 

Цыклаг, Мадмана і Сансана,

Лебаот, Шыльхім, Аін і Рымон — усіх гарадоў дваццаць дзевяць і вёскі іхнія.

 

Леваот, Шэліхім, Аін і Рымон: усяго дваццаць дзевяць гарадоў зь сёламі.

А ў Шэфэлі: Эштаол, Цора, Ашна,

 

На нізінных мясьцінах: Эштаол, Цора і Ашна,

Занаах, Эн-Ганнім, Тапуах, Энам,

 

Занаах, Эн-Ганім, Тапуах і Гаэнам,

Ярмут, Адулям, Сахо, Азэка,

 

Ярмут, Адалам, Соха і Азэка,

Шаараім, Адытаім, Гедэра і Гедэратаім — усіх гарадоў чатырнаццаць і вёскі іхнія.

 

Шаараім, Адытаім, Гедэра альбо Гедэратаім: чатырнаццаць гарадоў зь іх сёламі.

Цэнан, Хадаша, Мігдаль-Гад,

 

Цэнан, Хадаша, Мігдал-Гад,

Дылеан, Міцпа, Ёктээль,

 

Дылеан, Міцфэ і Ёктэіл,

Ляхіш, Бацкат, Эглён,

 

Лахіс, Вацкат і Эглон,

Каббон, Лахмас, Кітліш,

 

Хабон, Лахмас і Хітліс,

Гедэрот, Бэт-Дагон, Наама, Македа — усіх гарадоў шаснаццаць і вёскі іхнія.

 

Гедэрот, Бэт-Дагон, Наэма і Мэкед: шаснаццаць гарадоў зь іх сёламі.

Лібна, Этэр, Ашан,

 

Ліўна, Этэр і Ашан,

Іфтах, Ашна, Нэсіб,

 

Іфтах, Ашна і Нэцыў,

Кейла, Ахзіб, Марэша — дзевяць гарадоў і вёскі іхнія.

 

Кеіла, Ахзіў і Марэша: дзевяць гарадоў зь іх сёламі.

Экрон з навакольнымі гарадамі і вёскамі.

 

Экрон з залежнымі ад яго і сёламі яго,

І ад Экрону аж да мора — усё, што каля Ашдоду, і вёскі іхнія.

 

і ад Экрона да мора ўсё, што каля Азота, зь сёламі іх,

Ашдод і гарады ягоныя, і вёскі ягоныя, Газа і гарады ейныя, і вёскі ейныя аж да ручая Эгіпецкага і Мора Вялікага, і абшар [вакол].

 

Азот, залежныя ад яго гарады і сёлы яго, Газа, залежныя ад яе гарады і сёлы яе, да самага патока Егіпецкага і вялікага мора, якое ёсьць мяжа.

А ў гарах: Шамір, Яттыр, Сахо,

 

На горах: Шамір, Ятыр і Соха,

Данна, Кірыят-Санна або Дэбір,

 

Дана, Кірыят-Сана, інакш Давір,

Анаў, Эштэмоа, Анім,

 

Анат, Эштэма і Анім,

Гашэн, Халон, Гілё — адзінаццаць гарадоў і вёскі іхнія.

 

Гашэн, Халон і Гіла: адзінаццаць гарадоў зь іх сёламі.

Араб, Дума, Эшан,

 

Араў, Дума і Эшан,

Янім, Бэт-Тапуах, Афэка,

 

Янум, Бэт-Тапуах і Афэка,

Хумта, Кірыят-Арба, значыць Хеўрон, Цыор — дзевяць гарадоў і вёскі іхнія.

 

Хумта, Кірыят-Арбы, інакш Хэўрон, і Цыгор: дзевяць гарадоў зь іх сёламі.

Маон, Кармэль, Зіф, Юта,

 

Маон, Карміл, Зіф і Юта,

Езрээль, Ёкдэам, Занаах,

 

Іўзрээль, Ёкдам і Занаах,

Каін, Гіва і Тымна — дзесяць гарадоў і вёскі іхнія.

 

Каін, Гіва і Тымна: дзесяць гарадоў зь іх сёламі.

Хальхул, Бэт-Цур, Гедор,

 

Халхуд, Бэт-Цур і Гедор,

Маарат, Бэт-Анот і Эльтэкон — шэсьць гарадоў і вёскі іхнія.

 

Маарат, Бэт-Анот і Элтэкон: шэсьць гарадоў зь іх сёламі.

Кірыят-Баал, значыць Кірыят-Ярым і Рабба — два гарады і вёскі іхнія.

 

Кірыят-Ваал, інакш Кірыят-Ярым і Арава: два гарады зь іх сёламі.

У пустыні: Бэт-Араба, Мідын, Сэхаха,

 

У пустыні: Бэт-Арава, Мідын і Сэкаха,

Нібшан, Ір-Гамэлях, Эн- Геды — шэсьць гарадоў і вёскі іхнія.

 

Ніўшан, Ір-Мэлэх і Эн-Геды: шэсьць гарадоў зь іх сёламі.

Сыны Юды не маглі аднак выгнаць Евусэяў, якія жылі ў Ерусаліме, і жывуць Евусэі з сынамі Юды ў Ерусаліме да сёньня.

 

А Евусэяў, жыхароў Ерусаліма, не маглі выгнаць сыны Юдавыя, і таму Евусэі жывуць з сынамі Юды ў Ерусаліме аж да сёньня.