Ісуса сына Нава 15 разьдзел

 

 

І было жэрабя плямені сыноў Юдзіных, па радзімах іхных: сумежнай зь Едомам была пустыня Цыа, на паўдня, ля канца Феману.

 

Жэрабя племю сыноў Юдавых, паводле родаў іхніх, выпала такое: сумежна зь Ідумэяю была пустыня Сін, на поўдзень, пры канцы Тэмана;

І была ў іх паўднявая граніца ад канца мора Салонага, ад затокі, што прасьцягаецца на паўдня.

 

паўднёвай мяжою іх быў край мора Салёнага ад затокі, якая прасьціралася на поўдзень;

І выходзе яна на паўдня на верх Акраўвіму, і праходзе Цын, і ўзыходзе з паўднявога боку к Кадэш-Варна, і праходзе Гэсрон, і, узыходзячы аж да Аддару, паварачае к Каркі,

 

на поўдні ідзе яна да ўзвышша Акравімскага, праходзіць Цын і, падымаючыся з паўднёвага боку да Кадэс-Варны, праходзіць Хецрон і, падымаючыся да Адара, паварочвае ў Каркаі,

І праходзе Ацмон, і ідзець к цур’ю Ягіпецкаму, і было канцом гэтае граніцы мора. Гэта будзе паўднявая ваша граніца.

 

потым праходзіць Ацмон, ідзе да патоку Егіпецкага, так што канец гэтай мяжы ёсьць мора. Гэта будзе ваша паўднёвая мяжа.

І граніцай усходняй мора Салонае, аж да ўтоку Ёрдану; а граніца з паўночнага боку ад затокі мора, ад утоку Ёрдану;

 

А мяжою на ўсход мора Салёнае, да ўтоку Ярдана; а мяжа з паўночнага боку ад затокі мора, ад утоку Ярдана;

І ўзыходзе граніца да Веф-Гоґлы, і праходзе з паўночнапа боку аж да Веф-Арабы, і ўзыходзе граніца ўгару да каменя Богана, сына Рувінавага.

 

адсюль мяжа падымаецца да Бэт-Хоглы і праходзіць з паўночнага боку да Бэт-Аравы, і ідзе мяжа ўгору да каменя Багана, сына Рувімавага;

І ўзыходзе граніца да Дэвіру ад даліны Ахор, і на поўначы паварачае да Ґілґалу, каторы супроці ўзгор’я Адумміму, што ляжыць з паўднявога боку цур’я; і праходзе граніца да водаў Ен-Шэмешу, і былі канцы яе ля Ен-Роґела.

 

потым падымаецца мяжа да Давіра ад даліны Ахор і на поўначы паварочвае да Галгала, які насупраць узвышша Адуміма, што з паўднёвага боку патока; адсюль мяжа праходзіць да водаў Эн-Шэмэша і канчаецца каля Эн-Рагела;

І ўзьнімаецца граніца пераз даліну сына Гінномавага з паўднявога боку Евуса, каторы Ерузалім, і ўзыходзе граніца на верх гары, каторая на захад супроці даліны Гінномавае, каторая на канцы даліны Рэфаімаў на поўнач.

 

адсюль мяжа ідзе ўгору да даліны сына Эномавага з паўднёвага боку Евуса, які ёсьць Ерусалім, і падымаецца мяжа на вяршыню гары, якая на захад насупраць даліны Эномавай, якая на краі даліны Рэфаімаў на поўнач;

І адзначана граніца ад верху гары аж да жарала водаў Нефтоаг, і йдзець аж да местаў гары Ефрону, і адзначаецца граніца да Ваалу, яна ж Кіра-Еарым.

 

ад вяршыні гары мяжа паварочвае да крыніцы водаў Нэфтоах і ідзе да гарадоў гары Эфрона, і паварочвае мяжа да Ваала, які ёсьць Кірыят-Ярым;

І паварачае граніца ад Ваалу к мору да гары Сэіру, і праходзе паўночным бокам гары Еарым, яна ж Кесалон, і, зыходзячы да Веф-Шэмешу, праходзе перад Фімну.

 

потым паварочвае мяжа ад Ваала да мора, да гары Сэіра, і ідзе паўночным схілам гары Еарым, якая ёсьць Кесалон, і, сыходзячы да Вэтсаміса, праходзіць праз Тымну;

І выходзе граніца паўночным бокам Екрону, і значыцца граніца аж да Шыкерону, і праходзе пераз гару Ваал, і выходзе да Яўнеелю. І былі канцы граніцы ля мора.

 

адсюль мяжа ідзе паўночным бокам Экрона, і паварочвае мяжа да Шыкарона, праходзіць праз гару Ваал і даходзіць да Яўнэіла, і канчаецца мяжа каля мора. Заходнюю мяжу ўтварае вялікае мора.

І заходняй граніцаю ё вялікае мора ўздоўж берагу яго. Гэта граніца сыноў Юдзіных навокал із радзімамі іхнымі.

 

Вось мяжа сыноў Юдавых з родамі іхнімі з усіх бакоў.

І Калеву Ефунёнку даў часьць сярод сыноў Юдзіных, подле слова СПАДАРОВАГА Ігошуі: Кіраф-Арбу, айца Енаковага, накш Гэўрон.

 

І Халеву, сыну Ефаніінаму даў частку сярод сыноў Юдавых, як загадаў Гасподзь Ісусу: Кірыят-Арбы, бацькі Энакавага, інакш Хэўрон.

І выгнаў адтуль Калеў трох Еначонкаў: Шэшая, Агімана а Фаммая, дзяцей Енаковых.

 

І выгнаў адтуль Халеў трох сыноў Энакавых: Шэшая, Ахімана і Талмая, дзяцей Энакавых.

І ўзышоў стуль к жыхарам Дэвіру, а імя Дэвіру ўперад Кіраф-Сэфер.

 

Адсюль Халеў пайшоў супроць жыхароў Давіра.

І сказаў Калеў: «Хто зразе Кіра-Сэфер і зваюе яго, таму аддам Ахсу, дачку сваю, за жонку».

 

І сказаў Халеў: хто разаб’е Кірыят-Сэтэр і возьме яго, таму аддам Ахсу, дачку маю, за жонку.

І зваяваў яго Офнель Кеназёнак, братаніч Калеваў, і аддаў ён яму Ахсу, дачку сваю, за жонку.

 

І ўзяў яго Гатанііл сын Кеназа, брата Халевавага, і аддаў ён за жонку яму Ахсу, дачку сваю.

І было, як яна мела йсьці, дык яна намовіла яго прасіць у вайца ейнага поля, і яна ісьсела з асла. І сказаў ёй Калеў: «Чаго табе?»

 

І сталася, як яна мела ісьці, дык яна намовіла яго прасіць у бацькі свайго поля. І яна зышла з асла, а Халеў сказаў ёй: што табе?

І яна сказала: «Дай імне дабраславенства; бо зямлю паўднявую ты імне даў, дык дай жа імне жаролы водаў». І даў ён ёй жаролы вышнія й жаролы дольнія.

 

Яна сказала: дай мне дабраславеньне: ты даў мне зямлю паўднёвую, дай мне і крыніцы водаў. І даў ён ёй крыніцы верхнія і крыніцы ніжнія.

Во спадак плямені сыноў Юдзіных, па радзімах іхных:

 

Вось надзел племю сыноў Юдавых, паводле родаў іхніх:

І месты канцавыя плямені сыноў Юдзіных сумежныя зь Едомам на паўдні былі: Каўцэель а Едэр а Яґур

 

гарады з краю плямёнаў сыноў Юдавых сумежныя з Ідумэяй на поўдні былі: Каўцэіл, Эдэр і Ягур,

А Кіна а Дымона а Адада

 

Кіна, Дымона, Адада,

А Кедэш а Гацор а Іфнан,

 

Кедэс, Асор і Ітнан,

Зыф а Тэлем а Ве-Алоф

 

Зіф, Тэлэм і Валот,

А Гацор-Гадафа а Кіра-Гэцрон, накш Гацор,

 

Гацор-Кадата, Кірыят, Хэцрон, інакш Гацор,

Амам а Шэма а Молада

 

Амам, Шэма і Малада,

А Гацар-Ґадда а Гэшмон а Веф-Пелет

 

Хацар-Гада, Хэшмон і Вэт-Палет,

А Гацар-Шуал, Вееф-Шэва а Візёфа,

 

Хацар-Шуал, Вірсавія і Візіятэя,

Ваала а Ім а Эцэм

 

Ваала, Іім і Ацэм,

А Елталад а Кесыл а Горма

 

Элталад, Кесід і Хорма,

А Цыклаґ а Мадмана а Сансана

 

Цыклаг, Мадмана і Сансана,

А Леваоф а Шэльгім а Аін а Рыммон: усіх дваццаць дзевяць местаў зь іх сёламі.

 

Леваот, Шэліхім, Аін і Рымон: усяго дваццаць дзевяць гарадоў зь сёламі.

На нізіне: Ештаол а Цора а Ашна,

 

На нізінных мясьцінах: Эштаол, Цора і Ашна,

Заноаг, Ен-Ґаннім, Таппуаг а Енам,

 

Занаах, Эн-Ганім, Тапуах і Гаэнам,

Ярмуф, Одолам, Сохо а Азэка,

 

Ярмут, Адалам, Соха і Азэка,

Шаараім, Адыфаім, Ґедэра або Ґедэрофаім: чатырнанцаць местаў зь іх сёламі.

 

Шаараім, Адытаім, Гедэра альбо Гедэратаім: чатырнаццаць гарадоў зь іх сёламі.

Цэнан а Гадаша, Міґдал-Ґад

 

Цэнан, Хадаша, Мігдал-Гад,

А Дылеан а Міцпе а Екфель,

 

Дылеан, Міцфэ і Ёктэіл,

Лахічы а Воцкаф а Еґлон

 

Лахіс, Вацкат і Эглон,

А Хабон а Лагмам а Хіфліс

 

Хабон, Лахмас і Хітліс,

А Ґедэроф, Беф-Даґон, Наама а Макед: шаснанцаць местаў зь іх сёламі.

 

Гедэрот, Бэт-Дагон, Наэма і Мэкед: шаснаццаць гарадоў зь іх сёламі.

Ліўна а Ефер а Ашан,

 

Ліўна, Этэр і Ашан,

Іфтаг а Ашна а Нецыў

 

Іфтах, Ашна і Нэцыў,

А Кеіла, Ахзыўў а Марэша: дзевяць местаў зь іх сёламі.

 

Кеіла, Ахзіў і Марэша: дзевяць гарадоў зь іх сёламі.

Екрон ізь местачкамі й сёламі яго.

 

Экрон з залежнымі ад яго і сёламі яго,

І ад Екрону аж да мора ўсе, ціто каля Ашдоду, ізь сёламі іх.

 

і ад Экрона да мора ўсё, што каля Азота, зь сёламі іх,

Ашдод, местачкі яго а сёлы яго, Ґаза, местачкі яе а сёлы яе, аж да цур’я Ягіпецкага а вялікага мора, каторае граніца.

 

Азот, залежныя ад яго гарады і сёлы яго, Газа, залежныя ад яе гарады і сёлы яе, да самага патока Егіпецкага і вялікага мора, якое ёсьць мяжа.

На гарах: Шамір а Ятыр а Сохо,

 

На горах: Шамір, Ятыр і Соха,

Данна, Кіраф-Санна, накш Дэвір,

 

Дана, Кірыят-Сана, інакш Давір,

Анаў, Ештэмо а Анім

 

Анат, Эштэма і Анім,

А Ґошэн а Голон а Ґіло: адзінанцаць местаў зь іх сёламі.

 

Гашэн, Халон і Гіла: адзінаццаць гарадоў зь іх сёламі.

Араў, Дума а Ешан

 

Араў, Дума і Эшан,

А Янім, Веф-Таппуаг а Афека

 

Янум, Бэт-Тапуах і Афэка,

А Гумта а Кіра-Арба, накш Гэўрон, а Цыор: дзевяць местаў зь іх сёламі.

 

Хумта, Кірыят-Арбы, інакш Хэўрон, і Цыгор: дзевяць гарадоў зь іх сёламі.

Маон, Карміл а Зыф а Юта

 

Маон, Карміл, Зіф і Юта,

А Ізрэель а Екдэам а Заноаг,

 

Іўзрээль, Ёкдам і Занаах,

Каін, Ґівеа а Фімна: дзесяць местаў зь іх сёламі.

 

Каін, Гіва і Тымна: дзесяць гарадоў зь іх сёламі.

Галгул, Веф-Цур а Ґедор,

 

Халхуд, Бэт-Цур і Гедор,

А Маараф а Беф-Аноф а Елтэкон: шэсьць местаў зь іх сёламі.

 

Маарат, Бэт-Анот і Элтэкон: шэсьць гарадоў зь іх сёламі.

Кіраф-Ваал, накш Кіра-Еарым а Раўва: два месты зь іх сёламі.

 

Кірыят-Ваал, інакш Кірыят-Ярым і Арава: два гарады зь іх сёламі.

На пустыні: Веф-Араба, Міддын а Сэкаха,

 

У пустыні: Бэт-Арава, Мідын і Сэкаха,

Ніўшан, Места Солі а Ен-Ґеды: шэсьць местаў ізь сёламі іх.

 

Ніўшан, Ір-Мэлэх і Эн-Геды: шэсьць гарадоў зь іх сёламі.

Але Евусэяў, жыхараў Ерузаліму, не маглі выгнаць сынове Юдзіны, і жывець Евусэй у Ерузаліме аж дагэтуль.

 

А Евусэяў, жыхароў Ерусаліма, не маглі выгнаць сыны Юдавыя, і таму Евусэі жывуць з сынамі Юды ў Ерусаліме аж да сёньня.