Ісуса сына Нава 12 разьдзел

 

 

Вось валадары той зямлі, якіх забілі сыны Ізраіля і завалодалі зямлёю іхняй за Ярданам, на ўсход сонца, ад ручая Арнон аж да гары Гермон, разам з усёй Арабай на ўсходзе.

 

Вось цары, якіх забілі сыны Ізраэля і завалодалі іх зямлёю за Ярданам, на ўсход сонца, ад ручая Арнон аж да гары Гэрмон і з усёй усходняй часткай Арабы.

Сыгон, валадар Амарэйцаў, які жыў у Хешбоне і валодаў паловай Гілеаду ад Араэру, што на беразе ручая Арнон, ад сярэдзіны даліны аж да ручая Ябок, мяжы сыноў Амона,

 

Сэгон, цар амарэяў, які жыў у Хесебоне і ўладарыў ад Араэра, што на беразе ручая Арнон, і ад сярэдзіны даліны і па палову Галаада аж да ручая Ябок, мяжы сыноў Амона;

а на ўсходзе праз Арабу аж да мора Кінэрэт і мора Арабы або Мора Салёнага, у напрамку Бэт-Гаешымоту, і далей на поўдзень да падножжа Пісгі.

 

і ў Арабе аж да мора Кінэрэт на ўсходзе і аж да мора Арабы, гэта значыць мора Салёнага, на ўсходні бок па дарозе, што вядзе ў Бэт-Есімот, і на паўднёвым баку, што ляжыць ля падножжа Пісгі.

Пасьля Ог, валадар Башану, апошні з Рэфаімаў, які жыў у Аштароце і ў Эдрэі,

 

Пасля Ог, цар Басана, апошні з рэфаімаў, які жыў у Астароце і ў Эдраі

і панаваў у гарах Гермону, і ў Сальсе, а таксама над усім Башанам аж да мяжы з Гешурам і Маахай, і над паловай Гілеаду, аж да мяжы Сыгона, валадара Хешбону.

 

і панаваў на гары Гэрмон, і ў межах Сальхі, а таксама ва ўсім Басане аж да межаў Гэсура і Маахі, і над паловай Галаада, аж да межаў Сэгона, цара Хесебона.

Майсей, слуга ГОСПАДА, і сыны Ізраіля забілі іх. І аддаў зямлю іхнюю Майсей на пасяленьне [сынам] Рубэна і Гада, і палове калена Манасы.

 

Майсей, паслугач Госпадаў, і сыны Ізраэля забілі іх; і аддаў зямлю іх Майсей ва ўладанне пакаленням Рубэна і Гада і палове пакалення Манасы.

А вось валадары зямлі, якіх забіў Егошуа і сыны Ізраіля за Ярданам на захад, ад Баал-Гаду ў даліне Лібану аж да гары Халак, якая падымаецца да Сэіру, якую аддаў Егошуа на ўласнасьць каленам Ізраіля, адпаведна да іх падзелу,

 

Гэта цары зямлі, якіх забіў Ешуа і сыны Ізраэля за Ярданам у заходнім баку, ад Баалгада ў даліне Лібана аж да гары Кальв, якая падымаецца да Сэіра, яе аддаў Ешуа ва ўладанне пакаленням Ізраэля, кожнаму — яго частку,

на гары і ў Шэфэлі, у Арабе і на схілах гары, у стэпе і ў Нэгеве, зямлю Хетаў, Амарэйцаў, Хананейцаў, Пэрэзэяў, Хівеяў і Евусэяў:

 

як на гарах, так і ў Сэфэле, у Арабе і на схілах гары, і ў пустыні, і ў Нагэбе; зямлю хетэяў, амарэяў, хананеяў, феразеяў, гівеяў і евусеяў:

валадар Ерыхону — адзін, валадар Гаю, што побач Бэтэлю — адзін;

 

цар Ерыхона — адзін, цар Гая, што на баку Бэтэля, — другі,

валадар Ерусаліму — адзін, валадар Хеўрону — адзін,

 

цар Ерузаліма — трэці, цар Геброна — чацвёрты,

валадар Ярмуту — адзін, валадар Ляхішу — адзін,

 

цар Ярмута — пяты, цар Лахіса — шосты,

валадар Эглёну — адзін, валадар Гезэру — адзін,

 

цар Эглона — сёмы, цар Газэра — восьмы,

валадар Дэбіру — адзін, валадар Гедэру — адзін,

 

цар Дабіра — дзевяты, цар Гадэра — дзесяты,

валадар Хармы — адзін, валадар Араду — адзін,

 

цар Хормы — адзінаццаты, цар Арада — дванаццаты,

валадар Лібны — адзін, валадар Адуляму — адзін,

 

цар Лебны — трынаццаты, цар Адалама — чатырнаццаты,

валадар Македы — адзін, валадар Бэтэлю — адзін,

 

цар Македы — пятнаццаты, цар Бэтэля — шаснаццаты,

валадар Тапуаху — адзін, валадар Хэфэру — адзін,

 

цар Тафуа — семнаццаты, цар Хафэра — васемнаццаты,

валадар Афэку — адзін, валадар Лашарону — адзін,

 

цар Афэка — дзевятнаццаты, цар Сарона — дваццаты,

валадар Мадону — адзін, валадар Хацору — адзін,

 

цар Мадона — дваццаць першы, валадар Асора — дваццаць другі,

валадар Шымрону — адзін, валадар Ахшафу — адзін,

 

цар Сэмрона — дваццаць трэці, цар Ахсафа — дваццаць чацвёрты,

валадар Таанаху — адзін, валадар Мэгіддо — адзін,

 

цар Танаха — дваццаць пяты, цар Магеды — дваццаць шосты,

валадар Кадэшу — адзін, валадар Ёкнэаму, што каля Кармэлю — адзін,

 

цар Кадэса — дваццаць сёмы, цар Екнаама, што каля Кармэля, — дваццаць восьмы,

валадар Дору з узвышшаў Дор — адзін, валадар паганаў з Гільгалу — адзін,

 

цар Дора з узвышшаў Дор — дваццаць дзевяты, цар паганаў з Галгала — трыццаты,

валадар Тырцы — адзін; усіх валадароў — трыццаць адзін.

 

цар Тэрсы — трыццаць першы, усіх цароў — трыццаць адзін.