1 летапісаў 6 разьдзел

Першая кніга летапісаў
Пераклад Чарняўскага 2017 → Пераклад Васіля Сёмухі

 
 

Сыны Леві: Гэрсон, Кагат і Мэрары,
 
Сыны Левія: Гірсон, Каат і Мэрары.

Сыны Кагата: Амрам, Ісаар, Геброн і Азіэль.
 
Сыны Каата: Амрам, Іцгар, Хэўрон і Узііл.

Сыны Амрама: Аарон, Майсей і Мірыям. Сыны Аарона: Надаб, і Абігу, Элеязэр і Ітамар.
 
Дзеці Амрама: Аарон, Майсей і Марыям. Сыны Аарона: Надаў, Авіюд, Элеазар і Ітамар.

Элеязэр быў бацькам Пінхаса, а Пінхас быў бацькам Абісуэ;
 
Элеазар спарадзіў Фінэеса, Фінэес спарадзіў Авішуя;

Абісуэ быў бацькам Бокцы, а Бокцы быў бацькам Озі.
 
Авішуй спарадзіў Букія, Букій спарадзіў Азію;

А Озі быў бацькам Зараі, а Зарая быў бацькам Мэраёта,
 
Азія спарадзіў Зэрахію, Зэрахія спарадзіў Мэраёта;

далей Мэраёт быў бацькам Амарыі, а Амарыя быў бацькам Ахітуба;
 
Мэраёт спарадзіў Амарыю, Амарыя спарадзіў Ахітува;

Ахітуб быў бацькам Садока, Садок быў бацькам Ахімааса.
 
Ахітуў спарадзіў Садока, Садок спарадзіў Ахімааса;

Ахімаас быў бацькам Азарыі, а Азарыя быў бацькам Ёханана.
 
Ахімаас спарадзіў Азарыю, Азарыя спарадзіў Ёанана;

Ёханан быў бацькам Азарыі: ён быў святаром у доме, які пабудаваў Саламон у Ерузаліме.
 
Ёанан спарадзіў Азарыю, — гэта той, які быў сьвятаром у храме, пабудаваным Саламонам у Ерусаліме.

А Азарыя быў бацькам Амарыі, і Амарыя быў бацькам Ахітуба,
 
І спарадзіў Азарыя Амарыю, Амарыя спарадзіў Ахітува;

Ахітуб быў бацькам Садока, і Садок быў бацькам Сэлума;
 
Ахітуў спарадзіў Садока, Садок спарадзіў Сэлума;

Сэлум быў бацькам Хэлькіі, а Хэлькія быў бацькам Азарыі.
 
Сэлум спарадзіў Хэлкію, Хэлкія спарадзіў Азарыю;

Азарыя быў бацькам Сараі, а Сарая быў бацькам Ёсэдэка;
 
Азарыя спарадзіў Сэраю, Сэрая спарадзіў Ёсэдэка.

а Ёсэдэк вылучыўся, калі Госпад Юду і Ерузалім аддаў у няволю праз Набукаданосара.
 
Ёсэдэк пайшоў у палон, калі Гасподзь перасяліў Юдэяў і Ерусалімлян рукою Навухаданосара.

Такім чынам, сыны Леві: Гэрсон, Кагат і Мэрары.
 
Вось сыны Левія: Гірсон, Каат і Мэрары.

І гэта імёны сыноў Гэрсона: Лобні і Сямэй.
 
Вось імёны сыноў Гірсонавых: Ліўні і Шымэй.

Сыны Кагата: Амрам, і Ісаар, і Геброн, і Азіэль.
 
Сыны Каата: Амрам, Іцгар, Хэўрон і Узііл.

Сыны Мэрары: Махалі і Мусі. Гэта ж роды Леві па іх сем’ях.
 
Сыны Мэрары: Махлі і Мушы. Вось нашчадкі Левія па родах іхніх.

Гэрсон, сын яго Лобні, сын яго Ягат, сын яго Зіма,
 
У Гірсона: Ліўні, сын ягоны, Яхаў, сын ягоны; Зіма, сын ягоны.

сын яго Ёах, сын яго Адо, сын яго Зара, сын яго Етра.
 
Ёах, сын ягоны; Ідо, сын ягоны; Зэрах, сын ягоны; Еатрай сын ягоны.

Сыны Кагата: сын яго Амінадаб, сын яго Корэ, сын яго Асір,
 
Сыны Каата: Амінадаў, сын ягоны; Карэй, сын ягоны; Асір, сын ягоны;

сын яго Элькана, сын яго Абіясаф, сын яго Асір,
 
Элкана, сын ягоны; Эвіясаф, сын ягоны; Асір, сын ягоны;

сын яго Тагат, сын яго Урыэль, сын яго Озія, сын яго Саўл.
 
Тахат, сын ягоны; Урыіл, сын ягоны; Узія, сын ягоны; Саўл, сын ягоны.

Сыны Эльканы: Амасай і Ахімот,
 
Сыны Элканы: Амасай і Ахімот.

сын яго Элькана, сын яго Сафай, сын яго Нагат,
 
Элкана, сын ягоны; Цатай, сын ягоны; Нахат, сын ягоны;

сын яго Эліяб, сын яго Ерахам, сын яго Элькана, сын яго Самуэль.
 
Эліяф, сын ягоны; Ерахам, сын ягоны; Элкана, сын ягоны. Самуіл, сын ягоны.

Сыны Самуэля: першародны Ёэль, і другі Абія,
 
Сыны Самуіла: першынец Ёіль, другі Авія.

А сыны Мэрары: Махалі, Лобні, сын яго, і Сямэй, сын яго, Оза, сын яго,
 
Сыны Мэрары: Махлі; Ліўні, сын ягоны; Шымэй, сын ягоны; Уза, сын ягоны;

сын яго Самаа, сын яго Хагія, сын яго Асая.
 
Шыма, сын ягоны; Хагія, сын ягоны; Асая, сын ягоны.

Гэта тыя, каго паставіў Давід на спяванне ў доме Госпада ад таго часу, як памясціў там каўчэг.
 
Вось тыя, якіх Давід паставіў начальнікамі над сьпевакамі ў доме Гасподнім, з часу пастаўленьня ў ім каўчэга.

І былі яны на паслузе спявання перад скініяй палаткі сустрэчы, пакуль не збудаваў Саламон у Ерузаліме дом Госпадаў; а спаўнялі службу сваю па ўстаноўленым парадку.
 
Яны служылі сьпевакамі перад скініяй сходу, пакуль Саламон не пабудаваў дома Гасподняга ў Ерусаліме. І яны станавіліся на службу сваю па статуце сваім.

А вось тыя, хто станавіўся разам з сынамі сваімі. З сыноў Кагата: Геман спявак, сын Ёэля, сына Самуэля,
 
Вось тыя, якія станавіліся з сынамі сваімі: з сыноў Каатавых Эман сьпявак, сын Ёіля, сын Самуіла,

сына Эльканы, сына Ерахама, сына Эліэля, сына Тогу,
 
сын Элканы, сын Ерахама, сын Элііла, сын Тоаха,

сына Суфа, сына Эльканы, сына Магата, сына Амасая,
 
сын Цуфа, сын Элканы, сын Махата, сын Амасая,

сына Эльканы, сына Ёэля, сына Азарыі, сына Сафоніі,
 
сын Элканы, сын Ёіля, сын Азарыі, сын Цэфаніі,

сына Тагата, сына Асіра, сына Абіясафа, сына Корэ,
 
сын Тахата, сын Асіра, сын Авіясафа, сын Карэя,

сына Ісаара, сына Кагата, сына Леві, сына Ізраэля.
 
сын Іцгара, сын Каата, сын Левія, сын Ізраіля;

Дый брат яго Асаф, які стаяў з правага боку яго. Асаф, сын Барахіі, сына Самаа,
 
і брат яго Асаф, які стаяў з правага боку яго, — Асаф, сын Бэрэхіі, сын Шымы,

сына Міхаэля, сына Басаі, сына Мэльхіі,
 
сын Міхаіла, сын Ваасэі, сын Малхіі,

сына Атні, сына Зары, сына Адаі,
 
сын Этнія, сын Зэраха, сын Адаі,

сына Этана, сына Зімы, сына Сямэя,
 
сын Этана, сын Зімы, сын Шымія,

сына Ягата, сына Гэрсона, сына Леві.
 
сын Яхата, сын Гірсона, сын Левія.

Сыны ж Мэрары, іх брата, стаялі з левага боку: Этан, сын Кусі, сына Абдзі, сына Мэлуха,
 
А з сыноў Мэрары, братоў іхніх, — па левы бок: Этан, сын Кішыя, сын Аўдыя, сын Малуха,

сына Гасабіі, сына Амазіі, сына Хэлькіі,
 
сын Хашавіі, сын Амасіі, сын Хэлкіі,

сына Амсі, сына Бані, сына Самэра,
 
сын Амцыя, сын Ванія, сын Шэмэра,

сына Махалі, сына Мусі, сына Мэрары, сына Леві.
 
сын Махлія, сын Мушыя, сын Мэрары, сын Левія.

Таксама браты іх, левіты, якія былі прызначаны да ўсякай службы ў скініі дома Госпадава;
 
Браты іх лявіты прызначаны на розныя службы пры доме Божым;

Аарон жа і сыны яго ўспальвалі на ахвярніку ахвяры цэласпалення і на ахвярніку каджэння дый спаўнялі ўсякую справу святарскую ў месцы найсвяцейшым, каб ачысціць ад грахоў Ізраэль, паводле ўсяго таго, што загадаў Майсей, паслугач Божы.
 
А Аарон і сыны ягоныя палілі на ахвярніку цэласпаленьня і на ахвярніку кадзільным, і ўчынялі ўсякае сьвяшчэнадзейства ў Сьвятым Сьвятых і дзеля ачышчэньня Ізраіля ва ўсім, як наказваў раб Божы Майсей.

А сыны Аарона: Элеязэр — сын яго, Пінхас — сын яго, Абісуэ — сын яго,
 
Вось сыны Аарона: Элеазар, сын ягоны; Фінэес, сын ягоны; Авіюд, сын ягоны;

Бокцы — сын яго, Озі — сын яго, Зарая — сын яго,
 
Букій, сын ягоны; Узій, сын ягоны; Зэрахія, сын ягоны;

Мэраёт — сын яго, Амарыя — сын яго, Ахітуб — сын яго,
 
Мэраёт, сын ягоны; Амарыя, сын ягоны; Ахітуў, сын ягоны;

Садок — сын яго, Ахімаас — сын яго.
 
Садок, сын ягоны; Ахімаас, сын ягоны.

І вось месцы пражывання іх, паводле пасяленняў у вызначаных межах, гэта значыць сыноў Аарона з роду Кагатаў: такое бо выпала ім жэрабя.
 
І вось жытлішчы іхнія па селішчах іхніх у межах іх: сынам Аарона з племені Каатава, бо жэрабя выпала ім,

Дык вось далі ім Геброн у зямлі Юды і ваколіцы яго;
 
далі Хэўрон, у зямлі Юдавай, і прадмесьці яго вакол яго;

палі ж гэтага горада і пасяленні аддалі Калебу, сыну Ефоны.
 
а палі гэтага горада і сёлы яго аддалі Халеву, сыну Ефаніінаму.

Сынам жа Аарона далі горад для сховішча: Геброн і Лебну з іх ваколіцамі,
 
Сынам Аарона далі таксама гарады сховішчаў: Хэўрон і Ліўну зь іх прадмесьцямі, Ятыр і Эштэмоа і прамесьці яго,

Етэр, і таксама Эстэм з ваколіцамі яго, але і Гэлон і Дабір з іх ваколіцамі,
 
і Хілен і прадмесьці яго, Давір і прадмесьці яго,

таксама Асан, і Ету і Бэтсамэс з іх ваколіцамі.
 
і Ашан і прадмесьці яго, Вэтсаміс і прадмесьці яго,

А ад пакалення Бэньяміна: Габаон і Габа з ваколіцамі іх і Алмат з ваколіцамі яго, таксама Анатот з яго ваколіцамі; усіх гарадоў трынаццаць паводле іх родаў.
 
а ад калена Веньямінавага — Геву і прадмесьці яе, і Алэмэт і прадмесьці яго, і Анатот і прадмесьці яго: усіх гарадоў іх у плямёнах іхніх трынаццаць гарадоў.

Сынам жа Кагата, якія засталіся з іх родаў, далі ва ўладанне дзесяць гарадоў з пакалення Эфраіма, і з пакалення Дана і з паловы пакалення Манасы.
 
Астатнім сынам Каата, зь сямейства гэтага калена, дадзена па жэрабі дзесяць гарадоў з надзела палавіны калена Манасіінага.

Затым сынам Гэрсона па іх родах: — з пакалення Ісахара, і з пакалення Асэра, і з пакалення Нэфталі, і з пакалення Манасы ў Басане — трынаццаць гарадоў.
 
Сынам Гірсона па плямёнах іх, ад калена Ісахаравага, і ад калена Асіравага і ад калена Нэфталімавага і ад калена Манасіінага ў Васане дадзена трынаццаць гарадоў.

А сынам Мэрары па родах іх: з пакалення Рубэна, і з пакалення Гада, і з пакалення Забулона па жэрабі далі дванаццаць гарадоў.
 
Сынам Мэрары па плямёнах іх, ад калена Рувімавага, і ад калена Гадавага, і ад калена Завулонавага, дадзена па жэрабі дванаццаць гарадоў.

Сыны Ізраэля далі таксама левітам гарады з іх ваколіцамі;
 
Так далі сыны Ізраілевыя лявітам гарады і прадмесьці іх.

і па жэрабі далі яны з пакалення сыноў Юды і з пакалення сыноў Сімяона ды з пакалення сыноў Бэньяміна гэтыя гарады, якія назвалі іх імёнамі.
 
Далі яны па жэрабі ад калена сыноў Юдавых, і ад калена сыноў Сімяонавых, і ад калена сыноў Веньямінавых тыя гарады, якія яны назвалі па імёнах.

І тыя, хто быў з родаў сыноў Кагата, мелі гарады ў сваіх межах з пакалення Эфраіма.
 
А некаторым плямёнам сыноў Каатавых дадзены былі нарады ад калена Яфрэмавага.

Такім чынам, далі ім гарады для сховішча: Сіхэм з яго ваколіцамі на гары Эфраіма, Газэр з яго ваколіцамі,
 
І далі ім гарады сховішчаў: Сіхэм і прадмесьці яго на гары Яфрэмавай, і Гезэр і прадмесьці яго,

таксама Екмаам з яго ваколіцамі, і падобна Бэтарон;
 
і Ёкмэам і прадмесьці яго,

а таксама і Аялон з яго ваколіцамі і Гет-Рэмон такім жа чынам.
 
і Аялон і прадмесьці яго, і Гат-Рымон і прадмесьці яго,

А з паловы пакалення Манасы: Танах і яго ваколіцы, Іблеам і яго ваколіцы, — тым, відаць, што засталіся ад родаў сыноў Кагата.
 
ад палавіны калена Манасіінага — Анэр і прадмесьці яго, Білэам і прадмесьці яго. Гэта пакаленьню астатніх сыноў Каатавых.

Сынам жа Гэрсона з родаў паловы пакалення Манасы: Галан у Басане з яго ваколіцамі, і Астарот з яго ваколіцамі.
 
Сынам Гірсона ад племені паўкалена Манасіінага далі Галан у Васане і прадмесьці яго, і Аштарот і прадмесьці яго.

З пакалення Ісахара: Кадэс з яго ваколіцамі, і Дабэрэт з яго ваколіцамі,
 
Ад калена Ісахаравага — Кедэс і прадмесьці яго, Даўрат і прадмесьці яго,

таксама Рамот з яго ваколіцамі і Анэм з яго ваколіцамі.
 
і Рамот і прадмесьці яго, і Анэм і прадмесьці яго;

А з пакалення Асэра: Масал з яго ваколіцамі, і падобна Абдон,
 
ад калена Асіравага — Машал і прадмесьці яго, і Аўдон і прадмесьці яго;

таксама Хукок з ваколіцамі яго, і Рагоб з яго ваколіцамі.
 
і Хукок і прадмесьці яго, і Рэхоў і прадмесьці яго;

А ад пакалення Нэфталі: Кадэс у Галілеі і яго ваколіцы, Хамон з яго ваколіцамі і Карыятаім з яго ваколіцамі.
 
ад калена Нэфталімавага — Кедэс у Галілеі і прадмесьці яго, і Хамон і прадмесьці яго, і Кір’ятаім і прадмесьці яго.

А сынам Мэрары, якія засталіся з пакалення Забулона: Рэмон і ваколіцы яго ды Табор з яго ваколіцамі.
 
А астатнім сынам Мэрарыным — ад калена Завулонавага Рымон і прадмесьці яго, Тавор і прадмесьці яго.

Таксама за Ярданам, насупраць Ерыхона, на ўсход ад Ярдана, ад пакалення Рубэна: Басор у пустыні з яго ваколіцамі і Яса з яе ваколіцамі,
 
Па той бок Ярдана, насупраць Ерыхона, на ўсход ад Ярдана, ад калена Рувімавага далі Васор у пустыні і прадмесьці яго, і Яацу і прадмесьці яе,

таксама Кадэмот з яго ваколіцамі і Мэфаат з яго ваколіцамі.
 
і Кедэмот і прадмесьці яго, і Мэфаат і прадмесьці яго;

А таксама і з пакалення Гада: Рамот у Галаадзе з яго ваколіцамі і Маханаім з ваколіцамі яго,
 
ад калена Гадавага — Рамот у Галаадзе і прадмесьці яго,

але і Хесебон з яго ваколіцамі і Язэр з яго ваколіцамі.
 
і Эсэвон і прадмесьці яго.