1 летапісаў 24 разьдзел

Першая кніга летапісаў
Пераклад Чарняўскага 2017 → Пераклад Васіля Сёмухі

 
 

Што да сыноў Аарона — такі іх падзел. Сыны Аарона: Надаб, і Абігу, і Элеязэр, і Ітамар.
 
І вось разьмеркаваньні сыноў Ааронавых: сыны Аарона: Надаў, Авіюд, Элеазар і Ітамар.

А Надаб і Абігу памерлі перад сваім бацькам ды не мелі сыноў; святарства спаўнялі Элеязэр і Ітамар.
 
Надаў і Авіуд памерлі раней за бацьку свайго, а сыноў ня было ў іх, і таму сьвятарылі Элеазар і Ітамар.

І падзяліў іх Давід: сыноў Элеязэра — з Садокам і сыноў Ітамара — з Ахімелехам адпаведна іх чарзе і службе.
 
І разьмеркаваў іх Давід — Садока з сыноў Элеазара, і Ахімэлэха з сыноў Ітамара, па чарзе на службу іх.

І выявілася, што сыноў Элеязэра было намнога больш, чым сыноў Ітамара, дык ён выбраў з іх, гэта значыць з сыноў Элеязэра, шаснаццаць кіраўнікоў родаў, і па родах сыноў Ітамара і сем’ях іх — восем кіраўнікоў родаў.
 
І знайшлося, што паміж сынамі Элеазара ўзначальцаў пакаленьняў больш, чым паміж сынамі Ітамара. І ён разьмеркаваў іх так: з сыноў Элеазара шаснаццаць узначальцаў сямействаў, а з сыноў Ітамара восем.

Затым ён падзяліў абодва роды між сабою жэрабем; таму што было пароўну адных і другіх; і каб кіраўнікі святыні і кіраўнікі Божыя былі як з сыноў Элеязэра, так і з сыноў Ітамара.
 
А разьмяркоўваць іх па жэрабях, бо галоўнымі ў сьвятыні і галоўнымі прад Богам былі з сыноў Элеазара і з сыноў Ітамара,

І Сямэя, сын Натанаэля, пісар паміж левітаў, перапісаў іх перад царом, і кіраўнікоў, і святара Садока, і Ахімэлеха, сына Абіятара, кіраўнікоў родаў святарскіх і левітаў: адзін род за Элеязэра, і другі — за Ітамара.
 
і запісваў іх Шэмая, сын Натанаіла, пісец зь лявітаў, перад абліччам цара і князёў і перад сьвятаром Садокам і Ахімэлэхам, сынам Авіятара, і перад узначальцамі сямействаў сьвятарскіх і лявіцкіх: бралі пры кіданьні жэрабя адно сямейства з роду Элеазаравага, потым бралі з роду Ітамаравага.

А першае жэрабя выпала на Ёярыба, другое — на Ядаю,
 
І выйшла першае жэрабя Егаярыву, другое Едаі,

трэцяе — на Гарыма, чацвёртае — на Сэарыма,
 
трэцяе Харыму, чацьвёртае Сэарыму,

пятае — на Мэльхію, шостае — на Міяміна,
 
пятае Малхію, шостае Міяміну,

сёмае — на Акоса, восьмае — на Абію,
 
сёмае Гакоцу, восьмае Авію,

дзевятае — на Ешуа, дзесятае — на Сахэнію,
 
дзявятае Ешую, дзясятае Шэханію,

адзінаццатае — на Эліясіба, дванаццатае — на Якіма,
 
адзінаццатае Эліяшыву, дванаццатае Якіму,

трынаццатае — на Гопфу, чатырнаццатае — на Ісбааба,
 
трынаццатае Хушаю, чатырнаццатае Ешававу,

пятнаццатае — на Бэльгу, шаснаццатае — на Эмэра,
 
пятнаццатае Вілгу, шаснаццатае Імэру,

семнаццатае — на Гэзіра, васемнаццатае — на Апсу,
 
сямнаццатае Хэзіру, васямнаццатае Гапіцэцу,

дзевятнаццатае — на Пэтагію, дваццатае — на Гэзэхіэля,
 
дзевятнаццатае Пэтахіі, дваццатае Езэкіілю,

дваццаць першае — на Яхіна, дваццаць другое — на Гамула,
 
дваццаць першае Яхіну, дваццаць другое Гамулу,

дваццаць трэцяе — на Далаява, дваццаць чацвёртае — на Маазіява.
 
дваццаць трэцяе Дэлаю, дваццаць чацьвёртае Маазію.

Такая была іх чарга, калі прыходзілі ў дом Госпадаў на сваю службу, і па рытуале сваім, і па статуту Аарона, бацькі іх, і па загадзе Госпада, Бога Ізраэля.
 
Вось парадак іх пры служэньні іх, як ім прыходзіць у дом Гасподні, па статуце іх праз Аарона бацьку іхняга, як наказваў яму Гасподзь Бог Ізраілеў.

Затым той, хто застаўся з сыноў Леві: з сыноў Амрама: Субаэль, і з сыноў Субаэля — Ягэдэя.
 
У астатніх сыноў Лявія — разьмеркаваньне: з сыноў Амрама: Шуваіл; з сыноў Шуваіла: Едыя;

Таксама з сыноў Рагобіі — кіраўнік Ясія.
 
ад Рэхавіі: з сыноў Рэхавіі Ішыя быў першы;

А з Ісаарытаў — Саламот; з сыноў Саламота— Ягат.
 
ад Іцгара: Шэламот; з сыноў Шэламота: Яхаў;

З Гэбранітаў: Ерыяў, Амарыя — другі, Яхазіэль — трэці, Екмаам — чацвёрты.
 
з сыноў Хэўрона: першы Ерыя, другі Амарыя, трэці Яхазііл, чацьвёрты Екамам.

Сын Азіэля — Міха; з сыноў Міхі — Самір;
 
З сыноў Азііла: Міха; з сыноў Міхі: Шамір.

брат Міхі — Ясія; з сыноў Ясіі — Захарыя.
 
Брат Міхі Ішыя; з сыноў Ішыі: Захарыя.

Сыны Мэрары: Махалі і Мусі. Сыны яго: Язіяў і Бані.
 
Сыны Мэрары: Махлі і Мушы; з сыноў Яазіі: Бэна.

Сын Мэрары: з яго сына Язіява: Саам, і Закхур, і Гебры.
 
З сыноў Мэрары ў Яазіі: Бэна і Шаагам, і Закур і Іўры.

Затым з Махалі: сын Элеязэр, які не меў дзяцей.
 
У Махлія — Элеазар; у яго сыноў ня было.

А сын Кіса — Ерамээль;
 
У Кіса: з сыноў Кіса: Ерахмііл;

сыны Мусі: Махалі, Эдэр і Ярмут. Гэта сыны Леві паводле іх родаў.
 
сыны Мушыя: Махлі, Эдэр і Ерымот. Вось сыны лявітаў па пакаленьнях іх.

Таксама і яны кідалі жэрабя, як і браты яго, сыны Аарона, перад абліччам цара Давіда і Садока ды Ахімэлеха, і кіраўнікоў родаў святарскіх і левіцкіх, як большыя, так і меншыя: жэрабя ўсіх роўна дзяліла.
 
Кідалі і яны жэрабя, нароўні з братамі сваімі, сынамі Ааронавымі, перад абліччам цара Давіда і Садока і Ахімэлэха, і ўзначальцаў сямействаў сьвятарскіх і лявіцкіх: галава сямейства нароўні зь меншым братам сваім.