Лукаша 3 разьдзел

 

 

У пятнаццаты ж год праўле́ння ке́сара Тыве́рыя, калі Понцій Пілат быў правíцелем у Іудзеі, Ірад быў тэтра́рхам у Галіле́і, а Філіп, брат яго, тэтра́рхам у Ітурэ́і і Траханíцкай зямлі, а Ліса́ній тэтра́рхам у Авіліне́і,

 

І у пятнаццаты ж год панавання кесара Тыберыя, калі Понці Пілат быў намеснкам Іудзеі, Піліп жа, яго брат, быў чацвёртаўладнікам Ітурэі і Траханіцкай зямлі, а Лісані чацвёртаўладнікам Авілінеі,

пры першасвятарах Анне і Каіа́фе, было́ слова Божае да Іаана, сына Заха́рыі, у пусты́ні.

 

пры першасвятары Ганне і Каіяфе, было Божае слова да Іаана, сына Захарыевага, у пустэльні.

І прайшоў ён усё навако́лле Іарданскае, прапаве́дуючы хрышчэ́нне пакая́ння дзе́ля адпушчэ́ння грахоў,

 

І ён прайшоў усё наваколле Іярдана, абвяшчаючы хрышчэнне пакаяння дзеля адпушчэння грахоў,

як напíсана ў кнізе слоў Іса́іі прарока: «голас таго, хто клíча ў пусты́ні: падрыхту́йце шлях Госпаду, про́стымі зрабíце сце́жкі Яму;

 

як напісана у кнізе слоў прарока Ісаі: «Голас прапаведніка ў пустэльні «Падрыхтуйце дарогу Госпаду, выраўняйце сцежкі Яму;

кожны дол няхай напо́ўніцца, і кожная гара́ і ўзгорак няхай панíзяцца, і крывое няхай вы́прастаецца, і няроўныя дарогі стануць гла́дкімі,

 

кожны дол хай напоўніцца, кожная гара і пагорак панізіцца, а што крывое, няхай выпрастаецца, а дарогі выбоістыя стануць гладкімі;

і ўбачыць кожная плоць спасе́нне Божае».

 

І ўбачыць кожнае стварэнне збавенне Божае».

І вось сказаў народу, які прыходзіў хрысцíцца ад яго: адро́ддзе яхíдніна! хто намо́віў вас уцяка́ць ад будучага гневу?

 

Дык казаў натоўпам, што выходзілі хрысціцца ў яго: «Гадзючыя выпладкі хто падвучыў вас уцякаць ад будучага гневу?

Прынясíце ж годныя плады́ пакая́ння і не думайце гаварыць самі сабе: «айцец ў нас Аўраам»; бо кажу вам, што Бог можа з камянёў гэтых узве́сці дзяцей Аўрааму.

 

Стварыце ж годныя плады пакаяння і не спрабуйце казаць самім сабе: «Бацька наш Аўраам». Бо кажу вам, што Бог можа з гэтага Камення ўзняць дзяцей Аўрааму.

Ужо і сяке́ра пры ко́рані дрэў ляжы́ць: бо ўсякае дрэва, якое не прыно́сіць добрага плоду, ссяка́юць і кíдаюць у агонь.

 

Бо ўжо і сякера прыкладзена да кораня дрэў: кожнае ж дрэва, што добрага плоду не родзіць, будзе высечана і ўкнута ў агонь».

І пытаўся ў яго народ, ка́жучы: што ж рабіць нам?

 

І натоўпы пыталіся ў яго; кажучы: «Што ж нам рабіць?»

Ён жа гаворыць ім у адказ: хто ма́е дзве кашу́лі, няхай дасць таму, хто не ма́е, і хто ма́е ежу, няхай зробіць гэтаксама.

 

Ён жа ў адказ ім казаў: «Хто мае дзве кашулі, няхай падзеліцца з тым, хто не мае, і хто мае харч, няхай тое самае зробіць.»

Прыйшлі і мы́тнікі хрысцíцца ад яго і сказалі яму: настаўнік! што нам рабіць?

 

Прыйшлі ж і мытнікі хрысціцца і сказалі яму: «Настаўніку, што нам рабіць?»

А ён сказаў ім: нічога больш за вы́значанае вам не спаганя́йце.

 

А ён ім сказаў: «Не патрабуйце больш, чым вызначана вам.»

Пыталіся ў яго таксама і воіны, гаво́рачы: а нам што рабіць? І сказаў ім: не чынíце крыўды нікому, не даносьце і задавальня́йцеся пла́тай сваёй.

 

Пыталіся ж у яго і воіны, кажучы: «А нам што рабіць?» і сказаў ім: «Нікому не чыніце гвалту, не абвінавачвайце фальшыва і задавальняйцеся платаю сваёю».

Калі ж народ быў у чака́нні і ўсе разважа́лі ў сэ́рцах сваіх пра Іаана, ці не Хрыстос ён, —

 

калі ж народ чакаў і ўсе разважалі ў сэрцах сваіх пра Іаана, ці не Хрыстос ён сам,

адказаў Іаан усім, гаворачы: я вадою хрышчу́ вас, але ідзе Мацнейшы за мяне, у Якога я нява́рты развяза́ць раме́нь абутку Яго; Ён будзе хрысцíць вас Духам Святым і агнём.

 

адказаў Іаан, кажучы ім: «Я вадою хрышчу вас; а ідзе Мацнейшы за мяне, у Якога я няварты развязаць рамень Яго сандаляў; Ён вас будзе хрысіцць Святым Духам і агнём;

Лапа́та Яго ў руцэ́ Яго, і Ён ачы́сціць гумно́ Сваё, і збярэ́ пшаніцу ў жы́тніцу Сваю, а мякíну спа́ліць агнём непага́сным.

 

Яго веялка ў руць Яго, каб пільна перачысціць Свой ток і сабраць пшаніцу ў сваю клець, а мякіну спаліць незгасальным агнём».

І многа ў чым іншым настаўля́ючы, дабраве́сціў ён народу.

 

Ды і шмат іншаму навучаў, абвяшчаючы Добрую Навіну народу.

А Ірад тэтра́рх, выкрыва́ны ім за Ірадыя́ду, жонку Філіпа, брата свайго, і за ўсё ліхое, што зрабіў Ірад,

 

А Ірад, чацвёртаўладнік, выкрываны ім за Ірадыяду, жонку свайго брата, і за усё, што ён зрабіў ліхога,

дада́ў да ўсяго яшчэ і тое, што зачынíў Іаана ў цямнíцы.

 

дадаў да ўсяго і тое, што замкнуў Іаана ў цямніцу.

І ста́лася: калі хрысцíўся ўвесь народ, і Іісус, ахрысцíўшыся, маліўся, раскры́лася неба,

 

І было: калі хрысціўся ўвесь народ і Ісус, ахрысціўшыся, маліўся, расчынілася неба,

і сышоў на Яго Дух Святы́ ў цяле́сным вы́глядзе, як голуб, і голас быў з неба, які прамовіў: Ты Сын Мой Узлю́блены, Цябе Я ўпадаба́ў.

 

і зышоў Святы Дух у цялесным выглядзе, як галубка, на яго і голас з неба пачуўся: «Ты Мой Сын улюбёны, у Табе знайшоў Я задавальненне».

А Сам Іісус меў гадоў трыццаць, калі распачына́ў, і быў, як думалі, Сын Іо́сіфаў, Ілíеў,

 

А Сам Ісус, распачынаючы, меў гадоў з трыццаць, быў, як думал, сын Іосіфаў, Іліеў,

Матфа́таў, Левíеў, Мелхíеў, Іана́еў, Іо́сіфаў,

 

Матфатаў, Левіеў Мелхіеў, Іанаеў, Іосіфаў,

Матафíеў, Амо́саў, Нау́маў, Еслíмаў, Нагге́еў,

 

Маттафіеў, Амосаў, Навумаў, Есліеў, Наггееў,

Маа́фаў, Матафíеў, Семеíеў, Іо́сіфаў, Іу́даў,

 

Маафаў, Маттафіеў, Семеіеў, Іосіхаў, Іадаеў,

Іаана́наў, Рыса́еў, Зарава́велеў, Салафіíлеў, Ніры́еў,

 

Іаананаў, Рысаеў, Дзарававелеў, Салафіілаў, Нірыеў,

Мелхíеў, Аддзíеў, Каса́маў, Елмада́маў, Íраў,

 

Мелхіеў, Аддыеў, Касамаў, Елмаданаў, Іраў,

Іасíеў, Еліезе́раў, Іары́маў, Матфа́таў, Левíеў,

 

Ісусаў, Еліезераў, Іарымаў, Матфатаў, Левіеў,

Сімяо́наў, Іу́даў, Іосіфаў, Іана́наў, Еліакíмаў,

 

Сімяонаў, Юдаў, Іосіфаў, Іанамаў, Еліакімаў,

Мелеа́еў, Маіна́наў, Маттафа́еў, Нафа́наў, Давíдаў,

 

Мелеаеў, Меннаеў, Маттафаеў, Нафанаў, Давідаў,

Іесе́еў, Авíдаў, Вао́заў, Салмо́наў, Наасо́наў,

 

Іессееў, Авідаў, Воасаў, Салаў, Наассонаў

Амінада́ваў, Ара́маў, Есро́маў, Фарэ́саў, Іу́даў,

 

Амінадаваў, Адмінаў, Арніеў, Эсромаў, Фарэсаў, Юдаў,

Іа́каваў, Ісаа́каў, Аўраа́маў, Фа́раў, Нахо́раў,

 

Якаулеў, Ісаакаў, Аўраамаў, Фарыеў, Нахораў,

Серу́хаў, Рага́ваў, Фале́каў, Еве́раў, Са́лаў,

 

Серухаў, Рагаваў, Фалекаў, Эвераў, Салаў,

Каіна́наў, Арфакса́даў, Сíмаў, Но́еў, Ла́мехаў,

 

Каінанаў, Арфаксадаў, Сімаў, Ноеў, Ламехаў,

Мафуса́лаў, Ено́хаў, Іарэ́даў, Малелеíлаў, Каіна́наў,

 

Мафусалаў, Енохаў, Іарэтаў, Малелеілаў, Каінанаў,

Ено́саў, Сíфаў, Ада́маў, Божы.

 

Еносаў, Сіфаў, Адамаў, Божы.