Лукаша 3 разьдзел

 

 

А ў пятнаццаты год кіравання кесара Тыберыя, калі Понцій Пілат быў намеснікам Іудзеі, а чацвёртаўладальнікам Галілеі быў Ірад, Філіп жа, яго брат, быў чацвёртаўладальнікам Ітурэі і Траханіцкай зямлі, а Лісаній чацвёртаўладальнікам Авіліны,

 

І у пятнаццаты ж год панавання кесара Тыберыя, калі Понці Пілат быў намеснкам Іудзеі, Піліп жа, яго брат, быў чацвёртаўладнікам Ітурэі і Траханіцкай зямлі, а Лісані чацвёртаўладнікам Авілінеі,

пры першасвятары Ганну і Каіяфе, было слова Божае да Іаана, сына Захарыевана, у пустэльні.

 

пры першасвятары Ганне і Каіяфе, было Божае слова да Іаана, сына Захарыевага, у пустэльні.

І ён прайшоў усё наваколле Іардана, абвяшчаючы хрышчэнне пакаяння дзеля адпушчэння грахоў,

 

І ён прайшоў усё наваколле Іярдана, абвяшчаючы хрышчэнне пакаяння дзеля адпушчэння грахоў,

як напісана ў кнізе слоў прарока Ісаіі: «Голас прапаведніка ў пустэльні: «Падрыхтуйце дарогу Госпаду, простымі зрабіце Яму сцежкі;

 

як напісана у кнізе слоў прарока Ісаі: «Голас прапаведніка ў пустэльні «Падрыхтуйце дарогу Госпаду, выраўняйце сцежкі Яму;

кожны дол няхай напоўніцца, а кожная гара і пагорак няхай панізяцца, і крывое няхай выпрастаецца, і выбоістыя дарогі стануць гладкімі;

 

кожны дол хай напоўніцца, кожная гара і пагорак панізіцца, а што крывое, няхай выпрастаецца, а дарогі выбоістыя стануць гладкімі;

і ўбачыць кожнае стварэнне выратаванне Божае».

 

І ўбачыць кожнае стварэнне збавенне Божае».

Дык ён казаў натоўпам, што выходзілі, каб хрысціцца ў яго: Гадзючыя выпадкі, хто паказаў вам уцякаць ад будучага гневу?

 

Дык казаў натоўпам, што выходзілі хрысціцца ў яго: «Гадзючыя выпладкі хто падвучыў вас уцякаць ад будучага гневу?

Дык стварыце годныя плады пакаяння і не пачынайце казаць самім сабе: «Бацька ў нас Аўраам». Бо кажу вам, што Бог можа з гэтых камянёў узняць дзяцей Аўрааму.

 

Стварыце ж годныя плады пакаяння і не спрабуйце казаць самім сабе: «Бацька наш Аўраам». Бо кажу вам, што Бог можа з гэтага Камення ўзняць дзяцей Аўрааму.

Ужо ж і сякера ляжыць пры корані дрэў; дык кожнае дрэва, што добрага плоду не родзіць, ссякаюць і кідаюць у агонь.

 

Бо ўжо і сякера прыкладзена да кораня дрэў: кожнае ж дрэва, што добрага плоду не родзіць, будзе высечана і ўкнута ў агонь».

І натоўпы пыталіся ў яго, кажучы: Дык што нам рабіць?

 

І натоўпы пыталіся ў яго; кажучы: «Што ж нам рабіць?»

Ён жа ў адказ ім казаў: Хто мае два хітоны, няхай дасць таму, хто не мае, і хто мае ежу, няхай гэтак жа зробіць.

 

Ён жа ў адказ ім казаў: «Хто мае дзве кашулі, няхай падзеліцца з тым, хто не мае, і хто мае харч, няхай тое самае зробіць.»

Прыйшлі ж і зборшчыкі падаткаў хрысціцца і сказалі яму: Настаўніку, што нам рабіць?

 

Прыйшлі ж і мытнікі хрысціцца і сказалі яму: «Настаўніку, што нам рабіць?»

І ён ім сказаў: Не спаганяйце нічога больш, чым вызначана вам.

 

А ён ім сказаў: «Не патрабуйце больш, чым вызначана вам.»

Пыталіся ж у яго і воіны, кажучы: А нам што рабіць? — І сказаў ім: Ні ў кога нічога не вымагайце, не даносьце і задавальняйцеся сваёю платаю.

 

Пыталіся ж у яго і воіны, кажучы: «А нам што рабіць?» і сказаў ім: «Нікому не чыніце гвалту, не абвінавачвайце фальшыва і задавальняйцеся платаю сваёю».

Калі ж народ чакаў і ўсе разважалі ў сваіх сэрцах пра Іаана, ці не Хрыстос ён,

 

калі ж народ чакаў і ўсе разважалі ў сэрцах сваіх пра Іаана, ці не Хрыстос ён сам,

Іаан адказаў, кажучы ўсім: Я вадою хрышчу вас; а ідзе Мацнейшы за мяне, у Якога я няварты развязаць раменьчык Яго сандаляў; Ён вас будзе хрысціць Святым Духам і агнём;

 

адказаў Іаан, кажучы ім: «Я вадою хрышчу вас; а ідзе Мацнейшы за мяне, у Якога я няварты развязаць рамень Яго сандаляў; Ён вас будзе хрысіцць Святым Духам і агнём;

у Яго руцэ веялка, каб ачысціць Свой умалот і сабраць пшаніцу ў Сваё сховішча, а мякіну спаліць незгасальным агнём.

 

Яго веялка ў руць Яго, каб пільна перачысціць Свой ток і сабраць пшаніцу ў сваю клець, а мякіну спаліць незгасальным агнём».

Дык, і шмат у чым іншым настаўляючы, ён дабравесціў народу.

 

Ды і шмат іншаму навучаў, абвяшчаючы Добрую Навіну народу.

А Ірад, чацвёртаўладнік, выкрываны ім за Ірадыяду, жонку свайго брата, і за ўсё ліхое, што Ірад зрабіў,

 

А Ірад, чацвёртаўладнік, выкрываны ім за Ірадыяду, жонку свайго брата, і за усё, што ён зрабіў ліхога,

дадаў да ўсяго і тое, што зняволіў Іаана ў турму.

 

дадаў да ўсяго і тое, што замкнуў Іаана ў цямніцу.

І сталася: калі хрысціўся ўвесь народ і Ісус, ахрысціўшыся, маліўся, расчынілася неба,

 

І было: калі хрысціўся ўвесь народ і Ісус, ахрысціўшыся, маліўся, расчынілася неба,

і зышоў Святы Дух у цялесным выглядзе, як голуб на Яго, і голас з неба пачуўся: Ты Мой Сын Улюбёны, у Табе знайшоў Я задавальненне.

 

і зышоў Святы Дух у цялесным выглядзе, як галубка, на яго і голас з неба пачуўся: «Ты Мой Сын улюбёны, у Табе знайшоў Я задавальненне».

А Сам Ісус, пачынаючы Сваё служэнне, меў гадоў каля трыццаці, быў, як думалі, Сын Іосіфаў, Іліеў,

 

А Сам Ісус, распачынаючы, меў гадоў з трыццаць, быў, як думал, сын Іосіфаў, Іліеў,

Матфатаў, Лявіеў, Мялхіеў, Іяннаеў, Іосіфаў,

 

Матфатаў, Левіеў Мелхіеў, Іанаеў, Іосіфаў,

Матафіеў, Амосаў, Навумаў, Гесліеў, Нагееў,

 

Маттафіеў, Амосаў, Навумаў, Есліеў, Наггееў,

Маафаў, Матафіеў, Семяінаў, Іасіхаў, Іадаеў,

 

Маафаў, Маттафіеў, Семеіеў, Іосіхаў, Іадаеў,

Іаананаў, Рысаеў, Дзарававелеў, Салафіілеў, Нірыеў,

 

Іаананаў, Рысаеў, Дзарававелеў, Салафіілаў, Нірыеў,

Мялхіеў, Аддзеў, Касамаў, Элмадамаў, Іраў,

 

Мелхіеў, Аддыеў, Касамаў, Елмаданаў, Іраў,

Ісусаў, Эліедзераў, Іарымаў, Матфатаў, Лявіеў,

 

Ісусаў, Еліезераў, Іарымаў, Матфатаў, Левіеў,

Сімяонаў, Іудаў, Іосіфаў, Іананаў, Эліякімаў,

 

Сімяонаў, Юдаў, Іосіфаў, Іанамаў, Еліакімаў,

Меляаеў, Мяннаеў, Матафаеў, Нафанаў, Давідаў,

 

Мелеаеў, Меннаеў, Маттафаеў, Нафанаў, Давідаў,

Іессееў, Авідаў, Ваозаў, Салаў, Наасонаў,

 

Іессееў, Авідаў, Воасаў, Салаў, Наассонаў

Амінадаваў, Адмінаў, Арніеў, Гесромаў, Фарэсаў, Іудаў,

 

Амінадаваў, Адмінаў, Арніеў, Эсромаў, Фарэсаў, Юдаў,

Іякаваў, Ісаакаў, Аўраамаў, Фараў, Нахораў,

 

Якаулеў, Ісаакаў, Аўраамаў, Фарыеў, Нахораў,

Сярухаў, Рагаваў, Фалекаў, Эвераў, Салаў,

 

Серухаў, Рагаваў, Фалекаў, Эвераў, Салаў,

Каінамаў, Арфаксадаў, Сімаў, Ноеў, Ламехаў,

 

Каінанаў, Арфаксадаў, Сімаў, Ноеў, Ламехаў,

Мафусалаў, Энохаў, Іярэтаў, Малеляілаў, Каінамаў,

 

Мафусалаў, Енохаў, Іарэтаў, Малелеілаў, Каінанаў,

Эносаў, Сіфаў, Адамаў, Божы.

 

Еносаў, Сіфаў, Адамаў, Божы.