Листу Аманова перепись, иже былъ взялъ от царя Асвера ко всемъ странамъ и языкомъ, подданым власти его, абы погубили всихъ людей Іудиныхъ. Во книгахъ же еврейскихъ о томъ не пишеть.
1 a «Асъверъ, царь пресилный, владеющий от Индии даже до Ефиопии, ста и двадцети и седъми странъ княземъ и воеводамъ, подъ властию моею сущимъ, ласку свою всемъ усказую.
2 Понеже над многими народы царствую и вси земли подбилъ есми подъ власть свою, а протож николи не хотехъ обращати ко злому моци своее превеликое, но добротливостию и справедливостию мыслихъ всегда справовати свое подданые, абы безо всякого страху тише животъ свой ведучи, миру, егоже вси люди жадають, поживали.
3 И егда есми о то мовилъ с радами нашими, яко бы ся доброе тое наполнити могло, единъ от рады нашее, онже мудростию и верностию премогаше и былъ естъ по цари вторый,
4 именемъ Аманъ, поведилъ намъ, глаголя, иже суть по всехъ земляхъ наших розпрашены неяции людие, ониже новыхъ установленей поживають и противу обычаемъ всехъ народов чинять, царскими заповедьми горъдять и всихъ языковъ згоду своимъ розделением порушають.
5 Сие егда есмо услышали и поразумели, иже людие тые сами толико противны суть всемъ инымъ людемъ нашимъ — законъ, противный намъ, имають, нашихъ приказаней не слухають, намъ людей подданыхъ смущають, миръ и единоту межи ними рушають, —
6 прото росказали есмо, абы Аманъ, онже надо всеми странами поставленъ естъ и вторый по цари, и егоже вместо отца чтимъ, указалъ вамъ тыхъ людей; и да побиють е съ женами и з детьми врази ихъ, и никто ихъ да не боронить и ни лютуеть. И сие да ся станеть четыренадесятого дня дванадесятого месеца, именемъ марта, сего лета приидущего,
7 абы злые людие, во единъ день погублены суще, учинили въ царстве нашемъ покой, еже были и зрушили».
a Пачатак главы 13 паводле Вульгаты.
Знайшлі памылку ў тэксце? Вылучыце яе і націсніце:
Ctrl + Enter
Книга Есъферъ, 12 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.