Есъферъ 8 Есъферъ 8 разьдзел

¹ Въ той день далъ естъ царь Асверъ Есферу-царици домъ Аманов, врага Іудейскаго. Мардохей пакъ вшолъ естъ предъ царя, понеже поведела царю Есферъ, иже естъ дядя ей.

² Тогда взявъ царь перстень златый, иже былъ отнялъ Аманови, далъ и Мардохеови; Есферъ же поставила естъ Мардохея старейшиною надъ домом своим.

³ И не имеаше досыть на том, но паде пред ногами царевыми и с плачем просила его, глаголющи, абы злость Амана Агаитскаго и лесть его превеликую, юже вымыслилъ былъ на Иудеи, казалъ зрушити.

⁴ Царь же по обычаю своему протягнулъ на ню жезлъ свой златый на знамя милости; и тако воста Есферъ, и ста пред нимъ,

⁵ и рече: «Знашла ль есми ласку предъ очима твоима, и любит ли ся царю, и не естъ ли противна прозба моя, молю ти ся, да новыми листы твоими будуть зрушены старыи листы Амана, врага Іудейсъкаго, онже писалъ былъ по всехъ странахъ,

⁶ да бы побиты были вси Іудеи во единъ день, не возмогу убо претерпети погибели людей моих».

⁷ Отвеща же царь ко Есферу и к Мардохеови: «Се, домъ Амановъ далъ есми Есферови-царици и самого казахъ повесити на шибеници прото, иже смеаше протягнути руку свою на Іудеовъ.

⁸ Сего для пишите вы листы ко всем Іудеомъ именемъ царевымъ и запечатайте е перстенем моим». Таковъ убо обычай былъ в ты часы: листы, иже беша писаны именемъ царевым и запечатаны перстенемъ его, то никтоже не смеаше съпротивитися имъ. Тогда позвали диаковъ и писаревъ царевыхъ.

⁹ И былъ естъ тогда часъ месеца априля. Во двадцеть третий день того же месеца писаны были листы ко Иудеомъ подле воли Мардохеовы, и теже ко всемъ княземъ, и врядникомъ, и судьямъ, иже были поставлены во сту и въ двадцети и в седми странахъ, от Индии даже до Ефиопии, людемъ и людемъ, народу и народу подле языковъ и грамотъ ихъ, Іудеомъ теже, яко вси могли чести и разумети.

¹⁰ И к тому тые листы, еже именемъ царевымъ писаны были, его жъ перстенем запечатаны быша, и посланы суть послами и гонцами, ониже по всехъ странахъ скоро сходиша и первыи листы Аманавыa новыми зрушиша.

¹¹ Им же былъ приказалъ царь, да бы созвали Іудеи по всихъ местехъ и вкупу ся имъ сойти казали, абы боронили животовъ своихъ и всехъ враговъ своихъ съ женами, и з детьми, и з домы ихъ погубили и сказили.

¹² И поставленъ былъ по странахъ царства единъ день отмщения, то естъ въ четырнадесятый день месеца дванадесятого, марта.

¹³ Розумъ пакъ листовъ царевыхъ сей беше: да бы во всехъ странахъ и земляхъ и в народехъ, иже власти царя Асвера были подданы, ознамено было, иже готови суть Іудеи помститися надъ всеми враги своими.

¹⁴ Тогда изыйдоша гонци скоро с листы царевыми, заповедь теже царева повешена естъ во граде Зузе.

¹⁵ Мардохей пакъ егда выхожаше от царя с полаты царевы, блищашеся ризою царскою синего цвету и белого, неся венець златый на главе своей, одеаный во плащь шолковый, тканый со златомъ. И весь градъ возвеселися и возрадовася.

¹⁶ Іудеомъ пакъ новый светъ восиялъ естъ, радость, честь и скакание. 17 Во всехъ народехъ, градехъ и странахъ, игдеже аще царевы листы пришли суть, предивное веселие, пиры, склады и празнования тако, иже многые поганы, оставивши кумиры своя, прилучишеся к нимъ и празноваху с ними, понеже великий страхъ и боязнь имени Іудейскаго в ты часы нападе на вси народы.