ПОЧИНАЮТСЯ ТРЕТИЕ КНИГИ МОИСЕОВЫ,
зовемые от Евреи Ва-икра, по-греческии Леувитикосъ, по латине Оферториусъ, по-руски же Леувитъ. А мають главъ 27.
О приношении жертвы Господу Богу, який скотъ имели приносити сынове Ізраилевы от воловъ, от овець и от птиць, и яковым обычаем чиняху приношения.
1 Возва Господь Моисея и Сведения, глаголя:
2 «Ирци сыном Ізраилевым рече к нему ис Храму и молви к ним: Человекъ естъли же кто от васъ восхощеть принести жертву от скоту, то естъ от волов или от овець приношая жертву победную,
3 будет ли приношение его во всесозжение и от стада, самца непоскверненаго да принесеть ко дверемъ Храму Сведения, да помилуеть его Господь;
4 и возложить на главу приношению руце свое, и будеть приятно и проспееть ко его очищению;
5 и зарежеть телца предъ Господем; и возмут кровь его сынове Ааронови, и вылиють около требъника, еже естъ предъ дверми Храму Сведения,
6 и содравши кожу с приношения, ссекають уды его на части;
7 и положать на требнице дрова,
8 и воскладуть на них зверху части мяса, еже здробили по ряду, главу теже и все, еже прилежить печени;
9 кишки и ноги, первей омывши водою, и подложать огонь под дрова и созжеть е жрець на требнице в жертву всихсозжения воню благоухающую Господу.
10 Ащели пакъ будеть приношение его от скоту, то естъ от овець или от козъ въ жертву всихсозжения, то да принесеть агнеца летошнего непорочна
11 и зарежеть и на стране требника, онже ест к полунощи пред Господем; кров пак агнецеву вылиють в суда вооколо требника сынове Ааронови,
12 и розсекають и на части, главу теже и все, придержащееся печени, и возложать на дрова,
13 кишки первей и ноги омывши водою, и подложивши огонь, запалить жрець на требнице в жертву всихсозжения и въ воню благоухающую Господу.
14 Естъли же будеть приношение всихсозжения Господу Богу от птиць, то естъ от горлиць или от голубятъ,
15 да принесеть е жрець ко требнику. И завернувъ главу ко криломъ и продравъ место раны, выпустить кровь вооколо требника, 16 воле пакъ вынемъ из шие, и перие повержеть близко требника, ко стране на востокъ солнъца, на то место, игде высыпують пепелъ.
17 И зламлеть кридла имъ, а не розсечеть их и ни железомъ розделить, и положит на требник на дрова, и огнем подпалит жертва всихсозжения и воня благоухающая Господу.
Знайшлі памылку ў тэксце? Вылучыце яе і націсніце:
Ctrl + Enter
Книги Леувитъ, 1 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.