О празновании святъ урочныхъ а что на не приносити имели. Наипервей о празнику Пасхи, о Пятдесятници и о трех празницех месеца сентяврия.
1 Рече Господь Моисееви, глаголя:
2 «Ирци сыномъ Ізраилевымъ: Сие суть дневе Господьни, еже прозовутся святые.
3 Шесть дней будете делати. День седмый, понеже субота отпочинение естъ, прозовется святый, всякого дела не будете делати в немъ, яко празникъ Господень естъ во всехъ жилищехъ вашихъ.
4 Сего ради сие суть празници Божии, еже святити имаете часы своими:
5 месеца перваго, во четыренадесятый день его, на вечеръ Пасха Господьня естъ;
6 и в петнадесятый день того же месеца празникъ опресночный Господень, седмъ дней хлебы пресные да ясте;
7 первый день будеть вамъ нарочитый и святый, всякого дела служня не вделаете в немъ,
8 но приносити будете жертвы у вогни за шесть дней Господу; день седмый будет вам преславенъ и святъ, всякого дела служнего да не соделаете в немъ».
9 И молвилъ естъ Господь Моисееви, глаголя:
10 «Ирци сыномъ Ізраилевымъ: Внегда вниидете в землю, юже Азъ дамъ вамъ, и жати будете жита, принесите снопы ваша со класием ко жерцу от первыхъ плодовъ,
11 онже воздвигнеть снопъ предъ Господемъ Богомъ, да будеть приятно от васъ, во вторий день святочны, и посвятить и.
12 В той теже день, егда приноситися будеть снопъ, да зарежеть агнеца летошнего непоскверненаго во всесозжение Господу,
13 к тому и возлиание приноситися будет и две десятинници крупъ пшеничнихъ, покропленыхъ олеемъ, на жертву Господу во воню благоухающую, мокрое теже приношение вина четвертую часть меры гина.
14 Хлеба, пражма и крупъ не будете ести от житъ вашихъ, но первей принесете начатки Господу, Богу вашему: заповедь сия да будеть вечна вамъ во всехъ родехъ и жилищехъ ваших.
15 Сего ради сочтете, от втораго дня святочнаго поченши, во нже снопъ житъ начатковъ приносили есте, седмъ недель полныхъ
16 даже до втораго дня, внегда наполнена будеть седмая неделя, то естъ пятдесятъ дней. И туто приносити будете новую требу Господу, Богу вашему
17 со всих селъ вашихъ: два боханъце со дву десятинъ пшеничное муки квашеное, еже спечете в начатки Господу.
18 И принесете с хлебы тыми седмъ агнецевъ летошних непоскверненых и телца от стада единого, и овны два, а будуть во всесозжение со возлианиемъ своимъ во воню благоухающую Господу.
19 Зарежете теже и козла за грехъ, и двое ягнятъ летошънихъ въ требу мирную.
20 И внегда ихъ жрець воздвигнеть предъ Господемъ со хлебы начатковъ, достанутся на пищу ему.
21 И прозовете сей день нарочитый и пресвятый, всякого дела служня да не делаете в немъ: в законъ вечный будеть вамъ сее во всихъ родехъ и селахъ вашихъ.
22 И внегда жати будете жита ваше, да не прижинаете их до самое земли и ни збирайте класов утрушающихся, но убогимъ и подорожнымъ да оставите: Азъ есмъ Господь, Богъ вашъ!»
23 Рече Господь Моисееви, глаголя:
24 «Ирци сыномъ Ізраилевымъ: Первый день седмаго месеца будеть вамъ празникъ, и паметовати и будете, трубяще у трубы, и наречется вамъ свято.
25 Всякого дела служнего да не соделаете в немъ, но приносити будете всясозжения Господу».
26 И глагола Господь к Моисееви:
27 «Десятый день того же седмаго месеца будеть день очищения, а наречется славенъ и святъ, и покорите в немъ душе ваше и принесете всясозжения Господу.
28 Всякого дела служня да не вчините в немъ, яко день естъ очищения, да бы очистилъ васъ Господь, Богъ вашъ.
29 Всякий человек, онже не покорить души своея в той день, да загинеть от людей Моихъ;
30 и всякъ, еже бы делал что в немъ, погублю его от людей Своих.
31 А протож никакова дела соделаете в той день: в законъ вечный будеть сее вамъ по всехъ родехъ и жилищахъ вашихъ,
32 празникъ убо очищения вашего естъ, и покорите душе ваше десятого дня седмаго месеца. От вечера даже до вечера святити будете празники ваше».
33 И рече Господь Моисееви, глаголя:
34 «Поведи сыномъ Ізраилевымъ: Пятнадесятого дня месеца седъмаго будеть празник Кущный за седмъ дней Господу.
35 И первый день назовется нарочитый и святый, всякого дела служня да не вчините в немъ.
36 Седмъ дней приносити будете всясозжения Господу. День же осмый будет славный и святый, и приносити будете жертвы Господу Богу, собор убо естъ множества вашего, ни едина дела служъня да не соделаете в немъ.
37 Сие суть дневе Божии, еже назовете празники преславные и пресвятые, и будете приносити в нихъ жертвы Господу Богу, всясозжения и требы мокрыя по чину единаго каждого дня,
38 кроме святковъ суботныхъ и приносовъ ваших, еже приносите с слюбу или з доброе воли своея даете Господу Богу.
39 Сего ради от пятнадесятого дня седмаго месеца, егда зберете вси жита земли вашее, святити будете празники Господни седмъ дней, день первый а день осмый да будеть вамъ преславный и святый, то естъ отпочинение.
40 И наберете собе во первый день овощевъ з древъ прекрасныхъ и листия фуникова, и ветия от древъ густыхъ летораслей, и вербия от водъ текущихъ и будете ся веселити предъ Господемъ, Богомъ своимъ.
41 И будете святити празники Его за седмъ дней. в законъ вечный да будеть сее вамъ во всехъ рожениахъ и племенахъ вашихъ. Месеца седмаго святити будете свята Господня.a
42 И жити будете в кущахъ зеленыхъ седмъ дней; всякий человекъ, онже естъ от роду Ізраилева, да пребудеть в кущи своей за седмъ дней,
43 да разумеють потомкове ваши, иже в кущахъ жили суть сынове Ізраилевы на пустыни, внегда вывелъ есмъ ихъ из земли Ег[и]петское: Азъ Господь, Богъ вашъ!»
44 И глаголалъ естъ Моисей о празницехъ Господних ко всемъ сыномъ Ізраилевымъ.
a Erratum: Госгодня.
Знайшлі памылку ў тэксце? Вылучыце яе і націсніце:
Ctrl + Enter
Книги Леувитъ, 23 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.