Леувитъ 22 Леувитъ 22 разьдзел

¹ По томъ рече Господь Моисееви, глаголя:

² «Ирци Ааронови и сыномъ его, да блюдутся от приносовъ посвященыхъ, еже суть от сынов Ізраилевыхъ, да не посквернят имени святого, еже они Мне приносять: Азъ Господь!

³ Глаголи к нимъ и к потомкомъ ихъ: всякий человекъ от роду вашего аще приступить к тымъ даромъ, еже Мне посвящены суть и еже принесоша Господу сынове Ізраилевы, на немже естъ посквернение, да загинеть пред Богомъ: Азъ Господь!

⁴ Человекъ от племеня Ааронова, онже бы былъ прокаженый или имея немощъ плынутия семени, да не ясть от приносовъ, еже Мне посвещены суть, донеле здравъ не будеть. И всякий, иже бы ся доткнулъ мертваго или человека нечистого, от негоже плинеть нечистота семеня,

⁵ или неякого гаду, ползающего по земли, или неякое иное речи нечистое,

⁶ нечистъ будеть даже ло вечера и не имать ясти от приносовъ, посвященныхъ Мне.

⁷ Но внегда омыеть тело свое водою и солнъце зайдеть, тогда, сый чистъ, ясти будеть посвященые приносы, яко покармъ его ест.

⁸ Ничего умерлого или от зверя удавленого снесте, да не посквернитеся в нихъ: Азъ есмъ Господь!

⁹ Да соблюдуть заповеди Моя и не согрешають, да не изомруть во Святыни, внегда посквернять ю: Азъ Господь, освещаяй васъ!

¹⁰ Всякий человекъ чужий да не ясть от тыхъ речей, еще посвящены суть Мне, и ни суседъ жерцевъ ани наймит его не имають ясти,

¹¹ разъвей кого жрець купить и кого собе дома ускормить, сии да ядять от нихъ.

¹² Ащели дщера жерцева поиметь собе мужа от людей посполитыхъ, то не имать ести от первыхъ плодовъ, посвященых Господу.

¹³ Пакли же будеть вдова или пущеница и без детей, а навратится в домъ отца своего, да ясть, сущи в дому отца своего, по тому, яко и девицею будучи ядала; от иного пак роду никто не можеть ясти з нихъ.

¹⁴ А естъли бы кто таковый елъ, не ведяй, от приносов, посвященыхъ Богу, то приложить пятую часть к тому, еже изъелъ, и дасть жерцу до светыни.

¹⁵ Да не поскверняють даровъ святыхъ, еже сынове Ізраилевы приносять Господу Богу,

¹⁶ да неприимут безакония греха своего, ядуще речи посвященые: Азъ Господь, иже освещаю ихъ!»

¹⁷ Рече Господь Моисееви, глаголя:

¹⁸ «Ирци Ааронови и сыномъ его и всимъ людемъ Ізраилевымъ: Человекъ от сынов Ізраилевыхъ и приходъ, онже живеть посреди ихъ, аще принесеть даръ, выполняя слюбы своя или доброволне приношая, и елика же приносять во всесозжение Господу,

¹⁹ да приводить к вамъ самца непорочнаго от воловъ или от овець, или от козъ;

²⁰ и будет ли на собе имети неякое посквернение, то да не приносите в жертву, яко не будеть приятна.

²¹ Человекъ, онже аще приносить жертву мирную Господу, буди то выполняя оброки своя Богу или з доброго умыслу своего, да принесеть телца непорочнаго или овцу, да бы приятно было приношение: никакого посквернения да не имать на собе.

²² Будет ли слепо или зламано, или язвено, или брадавку имеющи на собе или лишае, или короставо, да не зарежете таковых предъ Господемъ Богомъ и ниже туку ихъ палити будете на требнице Божиемъ.

²³ Телцу или овци естъли бы уши обрезалъ или хвостъ утялъ, въ даръ доброволный можеши принести и; слюбу же своего не можеши ими выполнити.

²⁴ Всякого самца, онже имать зотрены или здавлены, или вырезаны яйца, да не принесеши Господу, и к тому в земли своей того не чините.

²⁵ От руку иноплеменник не приносите хлебов Богу вашему и все иное, еже восхотят дати, не приимуйте от них, яко тленна суть и посквернена вся».

²⁶ И рече Господь Моисееви, глаголя:

²⁷ «Телець, ягня и козля егда ся родят, седмъ дней да поживает млека матери своея, в день пакъ осмый потом возмут е приносити Господу;

²⁸ кравы же, овци или козы да не зарежете во единый день с плодом своимъ.

²⁹ Естъли же принесете жертву молебную Господу, абы помиловал васъ,

³⁰ того ж дня да и снесте ю, абы не остало что от нея до заутрея: Азъ Господь, Богъ вашъ!

³¹ Сохраните заповеди Моя и наполните я.

³² Не поскверняйте имени Моего светого, да осветится посреди сынов Ізраилевых. Азъ Господь, Богъ, освещая вас,

³³ изведох вы от Египта, абых вам был в Бога. Азъ Господь!»