Леувитъ 9 Леувитъ 9 разьдзел

¹ Бысть же во осмый день, возва Моисей Аарона и сыны его и старейшинъ людей Ізраилевыхъ,

² и рече ко Аарону: «Возми от стада телца за грехъ и агнеца во всесозжение, обое непорочныхъ, и принеси ихъ предъ Господа.

³ Ко сыномъ пакъ Ізраилевым глаголати будешъ: “Возмите козла за грехъ, телца же и агнеца летошнего непорочна во всесозжение,

⁴ вола пакъ и овна на жертву мирную, и приносите е предъ Господемъ, а при каждом приношении муки пшеничное, олеемъ скропленое, приложите, днесь убо воистинну явится вамъ Господь”».

⁵ И приведоша вси речи ко дверемъ храмовымъ, еже былъ повелелъ Моисей; и внегда собралося было все множество людей,

⁶ рече Моисей: «Сие естъ слово, еже повеле Господь учинити, и явится вам слава Его».

⁷ И рече Аарону: «Приступи ко требнику и принеси за грех свой всесозжение, и помолися о собе и о людехъ; и внегда принесеши жертву от людей, молися жъ за нихъ, якоже повеле Господь».

⁸ Тогда скоро приступилъ Ааронъ ко требнику и зареза телець за грехъ свой;

⁹ того же кровь подали суть ему сынове его, в нейже омочилъ Ааронъ перстъ свой и помазал роги требника.

¹⁰ Лой пакъ и повразъ ятреный, и обе почки, еже беша за грехъ, на требнице запалилъ, якоже повеле Богъ Моисееви.

¹¹ Мясо жъ а кожу его созже на огни вне полковъ.

¹² Потомъ зарезал и жертву всихсозжения; и подали суть ему сынове его кровь жертвы тое, юже вылилъ на требник всюда вооколо.

¹³ Саму пакъ жертву, ссекану на части, со главою и со всими уды возложивши на требникъ,

¹⁴ спалиша огнемъ, змывши первей чрева и ноги водою.

¹⁵ За грехъ же людей зарезалъ козла, и вычистивъ требникъ,

¹⁶ принесе всесозжение, придавъ к тому и возлиание, еже вкупе приносится,

¹⁷ и созже е на требнице кроме обычаевъ жертвы утренее.

¹⁸ Зарезал теже и вола, и овна приношения мирнаго за люди, и подали суть ему кровь сынове его, юже вылилъ на требникъ вооколо.

¹⁹ Лой пакъ воловый и хвостъ овний, почки с туком их

²⁰ и повразъ ятреный возложили на груди, и внегда паляху лой ею на требнице,

²¹ груди их и плеча правые отделил ест Аарон, возношая пред Господем, якоже повеле ему Моисей.

²² И воздвиг руку свою, благослави людей. И тако доконавши жертвъa всихсозжения за грех и мирное, снииде.

²³ Внииде же Моисей и Аарон во Храм Сведения, и по сем вышедши, благославиша людей, и явися слава Господьня всем людем.

²⁴ И се огонь ступил от Господа и спалил жертвы и лой, еже беша на требънице. Сие внегда видеша, вси людие падоша на лица своя и похвалиша Господа Бога.